YAKOBUS 5:7 - ALLAH NIHYET MEM TUNGWATU NYA

⁷ Gima rino disut bat jen, ma jibet jingon mem Tuhan nikwei hanyenti. Dem kep nok no di ndim ningan di bet ningon kikau ba, njita len kep. Noni bet ningon mem bed di biang mpia di but kwei kin bed di biang bigeda.

YAKOBUS 5:7 ပူးပေါင်းရင်းမြစ်များ

YEREMIA 5:24

Mbro nok gino Dani rino dikes biget mem je ei nijam biget nimbie him kin ningwigsi ba, diyai nijam nikos gandum bikwop ari bingwam mem je cem lo, jikuk je bijibou cut biDa bi sren.

HOSEA 6:3

Gima rino ma jikwei ba, ita ibou ei gi ingon jo kep Noni hanyen. Noni mittau kep nye hanyen noyam kin mpia di com mem njap tekti kin biget di but kwei ei dihyeisi dini mem bed di biang biget ningwigsi.”

YOEL 2:23

Je di timiei minu ndig Sion e, ma jiyai nillei bijingon kei bibor kei lewo tuhan di nok jide Allah njei mun di kei nindig bibor bak jeni. Noni bindei ba, mpia but nok gi dem mem bed di biang mpia ngei ba, biget mbras kwei mem bed di biang hou kin es ba, biget but mem bed di biang mpia kwes hanyenti bit leu nok gi Noni kos tut mem je habiei ei nimbie him.

ZAKHARIA 10:1

tuhan rino ba bimbuhui di biang biget bibindei ba, biget but mbras. Biget dima bindei ba, njita kioi ei miaisi nya nnum kei ba, kei-kau mem nyeni. Gima rino ug cut nijam di biang mpia ngei ndung ningwigsi lene ma jahara tuhan biyai nok mpia but.

MATIUS 16:27

Lewo Munggwom Tungwatu Nipmot mikwei sut Nicig Nide nikei-kau-keisi kin Nide malaikati nya leu api mibirop hanyen bak tungwatu nya gom gom bit leu nok igyai munti nya.

MATIUS 16:28

Ma jiyok ngon kep bipia je di jingat rin ei mpia dini jibihi mijimai bi bibou jingat Munggwom Tungwatu Nipmot di kwei nok Nibou Ndig bou jiyai him ug e.”

MATIUS 24:27

Lewo Munggwom Tungwatu Nipmot nitau hanyenti midem kep nok mpia di kieng leu bei mpia nitausi ba, ninjeng piga kikau ug ei bei mpia nicutti.

MATIUS 24:44

Gima rino jeni cem ma jiyai ngkiem bikwop mmun-njap lewo Munggwom Tungwatu Nipmot mikwei hanyen mem jam dino jiyok jingon mem Noni bi.”

LUKAS 18:8

Ma jingon jo kep bipia Allah bipbur bimbrap gau yok! Noro tirigi Munggwom Tungwatu Nipmot kwei hanyen lene Noni mittau kep yo di iba ingon com Noni ei dihyeisi dini e?”

LUKAS 21:27

Mpe dima lene Munggwom Tungwatu Nipmot mittau kwei sut Nide nisindemti kin Nide nikei-kau-keisi ei bumbuhuiti kwei ri.

LUKAS 8:15

Njita ngan di cut ug ei dihyei suti bindo tut yo di imiap nihyet leu api ipwoi ei ingon di gomti kin ingon di kwes keiti. Yo dini ita ibou eisi bikui dip ningat di kei ntun him.”

YOHANES 21:22

Yesus buhup “Gino dijoi sut bipia no dima niyaijo kikau ug bipek dikwei hanyenti kep lene ma aba angon srip huk munhyet dima au. Noro tut nani ne ma abit Da!”

YOHANES 21:23

Gima rino yo di ibit Yesus nindigsi nya isuglai biyam bipia no dima mimai bi sren. Noro Yesus pai sut no dima niyaijo kikausi bi. Noni pai hak “Gino dijoi sut bipia no dima niyaijo kikau ug bipek dikwei hanyenti lene ma aba angon srip huk munhyet dima au.”

