YAKOBUS 3:13 - ALLAH NIHYET MEM TUNGWATU NYA

¹³ Gino no di ningon ki cem nintin kimbou cem srig jikieti lene ma noni ndo bindo tut gima tug hon niyaijoti di kei bibor kin niyai munti di kei bibor nya. Ma niba nibou coisi kin ningon kiti ndo bindo tut niyai munti nya.

YAKOBUS 3:13 ပူးပေါင်းရင်းမြစ်များ

AYUB 28:28

Allah pai bak tungwatu nya “Suar jiba nibou di cut bak Allah bikon ninyeng mem gima jibiyai ningon ki leu Noni. Ma joom jenti ei minu ting leu mun di kinei nya leu binhyepo jibiyai ningon dor niti leu Noni.”

MAZMUR 107:43

Dijoi sut gima yo di ingon ki nya ikan-kan nyen tut gima yok hagom ba, iba ingon srip bram tuhan de ningon ngakei nyeti di ug hon nohonti bi sren a.

MAZMUR 122:8

Dipai bak timiei minu ndig Yerusalem “Ma jahagom jibong kei jigwam kei!” Lewo dingon a tut dide bat kin disut bat nya di ibong ei sirima.

MAZMUR 149:4

tuhan joi sut Nide limwa nya. Noni bindei ba, yo di iba ibou coi mem Noni ibindei timek ide siceu nya.

MAZMUR 25:9

tuhan bie tut yo di iba ibou coi mem Noni bingginau yok tut Nonti ningon kanti.

MAZMUR 45:4

Nibou ndig di sindem bibor e, akri ade singau simeda kin antig bou a. Nani akei-kau-kei ba, ade nipigati piga kei!

NIBA NINGON SRIP HUKTI 8:1

No di ningon ki ne no di ningon kei ri. Noni kan tut nibuhupti mem munhyet hagom. Nide ningon kiti bindei ba, noni humpo tut ningon di nggei-hi-nggei ba, niimaisi piga bijo kikau cem.

NIBA NINGON SRIP HUKTI 8:5

Yo di ibit nihyet ibicom yam bit yo di yaham imbuk kep nibou ndig bi. Yo di ingon ki nya ingon hukti bipia Allah miyai nibou tut mun nyeng hagom dem igbit nituti.

YESAYA 29:19

Nuhui mbum nya kin nikinei-kinau nya mikiju bingat ingwes ei ninggei-hi-nggei di mben Israel ide Allah di kwes yai biyoti hanyen.

YESAYA 60:6

Mben Midian kin Efa kin Syeba yahagom mikon ide mas kin biei nggrai di ui-gwang kei ei ide unta nya imang bibor dip bijem yok kwei leu api yoni minggei sut tuhan niyai munti nya!

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

YEREMIA 9:12

Lene dihig ser tuhan “Nggon rino minu dini timek bingwig binok mpia ngoisi di ngak-cai apino tungwatu nya ikriau binjiriek i? Tou riningon ki biningon dorti tut mun dini yok i? Apai nisinati tut gini bak tungwa tou leu binhyepo noni tri tut bak nindigsi nya i?”

YEREMIA 9:23

Lene tuhan pai “Ma yo di ingon ki nya illei sut ide ningon kiti au. Ma yo di isindem nya illei sut ide nisindemti au. Ma yo di inyeng nya illei sut mun di inyeng tut nya au.

DANIEL 2:21

Ninyeng tak kep bed di biang hou kin bed di biang mpia ngeisi cem kin nijam nya hagom cem. Noni ta nibou ndig nya leu api cug inyeng di jei hanyen leu yok. Nongkom bindei ba, tungwatu nya ingon ki ba, ingon dorti.

ZEFANYA 2:3

Je di jingon nggriu kin je di jice tut bijibit tuhan nicukti nya ei minu dini jahagom e, ma jingkwei hanyen ndam tuhan. Ma jiyai jibou tut bijibibit tuhan ningon kanti ba, joom jenti ei Noho bei. Tou rikan tut pia hi rima ingwes ngun leu hukum mem njap dino tuhan ndo Nide niggati ei nibreisi i?

MBEN ISRAEL IMBUT-MBUT NYEN 12:3

Tut Musa ne noni ba nibou coi mem tungwatu nya nindig bibor dor njiriek tungwatu dihyeisi dini hagom.

MATIUS 11:29

Ma jibit dicuk jeti nya bijingig jitingou mem dingginausi lewo dingon jo nyahan ba, dingon nggriu cem apino jingon minggan hanyen.

MATIUS 21:5

“Ma jipai bak timiei minu ndig Sion bipia Jingat i! Jide nibou ndig hwou ndam je ba, ba nibou coi mem tungwatu nya. Noni bri bigwam keledai ningut gom dip ba, bri bigwam keledai nipmot nehen pap dip.”

MATIUS 5:5

Bikwop yo di iba ibou coi mem yam nya ingon nggei-hi-nggei lewo yoni migyai mun di Allah preu ei mem yok!

MATIUS 7:24

“Bikwop no di miap kep dihyet bibit hagom lene no dima dem kep tukan di ningon ki di ngot ig ei tig di nok cou nipmem dip.

KORINTUS GI NIGOM 6:5

Mei! Ma jimmai sut jenti hak ug! Jigom ningon ki mem gima ya hacan nok nikei bikos tut munhyet bak yo di Kresten di ipai kep yam bi e?

