YEHEZKIEL 1:1 - ALLAH NIHYET MEM TUNGWATU NYA

¹ Ug ei hon njap gi nimuhwi ei bed gi nibitai mem ari bingwam gi ningot ningai lene da di Imam Yehezkiel di dicig ninyeng Busi dibong bit mben Yehuda ei ingkiaisi simiak Minyei Kebar ei minu Babel. Mpe dima lene dingat lo, mpia-bbed him kau leu api Allah ndo ningat-hi-ngat gom bida.

YEHEZKIEL 1:1 ပူးပေါင်းရင်းမြစ်များ

NITRITI 15:1

Mpe hi bu lene Abram ngat-hi-ngat bimiap tuhan nihyet di pai binoni “Abram e, attin au. Lewo midinyohou nani leu mun di kinei hagom leu api midiyai mun di kei nindig bibor binani yo.”

NITRITI 46:2

Mmun mau rino noni ngat ningat-hi-ngat bingat lo, Allah mbrap bit noni bipai “Yakub e, Yakub e?” Lene noni buhup “We? Da rini.”

MAZMUR 137:1

Nigwam ei mam bei simiak minyei nggram nya di biam ei minu Babel biniyai nggwei kibor tirigi niyok ngon kep Sion.

NEHEI LEUSI 24:10

Ba, ingat mben Israel ide Allah. Noni ya niyati ei mpia di sur yam di nok tig nilam nimma nindig bibor dip ba, dem kep nok mpia-bbed him mem mpia ngeisi.

YESAYA 1:1

Srat dini pai sut Allah ningon kanti mem timiei Yehuda kin timiei minu ndig Yerusalem nya di Noni mbot kep tut bak Yesaya di nicig ninyeng Amos tirigi nibou ndig Uzia kin Yotam kin Ahas kin Hizkia nya inyeng tak kep timiei Yehuda nya.

YESAYA 6:1

Ari bingwam di Nibou Ndig Uzia mai eisi ne dingat-hi-ngat bidingat tuhan. Noni gwam ei Nide banggo mbrei di jo nai ba, kei-kau-kei. Nide sinsun ninda jei nggai kep tuhan De Ig ninsi titut yam.

YEREMIA 29:15

Bit leu jeni ne tuhan yai nabi nya bije ei minu Babel.

YEHEZKIEL 1:3

Leu api tuhan mbrap bit da ba, Nide nisindemti kui da tirigi dibong simiak Minyei Kebar ei minu Babel.

YEHEZKIEL 10:1

Leu api dikiek da bidicap ug ei niban di jo anai kerub dima yok dip bidingat mun di dem kep banggo mbrei di iba tig nilam bibon.

YEHEZKIEL 10:10

Dingat lo, bikwop kroba nimig ninghau bitai dima bon kroba nimig ninghau gom kin bu di jo jiti ei ninggimau yon.

YEHEZKIEL 10:15

Kerub dima yok ripo nipou yo dingat ei Minyei Pmem Kebar nipimat pima. Lene ipri bikui ug ei anai.

YEHEZKIEL 10:20

Diyok ngon kep bipia gima ne kerub nya di nipou yo dingat yok ei Allah Israel nibehei ei Minyei Pmem Kebar nipimat pima ri.

YEHEZKIEL 10:22

Iimaisi nya cem noyam kin kerub nya di dingat ei Minyei Pmem Kebar nipimat pima iimaisi. Ba, bikwop kerub dima gom-gom mbut hallu ndam bei noho bei.

YEHEZKIEL 11:24

Tirigi dingat ningat-hi-ngat dima lene Allah Ninnei buwak da bingkwei da hanyen bikes da bak yo di ibong ei ingkiaisi ei minu Babel leu api ningat-hi-ngat dima pren leu da,

YEHEZKIEL 3:15

Leu api duug krau minu Tel Abib di mben Israel ibong ser ei ingkiaisi simiak Minyei Kebar. Dibong nyahan ei sirima mem mmun-njap muhwindacan lewo mun po dimiap bidingat bou diyai him cem pima hagom bindei ba, dibou ngwak sibui nindig bibor.

YEHEZKIEL 3:23

Gima rino dijuk ug ei mbang briepti leu api dingat tuhan de nikei-kau-keisi bou diyai him bit leu nok gi po dingat ei Minyei Kebar pima lene dikuk da bidiba dingwak bikik dihyei.

YEHEZKIEL 40:2

Allah buwak da ug ei dihyei Israel tug hon ningat-hi-ngat gom bikes da ei nungug di anai gom dip leu api dingat minu ndig gom di bon ig di dimbun di ingot nya ei doho bei.

YEHEZKIEL 43:3

Ningat-hi-ngat dima noyam kin gi hi di dingat mpe di Allah kwei mem gima bindei timek minu ndig Yerusalem ba, noyam kin gi dingat ei Minyei Kebar nyai pima cem. Leu api ditti ug ei dihyeisi bidiba dingwak bikik dihyei bidikuk da bak.

