YAKOBUS 3:17 - ALLAH NIHYET MEM TUNGWATU NYA

¹⁷ Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi.

YAKOBUS 3:17 ပူးပေါင်းရင်းမြစ်များ

NIBOU NDIG NYA GI NIGOM 3:12

Gima rino midibuhup ade nahara Dati. Midibindei ba, angon ki ba, antin kimbo dor njiriek tungwatu nya di igyaijo ei nijam di nipou kin nijam di nidipti bu cem.

NIBOU NDIG NYA GI NIGOM 3:28

Tirigi mben Israel imiap tut notou Salomo kos tut munhyet di buhun dima lene yahagom inggap leu nindig bibor. Jo nibreisi mem yok bipia Allah yai ningon di ki bak Salomo leu binhyepo ba ningon di sren kei bikos tut munhyet nya.

NIBOU NDIG NYA GI NIGOM 3:9

Gima rino ma abindei ba, dingon ki leu binhyepo diba dingon di sren kei bibie tut Ade limwa nya ba, dikan igbit tut mun di kei kin mun di kinei niter leu yamti cem. Gino ampu da bi lene notou midibie tut Ade limwa nya di imang bibor dini i?”

NIBOHON MBEN ISRAEL GI NIGOM 22:12

Ade tuhan Allah miyai angon di binggok puig tut mun di abon kin angon di ki tut mun nyeng hagom cem bina leu binhyepo anyeng tak kep mben Israel bit leu tuhan niggai serti nya.

NIBOHON MBEN ISRAEL GI NIGOM 22:9

Mbro nok gima lo, Noni preu ei mem da bipai ‘Ma abon apmot gom di ba ningon sren bibie tut nide limwa nya. Midimpu noni apino nide siceu nya hi di mikon pran bit noni bi. Mijem ninyeng Salomo lewo ei nijam di ninyeng tak kep ne midibindei ba, mpia mbum-bra ba, mben Israel yahagom ibong kei igwam kei cem.

AYUB 28:12

Noro minggok ser ningon ki ei hantou i? Miyuug pikor ei hantou leu binhyepo igyai ningon di dor niti i?

AYUB 28:23

Allah Nongkom he rino kan tut ningon ki nijoti. Nongkom he rino kan tut puig di ug ndam a.

AYUB 28:28

Allah pai bak tungwatu nya “Suar jiba nibou di cut bak Allah bikon ninyeng mem gima jibiyai ningon ki leu Noni. Ma joom jenti ei minu ting leu mun di kinei nya leu binhyepo jibiyai ningon dor niti leu Noni.”

NEHEI LEUSI 36:2

Lene Musa hig Bezaleel kin Oholiab kin tukan nindigsi di tuhan sindem tut yok di ijoi sut igyai kep midyai dima yahagom kwei leu api cuk yok ba, ikinyon eisi.

NIPINGOK NINGONTI 2:6

tuhan Nongkom kwas ningon kiti kin nintin kimboti kin ningon di dor niti tut tungwatu nya.

YESAYA 2:4

Noni migwam nok nikei mem ngkiai nya bidem dihyeisi dini hagom leu api mikos tut ide munhyet nya. Yoni mitug ide simeda nya hagom binok ngkimom nitu di ibiwim dihyei. Yoni miprin ide tigtug nya hagom binok singau koi. Mpe dima lene mben dihyeisi dini nya mikon pran bit yam binjei siceu bu bi sren.

YESAYA 32:6

No di ningkek ndok nuhui buwei ba, kos dat mun di mbuk bibor cem. Noni ba niyai munti kin nihyet binim kep Allah bikwas njita tut yo di inggum bitau ndia ngei bak yo di inggobiau bi sren.

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

DANIEL 1:17

Allah bindei ba, pinai pilei ibou bitai dima ingon ki tut mun nyeng hagom. Noni bindei ba, Daniel ne nimbot kep ningat-hi-ngat cig kin mumpriem cig ri.

MALEAKHI 2:9

Gima rino midibirop bije. Midibindei ba, mben Israel ingwes pri gau je lewo tirigi jingginau Ditde limwa nya ne jiyai igbit dingon kanti bi. Tirigi jingginau Ditde limwa nya ne jimbus nggok yok.”

MALEAKHI 3:3

Noni mikwei kes hukum ei tungwatu nya dip noyam kin nikinding ngkimom cig di ndig perak kin mas kep hum bibindei ba, mumpiang joti bi. No di tuhan pinak kwei mindig imam nya ingonti kep hum leu binhyepo ibon midut di igbit tuhan ningon kanti bikuk yok bak.

MATIUS 23:28

Jeni cem jinok gima. Jibon jenti nok yo di ingon sren ei tungwatu nya igyai him noro jingon bei mpiei bimpung tut jingon canti kin jide sisar.”

