YAKOBUS 5:5 - ALLAH NIHYET MEM TUNGWATU NYA

⁵ Jibong kei jigwam kei ei dihyeisi dini ba, jiba joho rok mun di jingat jingwes eisi. Gima tereu nok jibindei mmau jenti bijimmau ndok ei mem njap dino ibui je dem kep nok ibui mikwau.

YAKOBUS 5:5 ပူးပေါင်းရင်းမြစ်များ

MAZMUR 17:14

Akwek da leu yo di inyeng tut ndigban nyeng hagom bit leu ijoi sutti ei dihyeisi dini inda nsi. Akes hukum ei yok dip tug hon mun di buhun bibor di atin ei mem yok ba, akes hukum dima ei yo di intun him yok nya dip cem.

MAZMUR 73:7

Imbukti biam kwei leu ingon bei ba, ibou sibui sut gi igyok ingon gom mem tungwatu nya.

NIPINGOK NINGONTI 17:1

Niba ningon jo nyahan biyem pas dem hot gom he kei bibor dor njiriek niyem pesta bit yo di iba nitok biyamti.

NIPINGOK NINGONTI 7:14

“Njap di ammani ne dibon midut nibiyai ningon kwes kin Allah ba, dibindig mindhe ei humti bidipwoi mikwau niken kwei ei ig bei tu.

NIBA NINGON SRIP HUKTI 11:9

Na di pinjoi pilei yo e, ma angat angwes ei nijam di apileiti! Ma ayai nillei mem nijam di apileiti. Ma abit ade ningon joi sutti nya kin mun di kei di ayai ngat nya hagom. Noro ma ayok ngon kep bipia Allah di ningat rin ei gwamti mimbus angonti drek dip ade ningon joi sutti kin ayai munti nya hagom.

YESAYA 22:13

Noro jigiyai gima bi. Mpe dima lene jingon llei-lau ba, jibon pesta bit yam. Jibui sapi kin domba nok mikwau bijiyem bijidut ba anggur ningei cem. Jibijem biyam “Jikwei bigyem njita bidut ndia ngei cem lewo njap ne imai ug rin o!

YESAYA 3:16

tuhan pai “Sop minu ndig Yerusalem nya ikon yonti bibor! Inggei-nggwang ba, ikek igyai igkei cem. Iba inggei bicom imig ba, srak di ikes ei imig hwen yam binggileng cem.

YESAYA 47:8

Gima rino na di ata abou ei nuhuk bram ningon llei biborti e, ma angig atingou mem Dihyet! Akan bipia abong kei agwam kei ba, hi ginoyam kin nani bi. Akan bipia aginok kibom ba, ade nintun him yamti di bram yam nya misar bi sren.

YESAYA 56:12

Nibou ngwak sibui sut pes cig dima yok ipai ‘Jikwei bidut ba anggur ngei bindei nye kei ug e! Mun di igyai mem njap di hyep mikei dor njiriek mun di igyai mem njap di ammani!’ ”

YEREMIA 12:3

Noro tuhan e, akan tut dani. Angat diyai munti nya ba, akan tut bipia dingon gom tut Na. Ma akri yo di isibut dima yok bit leu nok domba di ijem ug ei mpia di ibui nok mikwau kikep eisi. Aya ser yok kikau ug bipek njap ngon bou dima ibui yok dem ug e.

YEREMIA 25:34

Je di nibou nya kin je di gembala mem tuhan de limwa nya e, ma jipim kui jei! Ma jirim-rim nyen ei atriemti lewo nituti dem mem gima jitug ndei nimai. Yo di ingwes ngun nya intek gimahap. Jidem kep dibijig di nibok kak di cut ba, kimbo.

YEHEZKIEL 16:49

Minu ndig Sodom ya tut nide minu mien nya bikon yonti lewo ide njita di jo mem yok nya ne nindig bibor. Ibong nyahan ba, ibong kei igwam kei cem. Noro igingondut nuhwap mbum nya kin nikinei-kinau nya bi.

