YEHEZKIEL 1:22 - ALLAH NIHYET MEM TUNGWATU NYA

²² Lene niban nindig krop gom nok kisina di jimjit bibor jo anai kerub nya ibou nggram him.

YEHEZKIEL 1:22 ပူးပေါင်းရင်းမြစ်များ

AYUB 37:22

Nipigati di piga kei dem kep mas mbrawin tau hak ei nite bei mpia nijjai. Allah de nikei-kau-keisi bindei ba, nyeni inggap leu.

NEHEI LEUSI 24:10

Ba, ingat mben Israel ide Allah. Noni ya niyati ei mpia di sur yam di nok tig nilam nimma nindig bibor dip ba, dem kep nok mpia-bbed him mem mpia ngeisi.

YEHEZKIEL 1:25

Noro nibimbi gom jo ninno ba, tibim kwei leu niban di jo anai ibou nggram him dip.

YEHEZKIEL 1:26

Lene dingat mun di iba tig permata nilam bibon nok banggo mbrei di jo anai niban dip ba, mun di nok tungwatu gwam dip.

YEHEZKIEL 10:1

Leu api dikiek da bidicap ug ei niban di jo anai kerub dima yok dip bidingat mun di dem kep banggo mbrei di iba tig nilam bibon.

YEHEZKIEL 10:20

Diyok ngon kep bipia gima ne kerub nya di nipou yo dingat yok ei Allah Israel nibehei ei Minyei Pmem Kebar nipimat pima ri.

NINGAT-HI-NGAT NYA 21:11

bikwei sut nisieng siausi kin Allah nikei-kau-keisi kin nijimjitti di nok tig permata di nibok kak kin tig baiduri pandan di pimbai kei nok kristal bida.

NINGAT-HI-NGAT NYA 4:3

No dima niimaisi njeng kei dem kep tig permata baiduri pandan kin permata delima. Pwet nimahai dem kep tig permata zamrud nghau ttai banggo mbrei nijoti.

NINGAT-HI-NGAT NYA 4:6

Leu api dingat lo, mun di nok muk ngei di ningwa dip jo nyahan di dem kep sra kin kisina di pimbai kei jo ei banggo mbrei nuhui. Mindhe ningut bitai igwam ttai banggo mbrei ba, hi ei bei ninda com hi ei bei ninda prak hi ei nijjai lene hi ei nibiho. Mindhe dima yok ibon igyai njep di ntun him yoho bei cem inghim cem mang bibor.