YAKOBUS 3:14 - ALLAH NIHYET MEM TUNGWATU NYA

¹⁴ Noro gino jingon kinei sut yam cem jiwok yam cem jingon jei sut jenti cem lene ma jitri tut bipia jingon ki au. Lewo jikiek-kiek nyen Allah nihyet di nijit tug hon mun di jitri tut.

YAKOBUS 3:14 ပူးပေါင်းရင်းမြစ်များ

YAKOBUS 3:16

Gino yo di mbusyamei ingon kinei sut yam ba, ingon jei sut yonti lene mun dima yok ribindei dino igyai mun tunggwei yam ba, ibon mun di mbuk ninyeng mang bibor cem.

KORINTUS GI NIGOM 13:4

No di ningon ngakei hiter ningon jo nyahan ba, ningon nggriu cem. Bou dut bi, ningon jei bi, ningon llei-llau sut nonti bi,

FILIPI 2:3

Ma jiyai munti nya ntun jingon di jei him ba, jibindei mbut ninyeng mangti di tug hon jenti kin jingon di jei au. Noro ma jiba jibou coi mem yam ba, jibibon hiter ningon sren dor njiriek je.

KORINTUS GI NIGOM 3:3

Lewo jiba joho rok mun di ntun dihyeisi dini him. Jingon kinei sut yam ba, jiliriem yam lene gima ndo bindo bipia jiba joho rok mun di ntun dihyeisi dini him tereu nok gi po jinok yo di ikan tut Allah bi.

ROMA 13:13

Ma ibindei mbut niyai munti di singat kei nya tereu nok yo di imbut mem nipigati. Ma ibihim cem idut pes di pu nye cem icut tut yam cem ikrar kep yam cem ibui yam cem ingon kinei sut yam cem bu au.

KORINTUS GI NICAN 12:20

Dikrau dingon tut gima jei bi lene dihwou ngat je bidingat lo, jiluei jingonti bijibindei ba, dingon pus tut je drek dip. Lene ma jingat lo, diluei dingonti bidibindei ba, jingon pus tut da drek dip. Dikrau dingon tut gima dihwou ngat je bidingat lo, jiliriem yam cem jingon kinei sut yam cem jingon sibui sut yam cem jiba nitok biyam cem jihyet tigut yam cem jittei mumpui ei yamti cem jingon jei cem jisrep tut yam cem a.

FILIPI 1:15

Mbro nok gino ibou poi iba ingon di kinei sut da bitri tut Kristus biliriem yam cem lo, nindigsi nya iba ingon di gom bitri tut Noni.

YAKOBUS 5:19

He disut bat jen, gino tungwagom ngkwei hanyen leu puig di nijit lene hiter brim noni kwei ei puig di nijitti hanyen,

KISAH 5:17

Gima bindei ba, Imam Nibou Ndig kin nide limwa nya di itti kin nimpung Saduki nya ingon kinei sut yo di igya kui Yesus leu api ibrim ingkek mem itte tut yok.

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.

TIMOTIUS GI NIGOM 6:4

no dima ningon jei ba, ningon mbum cem! Noni mibimbeu sut gima liriem tungwatu nya tut mun di bon ninyeng bi. Ba, gini bindei ba, tungwatu nya ingon kinei sut yam cem ibroi leu yam cem irom ighyet kui yam cem iba ingon kan yam cem,

KORINTUS GI NIGOM 5:2

Mbro nok gima lo, jingon jei. Noro ma jingon ngguk tut sisar dima bijiciu ser no dima ninyeng leu daptar yo di mbusyamei nya leu binhyepo srig jikieti bu bi.

ROMA 2:8

Noro tut nindigsi di ibon mun bit leu yonti ingon kanti bikou sut Allah nihyet leu binhyepo yuhuk bram mun di kinei ne Allah mikes hukum nindig bibor ei yok dip.

NIPINGOK NINGONTI 27:4

Ningon di nggrom kep hiter ne sisar rin binggek tut noro tou rahau mem hiter di ningon kinei sut noni i?

NIPINGOK NINGONTI 14:30

Ningon di jo nyahan bindei ninghuisi kwes noro ningon kinei sut hiterti noyam kin ninggwen di bindei nimai.

GALATIA 6:13

Yo di ibrim ighyet eisi tut midut sunat ingkek ndok tut Puig Yahudi niggai serti. Iwit huk je tut midut sunat leu binhyepo inggei sut gi jikuk je bak midut dima.

GALATIA 5:26

Noro ma ingon jei cem ingwes pri gau yam cem iboudut ser yam cem bu au.

