YAKOBUS 4:7 - ALLAH NIHYET MEM TUNGWATU NYA

⁷ Gima rino ma jiba jibou coi mem Allah lene ma jihwen bit Bilis leu api noni minang leu je.

YAKOBUS 4:7 ပူးပေါင်းရင်းမြစ်များ

SAMUEL GI NICAN 15:26

Ne gino Noni joi sut da bi lene handei kon ba, Noni bibon da bit leu ningon kanti hak ug.”

NIBOHON MBEN ISRAEL GI NICAN 30:8

Ma jingkek ndok noyam kin yoni au. Noro ma jibit tuhan nihyet. Ma jinduk yam kwei ei minu ndig Yerusalem ba, jicoi ug ei tuhan De Ig di Noni dimig pijum ei mem Nonti bijo ninno bijo kikau. Ma jikwei ba, jikuk je bak Noni leu binhyepo ningon cut leu Nide nigga jeti.

AYUB 1:21

lene pai “Tirigi dipmem gwam tut da ne dehei he. Mpe dino dimai lene midehei he. tuhan yai bida leu api Noni yai hagom bingwig hanyen leu da tu. Handei kon ba, tungwatu nya inggei sut ninyenga!”

MAZMUR 66:3

Jipai bak Allah “Abon munti bibon ninggap leusi nijit-jau a! Ade nisindem biborti mipbor ngat. Gima rino Ade siceu nya iba ingwak bikik dihyei ba, idigit tut Na bibor.

MAZMUR 68:30

Nibou ndig nya ittei ide munkwas nya binjei bak Nani ei Ade Ig ei minu ndig Yerusalem.

YEREMIA 13:18

tuhan pai bida “Acuk nibou ndig kin nitnem ba, ijuk kwei leu ide nibou ndig de banggo mbrei lewo ide topi nibou ndig di kei bibor cut leu ibou nggramhim tu.

DANIEL 4:25

Tungwatu mijji nani ug ei minu ting leu yok leu api abong bit mindhe-ndhe di tungwatu nya ipijuk bi nya. Ayem mintu-minta dem kep nok sapi nya ba, abong bas hak. Nggou kui nati cem kikau mem ari bingwam muhwindacan. Mpe dima lene angon jo kep bipia Allah Di Ninyeng Jei Bibor sindem tut nibou ndig nya bitut ide ninyeng tak kepti nya hagom ba, Nongkom he rino ta yok bit leu Nonti ningon kanti.

DANIEL 4:32

Tungwatu mijji na ug ei minu ting leu yok leu api abong bit mindhe-ndhe di tungwatu nya ipijuk bi nya. Ayem mintu-minta dem kep nok sapi nya kikau mem ari bingwam muhwindacan. Gima leu api angon hukti bipia Allah Di Ninyeng Jei Bibor sindem tut nibou ndig nya bitut ide ninyeng tak kepti nya hagom ba, Nongkom he rino ta nibou nya bit leu Nonti ningon kanti.”

MATIUS 11:29

Ma jibit dicuk jeti nya bijingig jitingou mem dingginausi lewo dingon jo nyahan ba, dingon nggriu cem apino jingon minggan hanyen.

KISAH 26:19

“Na di Nibou Ndig Agripa e, dibrim dingkek kikau bidibit ningat-hi-ngat di Allah bindei bidingat bou diyai him dima.

KISAH 9:6

Akiju ba, aya lene ma aug ei minu ndig dima leu api tungwagom mipingok na tut mun di ayai yo.”

ROMA 10:3

Yoni ikan tut nisinati dino Allah bindei ba, tungwatu nya igyai ningon kwes kin Noni hanyenti bi. Noro ipi bitin puig hi ter bit leu yonti ingon kanti. Ikuk yok bak Allah de nisinati di bindei ba, igyai ningon kwes kin Noni hanyenti bi.

ROMA 14:11

Allah Nihyet pai, “Tuhan Nonti preu ei mem nye bipia tungwatu dihyeisi hagom mikuk yonti ei dimig him leu api isimbot dat bipia Dangkom ne Allah ri.”

EFESUS 4:27

Tug hon nisinati dima ne jibon nituti kin nikwesti mem Bilis bi.

EFESUS 5:21

Ma jiba jibou coi mem yam bicim tindei gi jibikon Kristus ninyeng a.

EFESUS 6:13

Gima rino nogindini ma jijuk sinsun pran di Allah yai bije! Leu binhyepo jidem mem gima jitindei ser siceu nya di icut igkep je mem nijam di biang mun di kinei. Ba, tirigi jikon pran buug ei ningwigsi lene je hei nok nikon pran cig.

IBRANI 12:9

Ibon icig bat nya di ittem nye leu api ikuk nye bak yoni drek dip. Suar ikuk nye bak Icig ei gwamti nindig bibor dor njiriek bu leu binhyepo igyai niyaijo nijep di jo kikau.

PETRUS GI NIGOM 2:13

Ma jiba jibou coi mem nibou dihyeisi dini yahagom. Tug hon nisinati dima ne jibinggei sut Allah. Jiba jibou coi mem Kaisar di nibou ndig bibor,

PETRUS GI NIGOM 5:6

Gima rino ma jikuk je nyahan bak Allah ba, ninyeng tak kep je leu api Noni mikon jinyeng dem igbit tto bou.

SAMUEL GI NIGOM 3:18

Gima rino Samuel pai sut hagom brei bak Eli biku mun nyeng gom ei ningonti bi. Leu api Eli pai “Noni ne tuhan rin ba, miyai hagom bit leu Nonti ningon kanti mem nye.”