ROMA 15:4

Srat bokti ei Allah Nihyetti hagom ngginau nye. Lewo Allah Nihyet ningginau nyeti bindei ba, yoom ingon ba, biwin ingon cem. Apino igyok ingon mem Allah.

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

KORINTUS GI NIGOM 1:7

leu api jiyok jingon mem ide Tuhan Yesus Kristus nittau hanyenti. Apino jitunggwei sut mun di kei nyeng gom di Noni njei bak jeni bi.

GALATIA 5:5

Noro tut nye dini ne niyok ningon mem nyende ningon kwes kin Allahti di niyai tug hon nisindemti leu Allah Ninnei kin niba ningon com Kristusti cem.

GALATIA 6:9

Gima rino ma ingon cut leu ide niyai munti di kei bibor nya au. Leu gino ingon cut leu bi lene mpe di gom mingat ningat leu igyai munti dima yo.

NINDAT KEP TUHAN NICUKTI NYA 11:14

Gino jibon nok gima lene Noni mibindei but biget ei jide dihyei dip son dideu bed di biang hou kin bed di biang mpia ngei cem. Leu binhyepo jide gandum ngan kin ba anggur ngei kin mini zaitun,

KOLOSE 1:11

Handei kon ba, Allah ba Nide nisindemti di mindur bibor bisindem tut je leu binhyepo jiba jibou coi mem yo di ihwen bit je ba, joom jingon tut yok ba, jingon llei bibor,

TESALONIKA GI NIGOM 1:3

Mpe dino ningat nadi bak Icig Allah ne niyok ngon kep bipia jindo jide niba ningon com Yesus Kristusti tug hon jiyai munti nya kin jide ningon ngakei yamti di bindei dino jita jibou ei jide midyai nyati lene jiba jingon nddong biyok jingon mem ide Tuhan Yesus Kristus.

TESALONIKA GI NIGOM 2:19

Ningat ne jibindei ba, niba ningon com je ba, ningon llei sut je bininggei-nggwang tut je mpe dino Tuhan Yesus kwei hanyen ba, yahagom igya ei Noho bei!

TESALONIKA GI NIGOM 3:13

Tug hon nisinati dima Noni mibiyai jingon nddong kei leu binhyepo jingon sren ba, jingon kwes cem ei Icig Allah Noho bei tirigi ide Tuhan Yesus kwei hanyen tut Nide limwa nya yahagom.

IBRANI 6:15

Abraham ba nibou coi bibet ningon. Gima rino noni yai mun di Allah preu ei mem noni.

YAKOBUS 4:11

He disut bat jen, ma jipai yam kinei ba, jibon jenti nok nikei mem hiter au. Tungwa tou rino pai nisut no di Kresten hi kinei bigwam nok nikei mem noni ningon mui lewo gima tereu nok noni gwam nok nikei mem Allah niggai serti. Gino agwam nok nikei mem Allah niggai serti lene gima dem kep nok agibit niggai serti dima bi noro agwam nok nikei mem.

YAKOBUS 5:10

Disut bat jen, ma jiyok ngon kep nabi nya di itri tut Allah nihyet di ingon jo nyahan tut yo di ihwen bit yok nya. Ba, yoni indo bindo di kei bibor binye tug hon nisinati dima.

YAKOBUS 5:3

Prap yem jide mas kin perak di jinju kok yam ei hagom. Prap dima ne mun di bindo tut jidrui bou ngwakti kin jingon di mui ei njap ningwig honti rin ba, yem jinghuisi noyam kin hum di yem tungwatu nya.

PETRUS GI NICAN 3:4

tirigi ihig ser je “Tuhan preu ei sut nikwei hanyenti tu e? No hantou i? Idigup bat-idigai bat nya imai bingwig leu su noro mun nyeng hagom jo nijoti habiei ei nimbie him tirigi Allah pai tes dihyeisi kikau kwei bipek ammani kep!”