YAKOBUS 2:5 - ALLAH NIHYET MEM TUNGWATU NYA

⁵ He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.

YAKOBUS 2:5 ပူးပေါင်းရင်းမြစ်များ

NIBOU NDIG NYA GI NIGOM 22:28

Lene Mikha pai bak “Gino akwei hanyen ba, angwes ngun lene jo nibreisi bipia tuhan tri tut nihyet tug hon da bi! Je di jingat rin e, jahagom jintu kep duhui tut ba, jimiap dihyet ei jitingou nsi tu.”

AYUB 34:10

Je di jingon ki e, ma jingig jitingou mem dihyet a. Mpaba Allah Di Sindem Bibor mibon mun tunggwei e? E bi!

AYUB 34:19

Noni tti kin nibou ndig nya ba, mig mbus yo di inyeng nya leu nikinei-kinau nya bi. Lewo yoni ne Nide tungwatu di pai testi nya ri.

AYUB 38:14

Mpia nipriti bindei ba, nungug nya kin mbang briep nya hagom sieng kei dem kep nok nikilis igtuyapti kin sinsun dut nikropti.

NEHEI LEUSI 20:6

Noro midingon ngakei yo di ingon ngakei Da bibit dihyet yahagom kikau ug bipek ide nintun him yamti di bram yam nya ibou sribu-ribu bram yam.

NIPINGOK NINGONTI 13:7

Bihi ibon yonti tereu nok yo di inyeng noro ningat ne yuhui mbum. Bihi ibon yonti tereu nok yo di yuhui mbum noro ningat ne inyeng bibor.

NIPINGOK NINGONTI 7:24

Dimunggwom bat jen, ma jingig jitingou mem dihyet bijiyok ngon kep ditde nipingok jeti nya.

NIPINGOK NINGONTI 8:32

Gima rino pinjoi pilei jen, ma jingig jitingou mem dihyet. Jibit ditde nipingok jeti apino jingon nggei-hi-nggei.

YESAYA 14:32

Notou nibuhup bak yo di mben Filistin icuk yok kwei bigya hacan mem yo i? Nnaba nipai biyok bipia tuhan win Sion hanyen tu. Ba, Nide limwa nya di igyai ninghuisi wei migwam coi mpia dima bingwes ngun.

YESAYA 29:19

Nuhui mbum nya kin nikinei-kinau nya mikiju bingat ingwes ei ninggei-hi-nggei di mben Israel ide Allah di kwes yai biyoti hanyen.

ZEFANYA 3:12

Midisindui sut mben gom di yoom yonti ba, iba ingon com Da tut Ditde nimpu yokti bibong kikau ei minu ndig dima.

ZAKHARIA 11:11

Diyai nok gima ei njap dima hak. Leu api nitri-nipek domba cig dima yok ingig igyai kep da bingon huk niti bipia tuhan no mbrap kep tug hon ditde nibon munti nya.

ZAKHARIA 11:7

Gima rino dibon danti bidinok gembala drek dip nitri-nipek domba cig nya di itin ei mem gima ikos nya leu api dibon tom can. Dijem tom gom ninyeng ‘Nisingat tutti’ lene dijem tom gom ninyeng ‘Nibicom yamti.’ Leu api dikinyon ei niya serti bidinyohou domba dima yok.

MATIUS 11:5

Lewo yo di igyai tu nya igyai da hanyen. Yo di imig lit nya imbut imig hanyen. Yo di bras yem yok nya ikei hanyen. Yo di itingou nam nya itingou tu hanyen. Yo di imai nya igyaijo hanyen bu ba, Allah Nihyet Di Kei tibim ei yo di ihwap mbum nya itingou nsi tu.”

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

MATIUS 5:3

“Bikwop yo di ikan tut bipia isindem bi lo, iba ingon com Tuhan he ingon nggei-hi-nggei lewo inggre kin Allah Ninyeng Tak Kepti tu!

MARKUS 7:14

Lene Yesus nduk tungwatu nya imang bibor kwei bipai biyok “Ma jintu kep dihyet leu binhyepo jingon dor niti!

LUKAS 12:21

Mun di buhun dima micut igkep bikwop yo di inju ndigban nindig bibor ei mem yonti noro ibrim ningkek tut mun di bon ninyeng ei Allah niyai him bi.”

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

LUKAS 16:22

Mpe di gom ne no di nuhui mbum nide njap ngwig hon bimai leu api malaikati nya ibuwak noni buug gwam kui Abraham ninda com ei gwamti. No di nyeng bibor cem nide njap ngwi hon bimai ba, itig.