MATIUS 5:8

Bikwop yo di ingon gom nya ingon nggei-hi-nggei leu yoni mingat Allah bou igyai him!

MATIUS 5:9

Bikwop yo di ibakei tungwatu nyati nya ingon nggei-hi-nggei lewo Allah mipai bipia yoni ne nimunggwom bat nya ri!

LUKAS 21:15

Lewo dibindei ba, jiji cem nggan jingon cem ki leu api bit bon jide siceu nya yahagom ibigen ser jihyet kan bi.

LUKAS 6:36

Ma jingondut yam bit leu nok Jicig ngondut tungwatu nya!”

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 1:47

Yesus ngat Natanael di kwei ndam Noni lene pai sut noni “Jingat i! No dini ne mben Israel ningat-ngat rin ba, niris mun bak tungwatu nya jo ei Noniti bi.”

KISAH 11:24

Allah Ninnei sindem tut Barnabas biyai ningon di singat kin ningon di gom cem. Gima rino Barnabas bindei ba, tungwatu imang bibor itti kin Tuhan bibit nihyet.

KISAH 9:36

Sindig Tabita no rima ei minu ndig Yope ba, noni cem ningon jo kep Tuhan. (Iba nihyet Yunani bijem ninyeng hi Dorkas ba, ninyeng ndo tut rusa.) Dorkas de midyai nya hagom kei bibor ba, noni ngondut yo di yuhui mbum nya cem bidem njap ngwa hagom.

ROMA 12:18

Tut jenti njem ne ma jita jibou ei ningon kwes kin tungwatu nya yahagomti.

ROMA 12:9

Ma jiba jingon di gom bingon ngakei tungwatu nya. Ma jingon mpo tut mun di kinei leu ba, jikrau kep mun di kei.

ROMA 15:14

Disut bat jen, dikan tut mungkun bipia mun di kei nyeng mang bibor ntun jeni him ba, jingon ki lene ma jingginau yam igkei cem.

KORINTUS GI NIGOM 12:8

Allah Ninnei yai nisindemti hi bak tungwagom leu binhyepo tungwagom dima ba ningon di ki bitri tut nihyet. Allah Ninnei gom ndia yai nisindemti hi bak tungwa hiter bu leu binhyepo tungwa hiter dima ba ningon di dorti bindim ningan bram.

KORINTUS GI NICAN 10:1

Nogindini da di Paulus dipai dingon kanti gom bije. Hi pai dinghapti bipia tirigi dingat rin kin je lene diba dibou coi mem tungwatu nya lo, tirigi dingat rin ei minu ting lene dibrim dingkek kep je. Noro diba ningon nggriu sutti kin nisingat tutti di ntun Kristus him,

KORINTUS GI NICAN 6:6

Nindo nyenti nok Allah de awak di kei nya tug hon ningon gom kin ningon ki kin ningon di jo nyahan kin nisingat tut tungwatu nyati hagom ba, tug hon nisindemti leu Allah Ninnei kin niba ningon di gom bingon ngakei tungwatu nya.

KORINTUS GI NICAN 7:11

Ma jibisrip tut ningat di kei di ntun jide ningon buhunti him bit leu Allah ningon kanti mem je i! Ningon buhunti bindei bijita jibou eisi ba, jibindo bipia jingon mui bi! Jingon sibui sut mun di cut igkep je bijikrau jingon tut mun di mibitimon je ei nidipti bu cem. Ba, mun dima bindei ba, jicem kep puig ser dihwousi bijibisau sut gi jimbrap gau da lene jikes hukum ei no di yai mun tunggwei dip cem! Ei nimbie him kikau kwei bipek ammani kep jindo brei bipia munhyet pima tug hon je bi.

KORINTUS GI NICAN 9:10

Allah tin ei njita ngan mem no di yai miai kin njita di igyem cem. Noni mitin ei njita ngan di jisuar mem jide miai ngoisi hagom cem leu api mibindei ba, ningat mang bibor ntun him. Tug hon nisinati dima ne Noni bindei ba, ningat mang bibor ntun jide ningondut yamti him.

EFESUS 5:9

Lewo niyai munti di kei bibor nya kin ningon kwesti kin ningon gomti hagom ntun nipigati him ei Allah niyai him.

FILIPI 1:11

Apino hon kep njap dima ne jiyaijoti singat kei tug hon jide niyai munti di kei bibor kei nya di ntun Yesus Kristus Nongkom him ba, ibikon Allah ninyeng bibinggei sut Noni.

FILIPI 4:8

Disut bat jen, son dideu srat dini ninggrupti tu. Ma jipwoi mun di bon ninyeng kin mun di dem mem gima tungwatu nya inggei sut nya ei jingonti. Mun dima rino niba ningon bisrip bram nijit-jausi kin mun di bindei ba, tungwatu nya inggei sut kin mun di sren-srau kin mun di kwes-kwau kin mun di bit bon hi tte tut kan bi kin mun di tungwatu nya igyai ngakei kin mun di singat kei hagom.

