YAKOBUS 4:1 - ALLAH NIHYET MEM TUNGWATU NYA

¹ Ningon sibui sut yamti kin niliriem yamti di srig jikieti ntun mindei him i? Ningon di pri kep mun di ingat ingwes eisiti rinok nitriti mem mun dima yok.

YAKOBUS 4:1 ပူးပေါင်းရင်းမြစ်များ

YEREMIA 17:9

Tou riningon dorti tut mun di jo ningon bei i? Ningon ki tut niris mun igkeisi dor njiriek mun nyeng hagom ba, ninggwenti buhun bibor.

MATIUS 15:19

Lewo nihwen mun kin nicut tut hi nitnem kin nicut tut yam kin ninggimang mun kin niris yam kin nikucang yam hagom ntun ningon him.

YOHANES 8:44

Bilis ne jicig rin ba, jiyai midyai bit leu jicig ningon kanti. Noni ne nihwen mun cig rin habiei leu nimbie him. Noni tti kin Allah nihyet di nijit-jau bi sren lewo nijit-jausi ninyeng gom jo ei ningonti bi. Tirigi noni ris kep tungwatu nya lene gima yai bram nonti niyai kepti lewo noni ne niris kep mun cig kin nibousi mem niris yamti hagom ri.

ROMA 7:23

Noro niggai serti hiter yai nibou tut dingonti ba, srep tut niggai serti di diba dibou ngwakti bice tut. Sisar niggai ser dati di yai nibou tut dingonti kat da ba, disima.

ROMA 7:5

Lewo nipou ne igyai munti nya bit leu tungwatu dihyeisi dini ingut kanti nya. Mpe dima lene Puig Yahudi niggai serti di yai nibou tut nye bindei ba, ingon pri kep sisar ba, inok awak mem igyai munti nya di bie ndam nimai.

ROMA 8:7

Gino ningut kanti di ntun dihyeisi dini him pingok kep tungwagom ne noni ba nitok bak Allah lewo noni bit Allah nihyet bi. Ningat ne bit bon noni bit Allah nihyet kan bi.

GALATIA 5:17

Lewo ningut kanti di ntun dihyeisi dini him tte tut ningon kanti di ntun Allah Ninnei him. Ningon kanti di ntun Allah Ninnei him tte tut ningut kanti di ntun dihyeisi dini him ba, hacem tte tut yam. Gino jibit Allah Ninnei nibie tut jeti lene bit bon jiyai munti nya bit leu jingut kanti di ntun dihyeisi dini him kan bi.

KOLOSE 3:5

Gima rino ma jimu kep jingut kanti di om kep je. Bihi nok nicut tut yamti kin nikrar kep yamti kin niyai canti kin ningon pri kep yamti kin ningon pri kep mun di jo bak hiterti (sisar dini noyam kin sisar nikuk nye bak kwarti nya).

2 TIMOTIUS GI NICAN 2:23

Ma abicom yam bit yo di ingon mbum nya di iba ighyet dahat yam tut mun di bon ninyeng bi nya au. Akan tut bipia mun dima yok ribindei dino tungwatu nya itte tut yam.

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.

TITUS 3:9

Noro ma ambres nanti leu yo di iba ighyet dahat yam tut mun di bon ninyeng bi kin yo di itig pung bijo ninno kin yo di iliriem yam kin yo di ihwen yam drek dip Puig Yahudi niggai serti nya cem lewo mun dima yok hagom bon ninyeng bi.

YAKOBUS 1:14

Mun di bindei dino tungwagom cut ei sisarti rino ningon pri kep mun di ngat ningwes eisi di srou noni.

YAKOBUS 4:3

Gino jahara Noni lene jiyai mun nyeng hi leu Noni bi lewo jingon kanti sren bi ba, jahara mem mun di jingat jingwes eisi he.

PETRUS GI NIGOM 1:14

Ma jibit Allah ningon kanti mem je. Ma jingkwei kep jingon kanti kin jingut kanti timiei nya di jiyai tirigi jingon tindur yo pima au.

PETRUS GI NIGOM 2:11

Disut bat di dingon kieti jen, jinok ngkiai nya cem yo di ibong bas cem ei dihyeisi dini. Gima rino dicuk je sindem bipia ma jisindui sut jide ningut kanti nya om kep je au. Lewo jingut kanti dima kon pran bit jingonti kikau.

PETRUS GI NICAN 2:18

Mun di tibim ei yuhui him ndo brei bipia ingon jei ba, ingon mbum cem. Iba ingut kanti di kinei bibor bisrou yo di sindi ingwes ngun leu yo di isibut nya indati.

PETRUS GI NICAN 3:3

Mun dima jiyok ngon kep nimbie ngat hak rino son dideu njap ningwig honti lene tungwatu nya di ingut kanti kinei om kep yok nya ibou poi mittau kwei. Yo dini miba ighyet bicig je,