LUKAS 16:25

Noro Abraham buhup ‘Dipmot na e, ma ayok ngon kep bipia tirigi ayaisi jo yo ne ade mun di amati nya hagom kei bibor kei noro Lazarus ma mun nyeng di kinei nya he. Nogindini noni ningon kei bibor kei ei mpia dini noro atug ndei anghuisi wei nindig bibor.

LUKAS 22:29

Dicig yai nisindemti biDa leu binhyepo dinyeng tak kep Ditde limwa nya. Gima rino Dani cem midiyai nisindemti dima bije bu.

LUKAS 6:20

Lene Yesus tou kep yo di ibit Noni bipai biyok, “Bikwop yo di yuhui mbum ingon nggei-hi-nggei lewo inggre kin Allah ninyeng tak kepti tu!

YOHANES 7:48

Jimiap tut nibou mben Yahudi kin Farisi di ningon jo kep Noni tu e?

KISAH 7:2

Stefanus buhup “Disut bat kin dicig bat jen, ma jingig jitingou mem dihyet! Nipou tirigi ide pung di intun him di Abraham bong ei nitimieisi ei minu Mesopotamia bikwei bong ei minu ndig Haran bigyo lene Allah di kei-kau-kei ndo Nonti brei binoni,

ROMA 8:17

Gino nyeni ne nimunggwom bat nya rin ne imbun mun di kei di Noni bet ei mem nimunggwom bat nya. Ba, imbun mun di Allah bet ei mem Kristus cem lewo inok gom kin Noni. Leu gino ipriet kin Kristus ninghuisi wei ne ipriet kin Kristus nikei-kau-keisi nya cem.

KORINTUS GI NIGOM 2:9

Noro bit leu nok gi ipas ei Allah nihyetti, “Mun di jo nding leu tungwatu nya igyai him cem tibim ei itingou nsi cem coi ug ei ibou ngwakti cem bi sren dima ne mun di Allah tin ei pijum mem yo di ingon ngakei Noni ri.”

KORINTUS GI NICAN 4:15

Mun dini yok hagom bindei ba, mun di kei pek kep mem je. Leu gino Allah nisingat tut tungwatu nyati kieng kep dihyei nisurti-nipekti sindam ne tungwatu mipai sigyo bak Noni. Tug hon nisinati dima ne ikon Allah ninyeng sindam.

KORINTUS GI NICAN 6:10

Mbro nok gino mun-mun hi bindei ba, ningon buhun lo, ningon llei sutti ntun nye him kikau. Nuhui mbum tut mun di mipror yon noro nibindei ba, yo di hiter inyeng tut mun di jo gingga. Mbro nok gino tungwatu nya ikan bipia nimbun mun nyeng hi bi lo, ningat ne nimbun mun nyeng hagom.

KORINTUS GI NICAN 8:9

Jikan tut ide Tuhan Yesus Kristus nisingat tut nyeti di nindig bibor. Mbro nok gino Noni nyeng tut mun nyeng hagom lo, kes mun dima yok hagom ei leu bibibon Nonti nuhui mbum drek dip je leu binhyepo ba nuhui mbumti dima bibindei bijinyeng bibor.

EFESUS 1:18

Handei kon ba, Allah bindei ba, jintin kimbou ba, Nide nipigati piga digai jingonti leu binhyepo jingon dorti tut mun di jiba jingon com Noni tut tirigi Noni dimig je bijiyok jingon mem mun di kei bibor nya di Allah preu ei mem Nide limwa nya ba,

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

TESALONIKA GI NIGOM 2:12

Nibiwin kep jingonti ba, nigwam ser jingonti binibidip huk je leu binhyepo jide niyaijoti bindei ba, Allah joi sut je. Lewo Noni hig je leu binhyepo jinggre kin Ninyeng Tak Kepti kin Nide nikei-kau-keisi cem.

TESALONIKA GI NICAN 1:5

Mun dini yok hagom nok bindo tut gima Allah ba ningon sren bimbus tungwatu nya ingonti. Jiyai ninghuisi wei mem Noni ba, gini mibindei bijidem mem gima jicoi bit Allah Ninyeng Tak Kepti.

TIMOTIUS GI NIGOM 6:18

Ma asok kep yok leu binhyepo isingat cem inyeng tut midyai di kei nya cem ingondut tungwatu nya cem ikwas mun di jo biyoni tut hiter cem.

2 TIMOTIUS GI NICAN 4:18

Jo nibreisi bipia Tuhan Yesus Kristus miteu da bidingwes ngun leu yo di itin ei mem ikos da yahagom inda nsi. Noni minyohou buwak da ba, dicoi bit Ninyeng Tak Kepti ei gwamti. Gima rino suar yahagom inggei sut Noni bijo ninno bijo kikau! Igbit ri.

