YAKOBUS 4:2 - ALLAH NIHYET MEM TUNGWATU NYA

² Jingon pri kep mun di jiba joho rok lo, bit bon jiyai kan bi apino jihwen mun. Jibrim jingkek mem noro bit bon jiyai kan bi apino jiliriem yam ba, jiba nitok biyam. Bit bon jiyai mun di jibrim jingkek mem kan bi lewo jahara Allah tug hon nadi bi.

YAKOBUS 4:2 ပူးပေါင်းရင်းမြစ်များ

NIBOU NDIG NYA GI NIGOM 21:6

Lene Ahab buhup “Dingon sibui sut Nabot. Dipi bidipek nide ba anggur nghousi mem danti. Gi bi lene midiba ba anggur nghousi hiter bu biluei nide ba anggur dima noro noni ce tut dingon kanti dima bi.”

NIPINGOK NINGONTI 1:19

Ninggimang kep mun cig nya mitug midut drek dip igyai kepti di sibut dima.

NIBA NINGON SRIP HUKTI 4:8

No di bong binongkom di bon nimunggwom kin nide bat nya bi cem no rinaha. Mbro nok gima lo, noni ta nibou ei midyaiti biyai kikau ba, ningon gicut hon ndigban di jo binoni bi. Noro com nahanggwap bikiek ningha bak mun di brim ningon hagom cem mem tou i? Bit bon dingon dorti tut gima yok cem kan bi. Lewo gima bindei ba, noni tug ndei nonti ninghuisi wei drek dip.

YESAYA 7:12

Noro Ahas buhup “Dikou sut gi dahara Na tut bindo di bitto. Leu gi nok lene dibingon Na di tuhan.”

HABAKUK 2:5

Ninyeng tut ndig ban nindig bibor ris mun bak no di nyeng tut. Yo di idrui bou ngwak yahagom ingon jei ba, ingon bos-bos nyen. Yoni inoyam kin minu nimai nya ide di ningon cut hon yo di imai nya imangti bi sren. Gima rino tentara Babel ikon pran bit mben dihyeisi dini bijo-jo yam dip bipos ndigban mem yonti.

YOHANES 16:24

Leu nimbie him kikau kwei bipek ammani kep jahara Da tut mun nyeng hi tug hon dinyeng bigyo. Ma jahara Da leu api jiyai mun dima leu binhyepo jiyai nillei titut yam ei jingonti.”

YOHANES 4:10

Yesus buhup “Gino akan igbit tut mun di Allah yai bak tungwatu nya ba, angat igbit Da di dahara na tut minyei dini lene nanti ma ahara Da leu api duhug minyei niyaijo nijep hi bina ba, adut.”

YAKOBUS 1:5

Gino jigom ningon ki haigtu bi lene ma hara Allah tut leu api Noni miyai ningon di ki bak noni. Lewo Allah singat tut nye biyai ningat di kei ninyeng hagom bak tungwatu nya yahagom tug hon ningondut nyeti.

YAKOBUS 5:6

Jijem nimai gau yo di ingon ngun nya bijihwen yok lo, igyai mun tunggwei bihwen bit je bi.

YOHANES GI NIGOM 3:15

No di ningon mpo tut nisut ne gima dem kep nok hwen noni ei ningonti tu. Jikan tut bipia nihwen kep mun cig hi yai niyaijo nijep di jo kikau ei ningonti bi.