YEHEZKIEL 8:3

Mun di nok tungwatu dima su ninda bikrau dibou nta leu api diba ningat-hi-ngat pima bingat lo, Allah Ninnei kon da anai ug ei hou him bibuwak da ug ei tuhan De Ig ei minu ndig Yerusalem. Noni kes da kui dimbou di ibicoi ug ei mpia di jo bas hak ei ninsi gom di jo ei nite bei mpia nijjai. Ba, kwar di tungwatu nya ikuk yok bak di bibon tuhan nigga biborti jo ei sirima.

HOSEA 12:10

Noro Da di jide tuhan Allah di dibuwak je di jehei leu minu Mesir midibindei ba, jibong ei prak meng yati nya hanyen nok gi nipou tirigi dihwou ngat je ei iggum ndigsi.

YOEL 2:28

“Niabiati bu ne miduhug dinnei bikwop ei tungwagom-gom ningonti. Jipmot bat kin jipmisop bat nya mitri tut dihyet. Jide andigpoi nya mimumpriem. Jide pinai pilei nya mingat-hi-ngat cem.

MBEN ISRAEL IMBUT-MBUT NYEN 12:6

Lene tuhan pai biyok “Suar jingig jitingou mem dihyet! Tirigi jide nabi nya ikiju bitri tut dihyet bije lene dindo dingon kanti biyok tug hon ningat-hi-ngat nya ba, dimbrap bit yok tug hon ide mun di imumpriem nya cem.

MBEN ISRAEL IMBUT-MBUT NYEN 4:3

Leu api ipas kep pinai di ide njap ug ei ari bingwam ningot ningai ug bipek ningot muhwi di idem mem gima igyai midyai ei tuhan De Prak Meng nsi nya yahagom inyenga.

MATIUS 17:9

Tirigi ijuk kep kwei leu mbigdip dima lene Yesus sok kep yok ngkiem ser “Ma jitri tut mun di jingat bou jiyai him dima au bibou Munggwom Tungwatu Nipmot kiju hanyen leu nimai eisi ug e.”

MATIUS 3:16

Tirigi Yesus yai dimigyam tug hon minyei bikiju kui leu minyeisi lene mpia-bbed him kau kros leu api Noni ngat Allah Ninnei nok hakimoi di dwop juk bigwam ei Noni dip.

MARKUS 1:10

Tirigi Yesus kiju kui leu minyeisi rino Noni ngat lo, mpia-bbed him kau lene Ninnei Gi Kwes nok hakimoi di duop juk bigwam ei Noni dip ba,

LUKAS 3:21

Tirigi tungwatu pima yok igyai nitur yok ei minyei leu su lene Yesus cem yai nitur No ei minyei. Tirigi Yesus kes nadi bigyo lene mpia-bbed him kau kros,

LUKAS 3:23

Tirigi Yesus sindi kinyon ei Nide midyaiti lene Nide njap ug ei ari bingwam ningot ningai. Tungwatu nya ipai sut bipai nicig rino Yusuf ba, Yusuf ntun Eli him.

YOHANES 1:51

Yesus pai bu “Ma jiyok ngon kep lewo dipai nijit-jau bije bipia mijingat mpia-bbed him kau leu lene Allah de malaikati nya ikui-juk nyen biti Munggwom Tungwatu Nipmot noyam kin iti lin.”

KISAH 10:11

bingat lo, mpia-bbed him kau leu lene mun di nok mai nghas di nyan bibor gom son nyahan tut mun di bikri kep ninghas yenti bitai juk kwei ei dihyeisi.

KISAH 10:3

Mpe di gom mem jam ningai di mpia caisi lene noni ngat-hi-ngat bingat lo, Allah de malaikati gom tau kep noni bihig noni “Kornelius e?”

KISAH 7:56

Noni hara “Jingat i! Dimbou gwamti kau leu ba, Munggwom Tungwatu Nipmot ya kui Allah ninda com!”

KORINTUS GI NICAN 12:1

Mbro nok gino ningat hi ntun ditde ningon di nggei him bi lo, dinggei sut Allah ningon kanti di Noni ndo brei bida tug hon ningat-hi-ngat di dingat nya.

NINGAT-HI-NGAT NYA 19:11

Lo bi lene dingat lo, dimbou kau leu gwamti leu api kuda di ninta tiei kei ya niyati. No di bri bigwam kuda dip ninyeng Ningon Gom kin Ningon Sren. Noni ba ningon sren-srau bikes hukum ei tungwatu nya dip bikon pran bit Nide siceu nya.

NINGAT-HI-NGAT NYA 4:1

Gima ngwig leu lene dingat ningat-hi-ngat hi kin bu tut dimbou di kau ei gwamti. Leu api nihyet di tibim nok pun mbrei di mbrap bit da nipou jem da “Akui kwei ei sirini leu api dindo mun di pek kep ei nidipti bu bina.”