YAKOBUS 5:16 - ALLAH NIHYET MEM TUNGWATU NYA

¹⁶ Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.

YAKOBUS 5:16 ပူးပေါင်းရင်းမြစ်များ

NITRITI 19:29

Gima rino tirigi Allah cok tut minu ndig nya ei mbang briep dima hagom bitut Lot de biyati cem bingwig lene ningon prion ser Abraham bi. Lewo Noni sindui sut Lot binang biningwes ngun leu su.

NITRITI 20:17

Lene Abraham ngat nadi tindei yok apino Allah bindei ba, Abimelekh cem kei hanyen ba, bon nitnem kin nide awak sop nya cem yahagom inghop hanyen.

NITRITI 20:7

Noro suar atug noni hanyen bak nijjep nogindini. Lewo nijjep ne nabi rin ba, noni mingat nadi tindei je leu binhyepo jitug ndei nimai bi. Amiap e, gino atug noni hanyen bak nijjep bi lene nani kin ade limwa nya cem jahagom mijitug ndei nimai hak.”

NITRITI 32:28

Lene no dima pai “Anyeng rino Yakub bu bi. Adahat kukwei Allah kin tungwatu nya cem ba, abindei timek yok tu. Gima rino suar ijem anyeng Israel bu.”

SAMUEL GI NICAN 19:19

Bipai binoni “Andigpoi e, ma ayok ngon kep ditde mun di diyai tunggwei sut na di Andigpoi mem njap di anang leu minu ndig Yerusalem pima bu au. Dahara mem na di Andigpoi leu binhyepo angon prion ser hagom lene ma agga da drek dip au.

NIBOU NDIG NYA GI NIGOM 13:6

Lene Nibou Ndig Yerobeam hara nabi dima “Angat nadi tindei da bak ade tuhan Allah leu binhyepo Noni ngondut da bikinding dinda bikei hanyen!” Lene nabi dima ngat nadi tindei nibou ndig dima bak tuhan leu api ninda kei hanyen.

NIBOHON MBEN ISRAEL GI NICAN 30:20

Lene tuhan ce tut Hizkia de nadi. Noni kos ser yo dima ide sisar leu api kes hukum ei yok dip bi.

AYUB 42:8

Nogindini ma jijem sapi nikre ningut muhwindacan kin domba nikre ningut muhwindacan ba, jijem bak Ayub. Lene ma jibui mindhe dima hagom bijindig kep hum ei nimbar hum dokti drek dip jide sisar. Ayub mingat nadi tindei je lene midibuhup nihyet. Mbro nok gino jiji kipa tut Da bijipai mun di igbit bi lo, midibinim kep je ba, suar jibiang jipai munti nya nibuhunti bi. Noro Ayub pai mun di igbit tut Da.”

MAZMUR 34:15

Suar mbres nonti leu sisar biyai kep niyai munti di kei nya ba, bingon tut ningon jo nyahanti kikau cem.

NEHEI LEUSI 17:11

Mpe dino Musa su ninda hacem lene mben Israel ibindei timek mben Amalek. Noro mpe dino ninda cut lene mben Amalek ibindei timek mben Israel.

NEHEI LEUSI 9:33

Lene Musa kes Firaun ei buug leu minu ndig dima leu api kon ninda kui leu api ngat nadi bak tuhan. Lene kru kin biget kin biget di mbras nok tig njep hagom kes ba, mpia mbum-bra.

NIPINGOK NINGONTI 15:29

tuhan miap kep yo di ingon kwes kei nya ide nadi noro ba ningha bak yo di isibut nya ighyet.

NIPINGOK NINGONTI 15:8

tuhan joi sut yo di ingon kwes kei nya ide nadi noro ningon mpo tut midut di yo di isibut nya ibon ei nimbar hum dokti nya.

NIPINGOK NINGONTI 28:9

Gino abit Allah nicukti bi ne ningon him wei sut nadi di tibim ei ahui him.

YEREMIA 15:1

tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

YEREMIA 33:3

“Ahara Da leu api midibuhup ahyet. Midimbot kep tut mun di kei-kau di biyai ningon nggap leusi di akan tut bi sren nya bina.

YEREMIA 42:2

ngat da bipai “Andigpoi e, angat bou ayai him bipia nipou ne nye dini nimang noro tini bu ne nijo poi mien he. Nahara bak na di andigpoi leu binhyepo angat nadi bak tuhan Allah di akuk na bak. Angat nadi tindei nye di niken di nimang bibor bu bi dini,

MBEN ISRAEL IMBUT-MBUT NYEN 11:2

Lene yoni yahara Musa leu binhyepo mpu yok. Gima rino noni ngat nadi bak tuhan. Lene hum dima kes hon biyem yok bu bi.

MATIUS 21:22

Gino jiba jingon com Allah tirigi jingat nadi mem mun nyeng hi lene mijiyai mun dima yok.”

MATIUS 3:6

Yo dini ipai jit ide sisar leu api noni tur yok ei Minyei Yordanti.

