YAKOBUS 2:8 - ALLAH NIHYET MEM TUNGWATU NYA

⁸ Gino jiba ningon di gom bibit niggai serti di ntun Allah Ninyeng Tak Kepti him gi ipas ei gi preu nitimieiti “Ma angon ngakei hiter bit leu nok angon ngakei nanti” pima lene gima igbit ri.

YAKOBUS 2:8 ပူးပေါင်းရင်းမြစ်များ

NIBOU NDIG NYA GI NIGOM 8:18

Noro tuhan pai binoni “Mbro nok gino ajoi sut gima angot ig mem Da ba, angon kanti dima igbit rin lo,

NIBOU NDIG NYA GI NICAN 7:9

Lene ipai biyam “Ide niyai munti dini kei bi. Mun di kei bibor pek kep mem nye. Gino ikimut yuhui tut lene gini dem tut bi. Handei kon ba, itri tut mun dini yok bak timiei nindigsi nya. Gino ibet ingon mem njap tekti lene jo nibreisi bipia nyeni mitug ndei hukum drek dip. Jikwei ba, nogindini nyeni yahagom yuug pai brei bak nibou pran nya di igya kui nibou ndig.”

IMAM NYA IDE MIDYAI 19:18

Harin dima jeheu yam ba, jingon koi kep yam a. Noro ma jingon ngakei hiter bit leu nok jingon ngakei jenti. Dani ne tuhan bidinok jide Allah ri.

IMAM NYA IDE MIDYAI 19:34

Ma jibibon yok noyam kin jisut bat mben Israel ba, jingon ngakei yok bit leu nok jingon ngakei jenti cem. Ma jiyok ngon kep bipia jibong jingkiaisi ei minu Mesir nipou su. Dani ne tuhan bidinok jide Allah ri.

YUNUS 4:4

tuhan buhup “Mun di apai mem abisu tindei ade ningon sibuisi dima dem bi.”

YUNUS 4:9

Noro Allah buhup “Dem mem gima angon sibui drek dip njita nimeng di mui dima bi.” Leu api Yunus buhup “Dem mem gima dingon sibui bidimai drek dip hak ug!”

MATIUS 22:39

Lene nicukti gi nican di bon ninyeng noyam kin gi nigom pai ‘Suar angon ngakei yo di hiter bit leu nok angon ngakei nanti.’

MATIUS 25:21

Niceu buhup ‘Ayai mun di igbit. Nani ne awak di kei di angon gom ri. Ajoi bibor tut mitiei mien. Gima rino midiba dingon com nani tut mun di nindig bibor bu. Akwei gwam bit da ba, sillei ngwig sut yam.’

MATIUS 25:23

Lene niceu buhup ‘Ayai mun di igbit. Nani ne awak di kei di angon gom ri. Ajoi bibor tut mitiei mien. Gima rino midiba dingon com nani tut mun di nindig bibor bu. Akwei gwam bit da ba, sillei ngwig sut yam.’

MATIUS 7:12

Ma jibibon yo di hiter bit leu nok gi jijoi sut ibibon hanyen bije. Gima ne Allah niggai serti di tug hon Musa kin nabi nya ighyet ri.”

ROMA 13:10

No di ningon ngakei hi ter mimbuk tut no dima hanyen bi sren. Gima rino ningon ngakei tungwatu nyati noyam kin nibit Puig Yahudi niggai serti.

GALATIA 5:14

Gini ne nirop ninda ndigsi tut ri. Puig Yahudi niggai serti titut yam coi ei nicukti gom ngat di pai binye “Ma jingon ngakei hiter bit leu nok jingon ngakei jenti.”

GALATIA 6:2

Ma jahati tut yam bijikon hiter de mun di buhun tut. Tug hon nisinati dima ne jibit Kristus nicuk nyeti nya.

FILIPI 4:14

Noro tirigi mun di buhun cut igkep da lene jimpu da. Ba, jo nibreisi bipia jiyai kepti dima kei bibor.

TESALONIKA GI NIGOM 4:9

Suar dipas mun nyeng hi ei srat diniti tut jingon ngakei yamti bi. Lewo Allah Nonti pingok ei jingonti tut jingon ngakei yamti tu.

YAKOBUS 1:25

Allah niggai serti nya kei-kau-kei bisindem mem bindei kwek tungwatu nya leu sisar. No di ngig niyai kep niggai serti dima cem ba ningon gom biyok ngon kep cem yai midyai di bicim tindei niggai serti dima cem miyai munkwas di kei bibor leu Allah tug hon nide midyai nya hagom.

YAKOBUS 2:12

Ma jimbrapti kin jiyai munti nya hagom igbit lewo Allah mimbus jingonti tug hon niggai serti di kwek tungwatu nya bigyati kwes.

YAKOBUS 2:19

Angon jo kep bipia Allah Nongkom ngat he e? Kei bibor! Ninnei rom nya cem ingon jo kep nok lo, gima bindei ba, inghuisi mpig sut ba, ittin tut.

YAKOBUS 4:11

He disut bat jen, ma jipai yam kinei ba, jibon jenti nok nikei mem hiter au. Tungwa tou rino pai nisut no di Kresten hi kinei bigwam nok nikei mem noni ningon mui lewo gima tereu nok noni gwam nok nikei mem Allah niggai serti. Gino agwam nok nikei mem Allah niggai serti lene gima dem kep nok agibit niggai serti dima bi noro agwam nok nikei mem.

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.