YAKOBUS 5:19 - ALLAH NIHYET MEM TUNGWATU NYA

¹⁹ He disut bat jen, gino tungwagom ngkwei hanyen leu puig di nijit lene hiter brim noni kwei ei puig di nijitti hanyen,

YAKOBUS 5:19 ပူးပေါင်းရင်းမြစ်များ

MAZMUR 119:118

Akou sut gi ikriek leu Ade nimbrap tutti nya. Igyok ingon gom mem niris ei tungwatu nya dip lo, igyaisi dima mikui-kausi he.

MAZMUR 119:21

Akon ahyet kep yo di ingon jei nya ba, asigion no di kriek leu Ade nicukti nya.

NIPINGOK NINGONTI 19:27

Dimunggwom na e, gino akes hon ba, apikor tut mun nyeng hi bu bi lene jei bi mun di apikor eisi tu nya mipren hanyen leu abou ngwakti.

YESAYA 3:12

Nipos mitiei cig nya mico kep ditde limwa nya ba, inok adrom di muhun Ditde limwa nya inggrom leu yok.” Ditde limwa jen e, nibou nya ico kep je bibindei srawir je apino jingon kiowi tut puig di kei mem je.

YEHEZKIEL 34:16

Midinggok ser gi hi di imbut ariwace. Dingot kep gi hi di ibok bidiyai obat bak gi hi di inggwen cem. Noro midibui gi hi di immau ndok kin imbut sindem hagom ba, imai bingwig lewo Dani ne gembala di nijoi bibor ri.

YEHEZKIEL 34:4

Jittei gi hi di inghuisi jet ei jinggibi dip bi. Jiyai obat bak gi hi di inggwen bi. Jingot kep gi hi di imig bok bi. Jinyohou jem gi hi di imbut ariwace bi. Jinggok ser gi hi di israwir cem bi. Noro jimbuk tut domba dima yok.

MATIUS 18:15

“Gino asut hi bon sisar tut na lene ma aug ngat noni ba, ando nide sisar brei bak nyahan binding leu nindigsi nya igyai him. Gino noni ce tut ade nipingokti lene bindo bipia jingon kwes kin yam hanyen tu.

LUKAS 22:32

Noro Simon e, dingat nadi tindei na leu binhyepo ade niba ningon com Dati cut hacan bi. Tirigi angkwei hanyen ba, aya kui Da lene ma abiwin kep asut bat nya ingonti.”

GALATIA 6:1

Disut bat jen, gino jigom ttau kep tungwagom tirigi sisar sindi srou noni lene ma je di jibit Allah Ninnei nibie tut jeti jiba jingon di nggriu bibrim no dima hanyen kwei ei puig di nijitti. Lene ma jingon sok kep jenti ser nhyema jisindui sut ba, sisar dima srou jeni au.

TIMOTIUS GI NIGOM 6:10

Lewo niba noho rok mitieisi rinok nibousi mem sisar ninyeng hagom. Tungwatu nya ibou poi di iba yoho rok mitiei ikes hon ba, ingon jo kep bu bi lene ibimangkrei ingonti ba, israwir tu.

TIMOTIUS GI NIGOM 6:21

Lewo ibou poi ipai sut yonti bipia itug ndei “Nikan tutti” nok gi dem leu api ikrau tunggwei Allah nicuk nyeti di ingon jo kep nipou su ba, israwir. Handei kon ba, Allah singat tut jahagom. Nipigo leu dani, Paulus

2 TIMOTIUS GI NICAN 2:18

Yo cin dini ikrau tunggwei puig di nijit binggek tut yo di ingon jo kep nya ibou poi ide niba ningon com Kristusti ba, itri tut bipia nikiju hanyen leu imai eisi njiriek leu su.

IBRANI 5:2

Imam Nibou Ndig dima ne tungwatu dihyeisi dini he ri. Gima rino ba ningon di nggriu bibon yo di igyai mun tunggwei nya drek dip ingon di mbum.

YAKOBUS 1:16

Disut bat di dingon kieti jen, ma jisindui sut ba, hi ris je au.

YAKOBUS 1:19

He disut bat di dingon kieti jen, ma jiyok ngon kep dihyet bipia suar bikwop tungwagom-gom bipbur ba, nitingou dile noro nyohou yai sut nimbrapti. Ma ningon sibui sut tungwatu nya au.

YAKOBUS 3:14

Noro gino jingon kinei sut yam cem jiwok yam cem jingon jei sut jenti cem lene ma jitri tut bipia jingon ki au. Lewo jikiek-kiek nyen Allah nihyet di nijit tug hon mun di jitri tut.

YAKOBUS 5:20

lene ma jiyok ngon kep bipia no di brim no di srawir leu puig di kinei biteu noni leu nimai eisi bindei ba, Allah kos ser nide sisar di mang bibor dima tu. Nipigo leu dani, Yakobus

PETRUS GI NICAN 3:17

Disut bat di dingon kieti jen, jikan tut mun dini yok hagom tu. Gima rino ma jitindei ser yo di ingkek ndok tut Allah nicuk yokti leu binhyepo iris je bijicut leu jiya nddongti au.

YUDAS 1:11

Ayo! Notou mem yo dima i? Lewo ico kak puig di Kain mbut kak. Ibindei yonti bicut ei nikineisi drek dip mitiei noyam kin Bileam niyai munti di yai tunggwei. Isrep tut Allah noyam kin Korah di srep tut Musa apino tug ndei nimai.