YAKOBUS 3:6 - ALLAH NIHYET MEM TUNGWATU NYA

⁶ Idweb noyam kin hum priot. Idweb rinok nibousi mem mun di kinei hagom ba, bindei mbut mun di kinei dima bimbut bidem tungwatu nya ingut titut yam. Hum dima kwei leu nibousi ei hum njengti ba, tigut nye habiei leu imien kikau bipek igyaijo ningwig honti.

YAKOBUS 3:6 ပူးပေါင်းရင်းမြစ်များ

SAMUEL GI NICAN 16:20

Lene Absalom kiek no bingat Ahitofel bipai binoni “Nogindini ikwei krau su. Apingok nye tut igyaisi.”

SAMUEL GI NICAN 19:43

Lene mben Israel ipai “Mbro nok gino nibou ndig tig mbier tut je lo, nyeni nidem mem gima nibuwak noni nindig bibor mbisimnai bu njiriek je. Nggon rino jingon jei ba, jingwes pri gau nye i? Ma jiyok ngon kep bipia nyeni nisimbot kep biyam tut nibuwak nibou ndig hanyen kweisi bibie leu je!” Noro Yehuda nya ighyet singga bibor dor njiriek mben Israel ighyet.

NIBOHON MBEN ISRAEL GI NICAN 13:17

Abia ya tut nide tentara nya ba, ibindei timek mben Israel bibor hak ba, Yerobeam de tentara di ikon kep pran igkei nya ibou sribu sratus muhwi ikrop bingwig ei pran dimati.

MAZMUR 140:3

Yo dima igyok ingon gom mem mun di kinei bibindei ba, nikon nihyet keyam bijo-jo wai bikwop njap.

MAZMUR 64:3

Anyohou da leu yo di isibut di igyok ingon gom mem da bibon mun di kinei bida kin yo di isibut di inggreu ser da ba, iris mun ei dati nya.

NIPINGOK NINGONTI 15:1

Nibuhupti di nem-nnai bindei ba, no di gga bibor ningon cut hanyen. Noro nibuhupti di singga miep hum kin no di gga nide nigga biborti.

NIPINGOK NINGONTI 16:27

Yo di isibut nya itindei ser nituti tirigi ibon mun di kinei bak nindigsi nya. Ighyet di tigut yok cig yok nok hum di cig-cai.

NIPINGOK NINGONTI 6:19

kin no di ris-ris nyen nihyet tut mun di noni ngat bou niyai him kin no di bindei ba, niba nitok biyamti kieng kep yo di ingon kwes kin yam.

NIPINGOK NINGONTI 7:5

Ningon kiti mimbres na leu sop di nibou buwei kin sop di ba nihyet mmau biris na ug ei nikineisi.

YESAYA 30:27

tuhan de nisindemti kin ninyeng jeisi jo brei mem nye leu Nide mpia di ting tu. Hum kin hum mmup bindo tut niggati. Ba, Noni mbrap lene nihyet noyam kin hum di yem mpia.

YESAYA 50:11

Je di jaham jimbuk kep nindigsi nya e, jingon kanti di jitin ei su mibindei sar jenti hanyen. tuhan Nonti ribindei di mun dima cut igkep je ba, mijitug ndei ninghuisi wei di buhun bibor.

YEREMIA 20:10

Dimiap tut yo di yahamui nyahan bidem minu ighyet di ipai “Ningon ttin biborti kieng kep minu! Jikwei ba, iba kilak Yeremia bak nibou nya!” Disut bat di dingon kieti nya cem imem kep ser dicutti. Isimbot kep biyam “Ma ibingon mem gima iba ninsi di mmau biris noni leu api noni micut bak nyeni. Leu binhyepo ikat noni ba, iba ingon di mbuk birop hanyen bak.”

YEREMIA 28:16

Gima rino tuhan Nonti pai bipia Noni micok tut nani leu dihyei ninjek dip leu api ma amai ei ari bingwam dini drek dip gi acuk mben dini yok ba, yaham imbuk kep tuhan.”

IMAM NYA IDE MIDYAI 24:11

Ei njap gom lene pinai dima srep huk tungwagom leu Israel ei ide prak meng yati dima. Hammi tirigi isrep huk yam nok rino pinai dima sigion Allah. Gima rino mben Israel ibou poi ibuwak noni ug ei Musa noho bei.

MBEN ISRAEL IMBUT-MBUT NYEN 25:2

Sop dima yok icigit yok ndam ide pesta di ibon kep mun di ikuk yok bak nya. Mpe dima ne mben Israel cem igyem mikwau di ibui bak kwar di mben Moab nya ikuk yok bak.

MBEN ISRAEL IMBUT-MBUT NYEN 31:16

Jikan kep bipia sop dima yok rino ibit Bileam nipingok yokti bihwen limwa mben Israel ingonti leu binhyepo iba inghim bak tuhan ei Peor pima bi e? Ba, igyai munti dima bindei di nsuwer ajar pima cut igkep tuhan de limwa nya!

MATIUS 12:24

Tirigi Farisi nya imiap nihig ser yamti dima lene isrep “Beelzebul di nibou ndig mem ninnei rom nya ya Yesus ningonti bisindem tut Noni leu binhyepo jji ninnei rom nya.”