MARKUS 1:5

Tungwatu nya leu hanjop Yudea kin minu ndig Yerusalem imang bibor induk yam kwei kep Yohanes bipai jit ide sisar leu api noni tur yok ei Minyei Yordanti.

LUKAS 9:6

Yo di igya kui Yesus imbut bidem minu dima hagom bitri tut Nihyet Di Kei lene ibindei ba, tungwatu nya ikei hanyen.

YOHANES 9:31

Ningat ne Allah buhup yo di ibon kep sisar ighyet bi. Noro buhup yo di ikuk yok biNoni kin yo di ice tut bibit Nonti ningon kanti yahagom ighyet.

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

KISAH 19:18

Yo di ingon jo kep nya imang bibor ikwei pai jit bimbot kep tut nung nya di ikui yok nipou su dima brei bou tungwatu igyai him.

KISAH 8:24

Lene Simon hara Petrus kin Yohanes bipai “Ma jingat nadi bak Tuhan leu binhyepo mun di jipai kep dati dima hi cut igkep da bi.”

ROMA 3:10

Bit leu nok gi ipas ei Allah Nihyetti, “No di ningon sren ei Allah niyai him no rinaha bi sren ba,

ROMA 5:19

Tungwatu nya imang bibor iba yo kep ingon di rom tug hon tungwagom di bit Allah nihyet bi. Nok gima cem tungwatu nya imang bibor migyai ingon di kwes kin Allah hanyen tug hon Tungwagom nibit Allah nihyetti.

KOLOSE 1:9

Gima rino ningat nadi tindei je habiei ei nimbie him tirigi nimiap tut jinghapti kikau kwei bipek ammani kep. Nahara Allah leu binhyepo Nide Ninnei yai jingon ki bijingon dorti tut ningon kanti mem je.

TESALONIKA GI NIGOM 5:17

Ma jingat nadi bidem nituti hagom bijingon cut leu nadi au.

TESALONIKA GI NIGOM 5:23

Handei kon ba, Allah di bindei ba, ibong kei igwam kei yai jingon kwes-kwau. Handei kon ba, Noni nyohou jenti njem bitut jinnei kin jingon kin jingut leu binhyepo mun di kinei hi rap je bi ei mpe dino ide Tuhan Yesus Kristus kwei hanyen.

TESALONIKA GI NIGOM 5:25

Disut bat jen, ma jingat nadi tindei nye.

IBRANI 11:4

Niba ningon comti bindei ba, Habel kwas mindhe bibui sut ninggrom bak Allah lene niyaisi dima kei bibor dor njiriek mun di Kain kwas bak Noni. Allah joi sut Habel di ningon sren drek dip munkwas di bindei ba, Allah joi sut noni. Mbro nok gino Habel mai su lo, ninghapti tibim kikau kwei bipek ammani kep tug hon nide niba ningon comti.

IBRANI 11:7

Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

IBRANI 12:13

Ma jikak puig di sur yam kei leu binhyepo jimig di lit kruwok bu bi noro yai nisindemti bikei hanyen.

IBRANI 13:18

Ma jingat nadi tindei nye kikau. Nikan mungkun bipia ningon mien kwes lewo nita nibou ei niyai mun di igbitti bikwop njap ngwa hagom.

YOSUA 10:12

Gima rino tuhan bindei ba, tentara Israel ihwen tentara Amori bingwig mem njap dima. Lewo Yosua kiju biya ei tentara Israel yahagom yoho bei lene ngat nadi bak tuhan bipai, “Mpia njap e, ma ahuk pijum anai Gibeon lene ma acut au. Bed mmun e, ma acom ndei Ayalon nyai lene ma acutti au e.”

PETRUS GI NIGOM 2:24

Kristus biang ide sisar ei Nonti dip tirigi mai ei biei salibti leu binhyepo bikwek nye leu sisar de nisindemti leu api igyaijo bit leu Allah ningon kanti mem nye. Kristus nibok nya ribindei dino jikei hanyen.

YOHANES GI NIGOM 3:22

Mpe dino nyeni ingat nadi tindei mun nyeng hi ne Noni buhup hanyen lewo ibit Nide nicuk nyeti nya bipwoi ningon.

SAMUEL GI NIGOM 1:12

Lene Hana huk nadi wer ninno ba, Eli tou kep nuhui tirigino nuhui bingmai-bingmai gwai.

SAMUEL GI NIGOM 12:17

Mbro nok gino nijam dini ne bed di biang mpia ngei rin lo, midingat nadi lene Noni mibindei ba, kru micut lene mpia but. Tirigi jingat gima bou jiyai him lene mijo nibreisi mem je bipia jibon sisar nindig bibor tut tuhan tirigi po jibidip huk Noni tut nibou ndig di ninyeng tak kep je.”

SAMUEL GI NIGOM 12:18

Gima rino Samuel ngat nadi lene tuhan bindei ba, kru cut lene mpia but mem njap dima. Apino yo dima yahagom ittin tut tuhan kin Samuel cem.