KOLOSE 1:10

Tug hon nisinati dima lene jide niyaijoti mibicim tindei Allah ningon kanti mem je ba, jipwoi Nonti ningon kikau. Lene ningat di kei nyeng hagom mintun jide niyaijoti him ba, jibikum ei jide ningon dorti tut Allahti.

TESALONIKA GI NIGOM 2:7

Mbro nok gino niya kui Yesus ba, dem mem gima nahara je tut mun di bahati tut nye lo, nibidip huk je tut mun nyeng hi bi. Noro niba gi nem-nnai biyai midyai ei jikieti bit leu nok sindig di nyohou nimunggwom bat ninti de nya.

TIMOTIUS GI NIGOM 5:21

Disok kep na ei Allah kin Kristus Yesus kin malaikati di dia-diau nya yoho bei bipia abit mun di dicuk na tut dini hagom. Ma amig mbus tungwatu nya ba, aba angon kan-kan wai au.

2 TIMOTIUS GI NICAN 2:24

Ma Tuhan de awak nya itte tut tungwatu nya nyen au. Noro ma isingat tut hiter bingginau yok kan cem ba, ingon jo nyahan.

TITUS 1:15

Mun nyeng hagom kwes mem yo di ingon kwes nya. Noro mem yo di ingon rom nya kin yo di ingon jo kep bi nya ne mun nyeng hi kwes bi. Lewo ikan-kan nyenti kin ingon mien nya rom-rau.

TITUS 3:2

Ma asok kep yok ser nhyema yuhum tungwatu nya insi biliriem yok au. Noro ma isingat tut yok ba, ingon nggriu sut yahagom.

IBRANI 12:11

Mpe dino icig bat nya ittem kep nye lene ingon kei sut bi noro ingon buhun drek dip. Noro ei nidipti bu lene nittem nye dima bindei ba, igyaijo bit leu Allah ningon kanti mem nye leu api ningon di jo nyahan ntun him.

IBRANI 12:14

Ma jita jibou ei ningon kwes kin tungwatu yahagomti kin jide niyaijo kwes-kwausi kin Tuhanti. Leu gino tungwatu nya ikwes-kwau bi ne bit bon ingat Tuhan bou igyai him kan bi.

YAKOBUS 1:17

Mun di kei kin mun di dia-diau nya hagom ntun Allah him bisrek kwei leu Noni. Noni pai tes nipigati nya hagom ei mpia-bbed him. Noni luei ningonti bibindei ba, nidinditi nggai kep tungwatu nya bi.

YAKOBUS 1:5

Gino jigom ningon ki haigtu bi lene ma hara Allah tut leu api Noni miyai ningon di ki bak noni. Lewo Allah singat tut nye biyai ningat di kei ninyeng hagom bak tungwatu nya yahagom tug hon ningondut nyeti.

YAKOBUS 2:13

Gino tungwagom ngondut hiter bi ne mpe dino Allah mbus ningonti lene Noni mingondut no dima bi. Noro ningondut yamti sindem dor njiriek hukum!

YAKOBUS 2:4

Gino jipai bak nok lene jingon mui lewo jiba ningon di can bimig mbus tungwatu nya tereu nok hi kei hi kinei ba, jiba jingon kanti di kinei bidimig yok.

YAKOBUS 3:15

Ningon kiti dima srek kwei leu gwamti bi noro ntun dihyeisi dini him bikwei leu tungwatu di ingon tindur nya kin ninnei rom nya.

YAKOBUS 4:8

Ma jidideu Allah leu api Noni dideu je. Je di jingon rom e, suar jipiap jinda leu ba, je di jingon mang e, suar jipindi jingon bikwes.

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.

PETRUS GI NIGOM 2:1

Gima rino ma jicom sisar hagom leu je hak ug. Ma jiris yam cem jingon can cem jingon kinei sut yam cem jipai yam kinei cem bu au.

PETRUS GI NIGOM 2:18

Disut bat je di jinok awak e, suar jiba jibou coi mem jiceu bat nya ba, jibou cut bak yok. Gi dipai dini tut jiceu bat di isingat tut je bijoi sut je he bi noro tut jiceu bat di ingwak mbriu sut je cem.

YOHANES GI NIGOM 3:18

Dimunggwom bat jen! Ma indo ingon ngakei yamti tug hon mun di ipai ei yuhui him he au. Noro ma iba ningon ngakei yamti bingondut yam igbit tug hon igyai munti nya.

YOHANES GI NIGOM 3:3

Bikwop yo di igyok ingon mem nijam di iluei itta noyam kin Kristus niluei nittati yahagom inyohou ingonti bikwes-kwau bit leu nok Kristus ningon kwes-kwau.