YAKOBUS 5:13 - ALLAH NIHYET MEM TUNGWATU NYA

¹³ Gino jigom ningon buhun lene ma noni ngat nadi. Gino jigom ningon llei lene ma noni pai doia binggei sut Allah.

YAKOBUS 5:13 ပူးပေါင်းရင်းမြစ်များ

NIBOHON MBEN ISRAEL GI NIGOM 16:9

Jipai doia ba, jibinggei sut tuhan. Jitri tut niyai munti nya di bindei ba, tungwatu nya inga leu sut hagom.

AYUB 33:26

Mpe di noni ngat nadi lene Allah buhup nide nadi. Leu api no dima miba ningon llei binggei sut Allah ninyeng lewo Allah cuon niyaisi ser nhyema mai au.

MAZMUR 105:2

Jikwei ba, ipai doia nibinggei sut tuhanti. Ipui sut Nide midyai di bibon ninggap leusi nya.

MAZMUR 118:5

Tirigi mun di buhun bibor cut igkep da ne dahara tuhan leu api Noni buhup dihyet bikwek da bidiyati kwes.

MAZMUR 18:6

Mun di suwok ei minu nimai nya ide yon ttai da. Minu nimai nya ide di nok kau mbrei jo doho bei.

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

MAZMUR 91:15

Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

MAZMUR 95:2

Jikwei ba, yahagom igya ei Noho bei bipai sigyo biNoni ba, iba doia di llei bibor binggei sut Noni.

YESAYA 65:14

Ningat ne yoni miba ingon di nggei-hi-nggei bimbos-hi-mbos nyen noro jiba jingon di ngguk bibor bipim.

DANIEL 5:4

Yahagom inggei sut ide kwar di iba mas kin perak kin ngkimom-tembaga kin ngkimom nitu kin biei kin tig bibon.

HOSEA 6:1

Mben Israel ipai biyam “Jikwei ba, yahagom ingkwei hanyen ndam tuhan. Noni yai ninghuisi wei binye noro bindei ba, ikei hanyen. Noni bindei ba, ibok-ba noro Noni ba perban bingot kep hagom hanyen.

YUNUS 2:2

“tuhan e, mun di buhun bibor dini cut igkep da lo, dahara Na leu api abuhup dihyet. Tirigi dibong ei gumihyep nimai nya ide ne dahara Na leu api amiap dihyet ba, ayok ngon kep da.

MIKHA 4:5

Bikwop mben hagom ei dihyei njek dip dini ikuk yok bak ide kwar bibit kwar nihyet. Noro tut nyeni ne ikuk nye bak tuhan di nok ide Allah bibit nihyet bijo ninno bijo kikau.

MATIUS 26:30

Lene yo dima ipai doia nibinggei sut Allahti leu api imbut biyuug ei Nungug Zaitun.

LUKAS 22:44

Yesus ningon bei buhun bibor bita nibou ei naditi ba, nahanggwap di mbilen nok ninggrom bitinim ug ei dihyeisi.]

LUKAS 23:42

Lene noni pai “Yesus e, ayok ngon kep da tirigi akwei hanyen nok Nibou Ndig!”

KORINTUS GI NIGOM 14:15

Gima rino dibon mindei i? Dibon nok gini. Diba dinnei he bingat nadi bi noro diba dibou ngwakti cem bingat nadi. Diba dinnei he bipai doia bi noro diba dibou ngwakti cem bipai doia.

KORINTUS GI NIGOM 14:26

Disut bat jen, gini ne ditde nipingok jeti nya ri. Tirigi jidem yam ei mem jikuk je bak Tuhan ba, hi kon doia lene hi ngginau tungwatu nya lene hi tri tut nihyet gom di Allah mbot kep tut binoni lene hi ba nihyet mindur bimbrap lene hi luei nihyet mindur dima hanyen brei bak tungwatu nya lene nok. Noro ma jiba nisindemti dini yok hagom bingginau yo di mbusyamei nya leu binhyepo ingwes gwam yamti tut.

EFESUS 5:19

Ma jiba srat mazmur kin doia nya bisimbot kep tut jihyet biyam. Ma jiba jingon di llei bibor bikon doia kin mazmur ba, jibinggei sut Tuhan.

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.

YAKOBUS 5:10

Disut bat jen, ma jiyok ngon kep nabi nya di itri tut Allah nihyet di ingon jo nyahan tut yo di ihwen bit yok nya. Ba, yoni indo bindo di kei bibor binye tug hon nisinati dima.

NINGAT-HI-NGAT NYA 14:3

Tungwatu nya ibou sribu sratus gom ningot bitai ba, bitai pima igya ei banggo mbrei nuhui kin mindhe ningut bitai pima yoho bei kin nibou nya yoho bei bipai doia di nijep-jau di bit bon hiter ingon dorti tut kan bi. Noro yongkom he ingon dorti tut lewo igyai niteu leu dihyeisi tu.

NINGAT-HI-NGAT NYA 7:10

Yo dini iba ighyet nindig bibor bahara “Niteu leu sisarti kin niyaijo nijep tug hon ide Allah di gwam banggo mbrei dip kin Domba Pmot cem.”