GALATIA 5:21

ingon kinei sut yam drek dip mun di imbun nya cem pes pu yok cem ibon pesta tut ide kwar di ikuk yok bak nya cem hagom. Disok kep je hanyen bu noyam kin gi disok kep je nipou su bipia tungwa tou rino bon mun di kinei dini yok micoi bit Allah Ninyeng Tak Kepti bi sren.

GALATIA 5:15

Noro disok kep je bipia gino jaham yam noyam kin mindhe di niten-pos nya yaham yam ne mbigom jibindei yam ba, jitimek bijingwig ri.

KORINTUS GI NIGOM 5:6

Dem tut gima jingon jei sut jenti bi. Jikan tut nihyet nibiti ninda “Roti ninjep di bigbibor bindei ba, tepun hagom dwoi bibor binindig.”

ROMA 2:17

Noro disut bat jen, notou mem jeni nogindini i? Jipai sut jenti bipia jeni ne mben Yahudi ri. Jitti kin Allah nicuk jeti bijinggei-nggwang tut Allah di bindei ba, jinok Nide limwa nya cem.

ROMA 1:29

Ingon mpung tut mun di kinei ninyeng hagom. Idrui bou ngwak cem ipigau hanjop cem ingon kinei sut yam cem ihwen yam cem ibui yam cem iris yam cem yeheu yam cem ittei mumpui ei yamti cem,

KISAH 26:9

Nipou yo ne jo nibreisi bipia dikan bigya suar dimbuk tut Yesus di nitimieisi leu minu ndig Nazaret tug hon nisinati hagom.

KISAH 13:45

Tirigi mben Yahudi ingat lo, tungwatu ningot ndig dima idem yam ei su lene ingon kinei sut Paulus kin Barnabas bipai Paulus kinei bitte tut nihyet di noni tri tut hagom.

YOHANES 16:2

Nibou nya micom je leu ig mbusyamei. Ei nidipti bu lene tungwatu nya ikan bipia gino igyai nimai bije lene gima bit leu Allah ningon kanti mem yok.

MATIUS 27:18

Pilatus hig singgre yok nok gima lewo kan tut bipia nibou mben Yahudi nya ikes Yesus ei nindati kin ingon di kinei sut Noni.

HABAKUK 1:3

Nggon rino asindui sut da ba, dingat mun di mbuk bibor dini bou diyai him i? Nggon rino asindui sut ba, tungwatu nya ibon mun di mbuk bibor nok gima i? Nitimek bingwigsi kin nimbuk tut yamti ngwig ttai da. Tungwatu nya ibui yam biliriem yam cem ei minu dini nisurti-nipekti.

YESAYA 11:13

Minu Israel ningon mikinei sut minu Yehuda bi, Minu Yehuda miba nitok bak minu Israel bu bi.

AYUB 5:2

Yo di ingon mbum nya yongkom itug ndei nimai drek dip gi indron hiter.

NIBOU NDIG NYA GI NICAN 10:16

Lene Yehu pai bak “Akwei ba, ayok ayai kep gi dibrim dingkek mem tuhan bou ayai him.” Leu api yahacem iba kroba pran dima bimbut ug ei Samaria.

NITRITI 37:11

Gima rino nikindig bat nya ingon kinei sut noni noro nicig bisrip tut Yusuf de mun di mumpriem nya ei ningonti.

KISAH 7:9

Ide pung di nyeni intun him dima yok ingon kinei sut ikinjoi kieti di Yusuf bitri noni nok awak ug ei minu Mesir. Noro Allah nyohou noni kikau,

GALATIA 5:20

ikuk yok bak kwar nya cem nung kui yok cem iba nitok biyam apino ibui yam cem iba ingon kan yam cem igga yam cem inggei sut yonti cem itti kin nimpung di isrep tut yam cem,

TIMOTIUS GI NIGOM 2:4

Noni joi sut mem gima tungwatu nya yahagom igyai niteu leu sisarti kin niyaijo nijep ba, ingon dorti tut nihyet di nijit.

YAKOBUS 1:18

Noni yai niyaijo nijep binye bit leu Nonti ningon kanti tug hon nihyet di nijit. Niyai munti dima bindei ba, nye di tungwatu igya bibie mem Nide nipai testi nya hagom.

NITRITI 38:9

Noro Onan kan tut bipia munggwom di Tamar migwam tut rinok Onan nonti nide bi. Gima rino bikwop tirigi noni kin Tamar igyem njita tut yam lene Onan sindui sut ba, nide minyei siber ei nisai. Noni yai nok leu binhyepo Tamar migwam tut munggwom bak nikindig Er bi.