YEHEZKIEL 39:17

tuhan Di Ninyeng Jei Bibor pai bida, “Na di tungwatu di ayaijo kikau bi e, ma ajem kep ha nya kin mindhe-ndhe nya hagom kwei leu nima kwei-nima kwei mem gima igyem kep nimbiam ngut di ditin ei mem yok nya. Midibon pesta nindig bibor ei nungug him ei minu Israel leu api yoni mipuk bigyem nimbiam inghui bidut inggrom a.

AMOS 6:1

Je di mben Israel jinyeng jei bijibong kei jigwam kei ei Sion kin jide limwa nya di iba ingon com je tut gi jimpu yok kin je di timiei mben Israel di mipbor ngat nya kin je di jibong kei jigwam kei ei Samaria e, mun di buhun bibor micut igkep je!

LUKAS 16:19

“Mpe di gom ne tungwagom di nyeng bibor no rinaha ba, noni juk kep sinsun di nibok kak bibor nya lene yem njita ninyeng hagom bikwop njap-njap.

LUKAS 16:25

Noro Abraham buhup ‘Dipmot na e, ma ayok ngon kep bipia tirigi ayaisi jo yo ne ade mun di amati nya hagom kei bibor kei noro Lazarus ma mun nyeng di kinei nya he. Nogindini noni ningon kei bibor kei ei mpia dini noro atug ndei anghuisi wei nindig bibor.

ROMA 13:13

Ma ibindei mbut niyai munti di singat kei nya tereu nok yo di imbut mem nipigati. Ma ibihim cem idut pes di pu nye cem icut tut yam cem ikrar kep yam cem ibui yam cem ingon kinei sut yam cem bu au.

TIMOTIUS GI NIGOM 5:6

Sop kibom di ba noho rok mun di ngat ningwes eisi lene mbro nok gino niyaijo yo lo, mai su.

2 TIMOTIUS GI NICAN 3:4

ibakilak yam cem ibon mun kindi-kindok cem ingon jei bibor cem ikes Allah ei leu ba, yuhuk bram mun di ingat ingwes eisi nya cem.

PETRUS GI NICAN 2:13

Yoni mitug ndei ninghuisi wei drek dip ninghuisi wei di ibindei dino cut igkep yo di hiter. Ingon llei sut gi ibon mun bit leu ingut kanti di kinei di srou yok bou tungwatu nya igyai him. Yo dini ibinim kep je bibindei ba, jiyai ngkek ttin yok ei mpe dino iba inyeng can biyem njita bit je.

YUDAS 1:12

Tirigi jiyem njita bit yam lene yo dini isrig jikieti bibindei mmai jahagom cem iduhwen njita hak yon ba, ingon hek tut yonti njem he. Inok bumbuhui di hou miep-miep nyen lo, but kan bi. Inok biei di ngat ningat hi bi mem nijam di biei nya ngat ningat. Inok biei mon di tungwatu nya iprim tut nigau di mui bihigom cem.

NINGAT-HI-NGAT NYA 18:7

Ma jibindei ba, ninghuisi wei nindig bibor ba, ningon ngguk bibor cem sur nide ningon jei sut nonti kin ndigban nindig bibor di noni mbus keyam ei mem nonti. Lewo noni kan a ‘Sani ne sop nibou ndig rin ba, sinyeng tak kep mun nyeng hagom. Sani ne sop kibom rin bi ba, misingon ngguk bi sren.’

SAMUEL GI NIGOM 25:36

Tirigi Abigail ngkwei hanyen lene ngat lo, Nabal bon pesta nindig bibor ei nide ig ba, pesta dima noyam kin nibou ndig de pesta. Pes pu noni ba, nibou ngwakti sibui lene yai nillei cem. Gima rino nitnem pui mun bak bi kikau bipek njap di hyep bu.

SAMUEL GI NIGOM 25:6

leu binhyepo inggok Nabal bipai sut Daud nipigo noti bak. Daud sok nihyet bak Nabal leu api ipai bak noni “Daud pigo nani kin ade ig bei nsi bitut mun di anyeng tut nya cem hagom.