YAKOBUS 2:26 - ALLAH NIHYET MEM TUNGWATU NYA

²⁶ Gima rino gino ninnei kimbas ne ningut mai su. Bingon leu nok gino tungwagom yai niyai munti nya hi bi lene nide niba ningon comti cem mai su.

YAKOBUS 2:26 ပူးပေါင်းရင်းမြစ်များ

MAZMUR 104:29

Tirigi akiek anghim bak mindhe-ndhe nya lene ittin nindig bibor. Tirigi ayai innei leu ihwap nsi lene imai bingkwei hanyen biyuug ei dihyei ndungti hanyen nok gi nipousi pima.

MAZMUR 146:4

Leu gino imai lene ingut ngkwei hanyen ug ei dihyeiti. Ingon kanti kin ide nikos tutti nya hagom sar bingwig mem njap di imai dima.

NIBA NINGON SRIP HUKTI 12:7

Nye di tungwatu ingut ngkwei hanyen binok dihyei ndung ei dihyei jou bit nimbie him leu api innei ngkwei hanyen ndam Allah di hi ninnei ei insi a.

YESAYA 2:22

Gima rino ma jiba jingon com tungwatu di misar nya au. Lewo tungwatu idem kep nok mun di bon ninyeng bi.

LUKAS 23:46

Lene Yesus ba nihyet nindig bahara “Arig e, dikes dinnei ei andati!” Hara nok rino ninnei kimbas.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

YAKOBUS 2:14

He disut bat jen, gino hi pai sut nonti bipia ba ningon com Yesus tu lo, niyai munti nya bicim tindei nipaisi dima bi ne notou mem noni i? Nide niba ningon comti miteu noni leu sisar biyai niyaijo nijep binoni e?

YAKOBUS 2:17

Nok gima tut niba ningon com Yesus Kristusti cem. Gino igyai munti nya bicim tindei bi ne ide niba ningon comti nongkom he dima bon ninyeng bi.

YAKOBUS 2:20

He na di angon mbum e? Ajoi sut gima dindo brei bina bipia gino niyai munti nya bicim tindei niba ningon comti bi lene hagom bon ninyeng bi, bi e?