2 TIMOTIUS GI NICAN 4:8

Nogindini Allah tin ei munkwas hi mem da lewo didor bipek nipekti tu. Tuhan Yesus Kristus di nok Nikei di ningon sren miyai munkwas dima bida ei Njap Ningwig Honti lewo diba dingon di kwes kin Allah biyai ditde niyai munti nya. Noni tin ei munkwas dima mem dangkom he bi noro mem yo di icem kep puig ser nikwei hanyenti nya yahagom.

IBRANI 11:26

Musa kos tut bipia mbro nok gino tungwatu nya ikucang noni drek dip Nibou Ndig di teu tungwatu nya biyai niyaijo nijep biyok di Allah preu ei mem yok lo, gini kei bibor dor njiriek gi noni nyeng tut ndigban hagom ei minu Mesir lewo yok ningon mem munkwas di kei di noni miyai ei nidipti bu.

YAKOBUS 1:12

Tungwa tou rino ningon nddong mpe dino mun di buhun cut igkep noni ne no dima ningon nggei-hi-nggei. Lewo niabiati noni ba ningon di cut leu bi buug bipek nipekti leu api noni miyai niyaijo nijep di jo kikau di Allah preu ei mem yo di ingon ngakei Noni.

YAKOBUS 1:16

Disut bat di dingon kieti jen, ma jisindui sut ba, hi ris je au.

YAKOBUS 1:19

He disut bat di dingon kieti jen, ma jiyok ngon kep dihyet bipia suar bikwop tungwagom-gom bipbur ba, nitingou dile noro nyohou yai sut nimbrapti. Ma ningon sibui sut tungwatu nya au.

YAKOBUS 1:9

Ma no di Kresten di nuhwap mbum ningon llei gino Allah bindei ba, ninyeng jei.

PETRUS GI NIGOM 1:4

Gima rino igyok ingon mem nijam di igyai mun di kei bibor di Allah bet ei mem Nide limwa nya. Noni bet mun dima yok ei gwamti mem je. Bit bon mun dima yok sar cem mpiei cem pimber cem ei gwamti kan bi.

PETRUS GI NICAN 1:11

Apino jidem mem gima jicoi bit ide Tuhan Yesus Kristus di teu nye leu sisar biyai niyaijo nijep binye Ninyeng Tak Kepti di bit bon ug hon nohonti kan bi.

NINGAT-HI-NGAT NYA 2:9

Dikan tut mun di buhun tak je ba, juhui mbum cem noro jo nibreisi bipia jinyeng bibor! Dikan tut bipia yo di ipai sut yonti bipia yoni ne mben Yahudi rin noro bi dima irom ighyet kui je. Yo dima ne Bilis de limwa nya ri.

NINGAT-HI-NGAT NYA 21:7

No di bindei cut sisar nisindemti miyai mun dini yok leu Da. Dani ne nide Allah lene Noni ne dipmot ri.

NINGAT-HI-NGAT NYA 3:18

Gima rino dipingok jingonti leu binhyema jipek mas di pimbai kei di bindei bijinyeng leu Da. Ma jipek sinsun di tiei kei mem jijuk ser jingat nguti di bindei mmai je. Ma jipek obat mem jibidip jiyai njep leu binhyepo piga hanyen bu.

NIJAM NIKEI NYA 9:7

Tirigi Abimelekh ninghapti tibim ei Yotam nitingou nsi tu lene noni ug ba, kui ug ei Nungug Gerizim lene ba nihyet nindig pai biyok “Je di mben Sikhem e, ma jingig jitingou mem dihyet leu binhyepo Allah mintu kep je.

SAMUEL GI NIGOM 2:30

Dani ne tuhan bidinok mben Israel ide Allah rin ba, dipreu ei mem jide keret nya nipou su bipia nani kin yo di intun nani him mijiyai kep midyai nok imam mem Da bijo ninno bijo kikau. Noro nogindini midiluei dingonti tut dipreu eisi pima ug ri. Hon kep ammani kui lene midijoi sut yo di ikuk yok biDa lo, midingon mpo tut yo di ingon mpo tut Da.

SAMUEL GI NIGOM 2:8

Noni kon yo di yuhui mbum nya leu mun di bindei ba, ingon buhun. Noni brim yo di indwau nya leu mun di cut igkep yok leu api bindei ba, ihig isut bit yo di inyeng jei nya leu api igyai inyeng di jei apino hiter inggei sut yok. tuhan ninyeng tak kep cou pmem ei dihyei nikiou nya leu api pai tes mun di jo ei ninjek dip eisi.