YAKOBUS 2:22 - ALLAH NIHYET MEM TUNGWATU NYA

²² Jo nibreisi mem na bi e? Nide niba ningon comti kin niyai munti nya bicim tindei yam. Niyai munti nya bindei ba, nide niba ningon comti dem bimahan tu.

YAKOBUS 2:22 ပူးပေါင်းရင်းမြစ်များ

NITRITI 22:12

Lene tuhan nihyet tibim ei malaikati dima nuhui him bipai “Ma akes anda leu apmot lene angget noni au. Nogindini dikan tut bipia akuk na biDa ba, apwoi dingona. Lewo angon tak kep apmot gom ngat dima leu Da bi.”

YOHANES 6:29

Yesus buhup “Allah ningon kanti mem je rinok gini. Ma jiba jingon com No di Noni cuk kwei su.”

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

TESALONIKA GI NIGOM 1:3

Mpe dino ningat nadi bak Icig Allah ne niyok ngon kep bipia jindo jide niba ningon com Yesus Kristusti tug hon jiyai munti nya kin jide ningon ngakei yamti di bindei dino jita jibou ei jide midyai nyati lene jiba jingon nddong biyok jingon mem ide Tuhan Yesus Kristus.

YAKOBUS 2:18

Nok gino hi pai “Hi biyai hamem niba ningon comti lene hi biyai hamem niyai munti nya.” Dibuhup no dima nihyet “Ando brei bida tut notou tungwagom biyai hamem niba ningon comti lo, biyai hamem niyai munti nya cem tut bi i? Noro tut dani ne midindo ditde niba ningon comti tug hon diyai munti nya.”

YOHANES GI NIGOM 2:5

Noro no di yai igbit Allah nicuk noti nya ningon ngakei Allah mungkun tu. Gima bindo bipia igyaijo nok gom kin Allah.