MATIUS 5:22

Noro tini bu ne Da dipai bije bipia no di ningon sibui sut hiter miya ei nikei noho bei. No di pai hiter kinei miya ei Nikei Puig Yahudi nya yoho bei. No di pai bak hiter ‘Arom ndok!’ dima ningwes ngun leu hum njengti bi.

MARKUS 7:15

Mun di coi ug ei tungwatu nya insi bindei ba, map kui yok bi noro mun di tibim kwei leu yuhui him he bindei ba, map kui yok.” [

LUKAS 16:24

Gima rino noni hara ‘Arig Abraham e, ma angondut da ba, acuk Lazarus leu binhyepo su ninda pijum ei minyeiti ba, kwei bingget didweb lewo hum di cig-cai dini sror da o!’

KISAH 20:30

Lene gima he bi lewo ibou poi leu jikieti mitri tut nihyet nitrowai bibindei ba, yo di ingon jo kep nya itti kin yok bisrawir ug ri.

KISAH 5:3

Gima rino Petrus hig pus noni “Ananias e, nggon rino asindui sut Bilis di pingok angonti dino aris bak Allah Ninnei tirigi angon tak kep mitiei di aba dihyei bipek dima ndrim hi mem nanti i?

KISAH 6:13

Ba, ihig yo di ikinei-kinau nya ibou poi kwei mem gima ipai kep Stefanus biris mun ei noniti bipai “No dini srep tut Tuhan De Ig di kwes-kwau dini kin Puig Yahudi nicukti di Allah kes bak Musa cem bikes nihyet tut kan bi.

NINDAT KEP TUHAN NICUKTI NYA 13:6

Mbro nok gino akindig bat-akinjoi bat nya kin apmot bat apmisop bat nya kin atnem di angon ngakei noni kin angon kieti yahagom iba niku ris na nyahan leu binhyepo akuk na bak nung nya di nani kin adigup bat-adigai bat nya jikan tut bigyo,

TITUS 1:11

Suar asok kep yo dima ngkiem leu binhyepo ikimut yuhug hak ug. Lewo iba nihyet minyei binggek tut mbusyamei ninsi de nya imang bibor ba, ibipek mitiei nindig bibor leu yok. Igyaisi dima igbit bi!

YAKOBUS 2:7

Yo dima ikucang jinyeng Kresten di jiyai tirigi jiba jingon com Kristus.

YAKOBUS 3:7

Bon tungwatu nya inek mindhe-ndhe di niten-pos nya kin ha nya kin mun di srei ei dihyeisi kin mun di jo ei minyei jou hagom kan ba, gi ipijuk ne muhup.

PETRUS GI NICAN 3:3

Mun dima jiyok ngon kep nimbie ngat hak rino son dideu njap ningwig honti lene tungwatu nya di ingut kanti kinei om kep yok nya ibou poi mittau kwei. Yo dini miba ighyet bicig je,

YOHANES GI NININGAI 1:10

Gino dihwou ngat je lene midimbot kep tut niyai munti nya hagom. Lewo noni kkin kep nyeni ninghapti biris mun ei nye dip cem! Ba, ningon cut hon niyai munti nya dima he bi. Lewo noni cigit yo di Kresten kui ig bi noro cuon ser yo di ingon jo kep nya di ijoi sut icigit yok kui ig bijji yo di ingon jo kep dima yok leu mbusyamei ikieti!

NINGAT-HI-NGAT NYA 12:9

Yoni injei naga di nindig bibor tut nide malaikati nya ug ei dihyeisi mu. Naga ne wou di ningat rin ei nimbie him di ninyeng Bilis kin Ninnei Di Sibut ri. Noni rino ris bak tungwatu dihyeisi dini yahagom.

NINGAT-HI-NGAT NYA 13:14

Ba, hi sindui sut noni biba mindur di bibon ei mindhe gi nigom noho bei biris tungwatu dihyeisi hagom. Mindhe dini cuk yok leu binhyepo ibon kwar di dat mindhe gi nigom di yai nibok leu singau simeda di hi bitot noni noro kiju hanyen leu nimai eisi tu pima.

NINGAT-HI-NGAT NYA 18:23

Tungwatu nya ingat mini ninjeng di piga digai minu ndig dima bu bi. Ibon pesta niwak yamti ei minu ndig dima bu bi. Nipou ne nitri-nibipek kep mun cig ei minu ndig dima inyeng jei dor njiriek nitri-nibipek kep mun cig nya ei dihyeisi dini hagom. Nipou ne minu ndig dima ba ninda dut biris tungwatu dihyeisi dini hagom.”

NINGAT-HI-NGAT NYA 19:20

No di bri bigwam kuda nitiei dip kat mindhe di niten-pos dima kin nide nabi nitrowai di bon mindur nya ei mindhe noho bei. (No dini ba nide mindur nya biris yo di igyai mindhe di niten-pos de nitak bukti kin yok kin yo di ikuk yok bak nide kwar.) No di bri bigwam kuda nitiei dip com mindhe di niten-pos kin nabi nitrowai tut igyaisi ug ei muk hum belerang di cig-cai.