YAKOBUS 5:20 - ALLAH NIHYET MEM TUNGWATU NYA

²⁰ lene ma jiyok ngon kep bipia no di brim no di srawir leu puig di kinei biteu noni leu nimai eisi bindei ba, Allah kos ser nide sisar di mang bibor dima tu. Nipigo leu dani, Yakobus

YAKOBUS 5:20 ပူးပေါင်းရင်းမြစ်များ

MAZMUR 32:1

Daud ba doia bikiek ningginausi. Bikwop yo di ipigau hanjop lo, tuhan kos ser ide sisar tu lene yo dima ingon nggei-hi-nggei lewo Noni ji kep ide sisar tu.

NIPINGOK NINGONTI 10:12

Nigga yamti bindei ba, ihwen yam. Ningon ngakei yamti ba niyai ngat nitunggweisi nya.

NIPINGOK NINGONTI 10:2

Ndigban di aba ningon canti bitug ndei leu api abiyai anyeng di jei sut ne mporo abiyai ningat di kei bi. Noro ningon srenti mibindei ba, angwes ngun drek dip.

NIPINGOK NINGONTI 11:30

tuhan cuon no di ningon kwes kei niyaisi. No di ningon ki bindei ba, nindigsi nya induk yam bibit bong.

NIPINGOK NINGONTI 11:4

Mpe dino aum nimai lene mun di anyeng tut nya mibon ninyeng mem na bi sren. Gino aba angon di gom biyai mun ne angwes ngun drek dip.

NIPINGOK NINGONTI 17:9

Gino ajoi sut gima yo di hiter ihig isut bit na lene ma akos ser ide mun di igyai tunggwei sut na. Gino aket-ket nyen ide mun di igyai tunggwei sut na lene gima bindei ba, jiba nitok biyam.

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

ROMA 11:14

Mpaba dibiyai dide bat mben Yahudi ibou dut tug hon nisinati di bihi igyai niteu leu sisarti kin niyaijo nijep.

KORINTUS GI NIGOM 1:21

Lewo Allah di ningon ki bindei ba, bit bon tungwatu nya ingon jo kep Noni tug hon ide ningon kiti kan bi. Noro Noni kos tut bipia Noni miteu yo di ingon jo kep Noni leu sisar biyai niyaijo nijep biyok tug hon nihyet di nyeni nitri tut biyok lo, tungwatu nya ikan bipia nihyet dima ne nihyet minyei he ri.

KORINTUS GI NIGOM 9:22

Tut yo di ingon nddong bi nya ne diyaijo tereu nok no di ningon nddong bi leu binhyepo dibindei ba, ikuk yok bak Kristus. Dindo diyaijoti bak tungwatu nya bit leu nok igyai munti nya leu binhyepo diba nisinati hi gom hi gom bindei ba, igyai niteu leu sisarti kin niyaijo nijep.

TIMOTIUS GI NIGOM 4:16

Ma asok kep nanti tut ayai munti nya kin ade ningginau tungwatu nyati. Leu gino aba angon di gom biyai gima yok hagom kikau ne abiteu nanti bitut yo di intu kep ahyet cem ba, jahagom jingwes ngun.

FILEMON 1:19

Angat i! Diba dinda ceti bipas Da di Paulus midirop ade ningwam hagom hanyen bina! (Dipingok angonti tut ade ningwam di jo bida bi. Ningwam dima ne ade niyai niyaijo nijep di tug hon Kristus ri.)

YAKOBUS 1:15

Gino noni nyohou ningon pri kep mun di ngat ningwes eisi dima lene sisar ntun him. Gino sisar dima mahan tu lene nimai ntun him sindam.

YAKOBUS 1:21

Gima rino ma jicom mun di biyai jingon rom kin mun di kinei di rap je nya. Ma jiba jibou coi sut Allah kin nihyet di Noni ndim ei jingonti lewo nihyet dima sindem mem gima teu je leu sisar biyai niyaijo nijep bije.

YAKOBUS 5:15

Ide nadi di ingat tug hon niba ningon com Yesus Kristusti mibindei ba, no di nggwen miyai ningkek ngun eisi. Allah misindem tut noni bikei hanyen bikos ser sisar di bon nya.

YAKOBUS 5:19

He disut bat jen, gino tungwagom ngkwei hanyen leu puig di nijit lene hiter brim noni kwei ei puig di nijitti hanyen,

PETRUS GI NIGOM 4:8

Gi bon ninyeng dor njiriek nindigsi nya rino nicukti di bidip huk je leu binhyepo jingon ngakei yam mungkun kei. Lewo ningon ngakei yamti dima mibindei ba, jikos ser sisar di jibon biyam.

NINGAT-HI-NGAT NYA 20:6

Yo di ikiju hanyen bit nimpung gi nigom dima ingon nggei-hi-nggei ba, ingon llei bibor cem. Nimai gi nican om kep yok bi. Inok imam mem Allah kin Kristus ba, inok nibou ndig di igwam kui Noni mem ari bingwam sribu gom.