KORINTUS GI NICAN 10:1

Nogindini da di Paulus dipai dingon kanti gom bije. Hi pai dinghapti bipia tirigi dingat rin kin je lene diba dibou coi mem tungwatu nya lo, tirigi dingat rin ei minu ting lene dibrim dingkek kep je. Noro diba ningon nggriu sutti kin nisingat tutti di ntun Kristus him,

KORINTUS GI NICAN 8:24

Ma jingon ngakei yok leu api jinghapti mitibim ug ei mbusyamei nya di icuk yok hwou itingou nsi. Mbusyamei nya hagom migyok ngon kep bipia dem tut gima ninggei sut je.

GALATIA 5:23

iba ibou coi mem yam cem yoom kep ingut kanti nya cem hagom. Nicukti hi cuon ser niyai munti dini bi sren.

GALATIA 6:1

Disut bat jen, gino jigom ttau kep tungwagom tirigi sisar sindi srou noni lene ma je di jibit Allah Ninnei nibie tut jeti jiba jingon di nggriu bibrim no dima hanyen kwei ei puig di nijitti. Lene ma jingon sok kep jenti ser nhyema jisindui sut ba, sisar dima srou jeni au.

GALATIA 6:4

Ma bikwop tungwagom-gom ba ningon srip huk nide niyai munti nya. Gino niyai munti nya kei bibor ne bon ningon jei sut. Noro ma ba niyai munti nya bibinai yo di hiter igyai munti nya au.

EFESUS 4:2

Ma joom jingon tut yam ba, jingon nggriu sut yam bijibet jingon mem yam. Ma jiba jibou coi mem yam lewo gini ne bindo di bindo tut jide ningon ngakei yamti ri.

FILIPI 1:27

Mun nyeng gom bon ninyeng mem jeni. Ma jiyai kepti nya bit leu Nihyet Di Kei tut Kristus nipingok jeti. Leu binhyepo gino dihwou ngat je cem dihwou ngat je bi cem lo, dimiap tut bipia jingon gom tut yam ba, jiba jingon kanti gom kin jingon llei sutti gom binjei bit yam bijicom jahanggwap tut niba ningon comti di ntun Allah De Nihyet Di Kei him.

KOLOSE 3:12

Jeni ne Allah de limwa nya ri. Noni ningon ngakei je ba, dimig je ei leu binhyepo ninyeng tak kep je. Gima rino ma jingondut yam cem jingon singat tut yam cem jiba jibou coi mem yam cem jingon nggriu sut yam cem jibet jingon mem yam cem.

TIMOTIUS GI NIGOM 4:12

Ma asindui sut ba, hi ningwes om kep na drek dip gino anok pinjoi pilei au. Noro ma ando bindo di kei bak yo di ingon jo kep nya tug hon mun di tibim ei ahui him kin ayai munti nya cem ba, tug hon angon ngakei tungwatu nyati kin ade niba ningon com Kristusti kin angon kwesti.

TIMOTIUS GI NIGOM 6:11

He na di Allah de awak e, ma ambres nanti leu mun pima yok hagom. Ma ahuk bram ningon srenti kin niyai munti bit leu Allah ningon kanti kin niba ningon com Kristusti kin ningon ngakei tungwatu nyati kin ningon nddongti kin ningon jo nyahanti.

2 TIMOTIUS GI NICAN 2:25

Ma iba ingon di nggriu binyohou pingok yo di isrep tut yok nya ingonti. Mpaba Allah bon nituti mem yo dima ittin ser ide sisar ba, ingon jo kep nihyet di nijit.

TITUS 3:2

Ma asok kep yok ser nhyema yuhum tungwatu nya insi biliriem yok au. Noro ma isingat tut yok ba, ingon nggriu sut yahagom.

IBRANI 13:5

Suar jimbres jenti leu sisar niba noho rok mitieisi. Ma jingon cut hon jimati di jo bije tu. Lewo Allah pai “Dimbres Da leu jeni bidikes je ei bi sren.”

YAKOBUS 1:21

Gima rino ma jicom mun di biyai jingon rom kin mun di kinei di rap je nya. Ma jiba jibou coi sut Allah kin nihyet di Noni ndim ei jingonti lewo nihyet dima sindem mem gima teu je leu sisar biyai niyaijo nijep bije.

YAKOBUS 2:18

Nok gino hi pai “Hi biyai hamem niba ningon comti lene hi biyai hamem niyai munti nya.” Dibuhup no dima nihyet “Ando brei bida tut notou tungwagom biyai hamem niba ningon comti lo, biyai hamem niyai munti nya cem tut bi i? Noro tut dani ne midindo ditde niba ningon comti tug hon diyai munti nya.”

YAKOBUS 3:1

He disut bat jen, ma jimang bibor jibisau sut gima jiyai jinyeng guru au. Jikan tut bipia Allah ba nidimig sutti di buhun bibor bimbus nye di guru nya ingonti dor njiriek yo di hiter ingonti.

YAKOBUS 3:17

Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi.

PETRUS GI NIGOM 1:15

Noro ma jiyai munti nya hagom kwes-kwau bit leu nok Allah di hig je ningon kwes-kwau.

PETRUS GI NIGOM 2:12

Suar jiyai mun di kei bibor ei yo di ingon tindur nya igyai him. Gima mibindei ba, mpe dino ipai kep je bipia jisibut bibor ne ighyet micut hanyen ei ingonti drek dip jiyai munti di kei bibor nya. Leu api yoni minggei sut Allah mem njap di Noni mikwei hanyen.

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.

PETRUS GI NIGOM 3:4

Noro ma jiba mun di ntun jingon him bimau jenti. Gima ne jingon di jo nyahan kin jiyai mun mmuti nya di bon ninyeng ei Allah niyai him ri.