YAKOBUS 2:19 - ALLAH NIHYET MEM TUNGWATU NYA

¹⁹ Angon jo kep bipia Allah Nongkom ngat he e? Kei bibor! Ninnei rom nya cem ingon jo kep nok lo, gima bindei ba, inghuisi mpig sut ba, ittin tut.

YAKOBUS 2:19 ပူးပေါင်းရင်းမြစ်များ

YESAYA 43:10

Ditde limwa jen e, jingat diyai munti nya bou jiyai him tu. Didimig je ei nok Ditde awak nya leu binhyepo jikan tut Da bijingon jo kep Da ba, jingon hukti tut Da lewo Dani ne Allah ri. Dangkom ngat he rino Allah. Leu nipou kwei bipek ammani kep ba, njap di ammani kui ug bipek ningwig honti ne Allah hiter nya hi bi.

YESAYA 44:6

tuhan Di Sindem Bibor di ninyeng tak kep mben Israel binyohou yok pai “Dangkom ngat he rino Allah ei nimbie him kikau ug ei ningwig honti cem.

YESAYA 44:8

Ditde limwa jen, ma jittin au! Dangkom he rino ditri tut nisinati tut nijam di nimbie him kikau kwei bipek nijam di nogindini. Jingat gini hagom bou jiyai him tu bijiya kui Da. Ninyohou kep je cig hiter hi bi. Dingat hi bou diyai him bi sren.”

YESAYA 45:6

Diyai nok gima leu binhyepo tungwatu ei dihyei nisurti-nipekti hagom ikan tut bipia Dani ne tuhan rin ba, Dangkom ngat he rino tuhan.

YESAYA 46:9

Ma jiyok ngon kep mun di pek kep mem je nipou su nya. Ma jipai jit bipia Dani ne Allah ri. Allah hiter hi bi. Bit bon jibinai Da kin hiter kan bi.

YUNUS 4:4

tuhan buhup “Mun di apai mem abisu tindei ade ningon sibuisi dima dem bi.”

YUNUS 4:9

Noro Allah buhup “Dem mem gima angon sibui drek dip njita nimeng di mui dima bi.” Leu api Yunus buhup “Dem mem gima dingon sibui bidimai drek dip hak ug!”

ZAKHARIA 14:9

tuhan ne nibou ndig di ninyeng tak kep dihyei njek dip dini titut yam ri. Bikwop tungwagom-gom mikuk no bak binok nide Allah lene mikan tut Nonti ninyeng gom ngat.

MATIUS 8:29

Yahacem yehei leu jui dip di hak mihyeti di ibong-bong nyen eisi bimbrua Yesus bipai “Na di Allah Nipmot e, anggon ndei nye i? Akwei hwen bit nye nipou tirigi tto bou dem bigyo e?”

MARKUS 1:24

“Na di Yesus di atimieisi leu minu ndig Nazaret e, anggon ndei nye i? Akwei hwen nyeni e? Dikan tut anyeng ba, Nani ne No di kwes-kwau dino Allah cuk kwei ri!”

MARKUS 12:29

Yesus buhup “Nicukti di bon ninyeng biya bibie mem nicukti nindigsi nya hagom pai nok gini. ‘Je di mben Israel jimiap e, ide Tuhan Allah ne Nongkom ngat ri Tuhan!

MARKUS 5:7

Lene ba nihyet nindig bibor bahara “Na di Yesus di Allah Di Ninyeng Jei Nipmot rin e? Akwei nggon ndei da i? Dahara ser Na tug hon Allah ninyeng bipia ma ahwen bit da au!” (

MARKUS 7:9

Lene Yesus pai biyok bu “Jiba jingon di tek birok Allah nihyet ei jitta leu binhyepo jinyohou jide ningginausi nya.

LUKAS 4:34

“Na di Yesus timiei minu ndig Nazaret e, anggon ndei nye i? Akwei hwen nye e? Dikan tut anyeng tu. Nani ne No di kwes-kwau dino Allah cuk kwei ri!”

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

KISAH 16:17

Misop dini mig buwei kep Paulus nyeni ninno bahara “Yo dini ne awak mem Allah di ninyeng jei rin o! Ikwei tri tut nisinati bije leu binhyepo jiyai niteu leu sisarti kin niyaijo nijep o!”

KISAH 19:15

Noro ninnei rom dima buhup “Dikan tut Yesus ba, Paulus cem dikan tut lo, jeni ne tou i?”

KISAH 24:25

Noro Paulus huk nihyet kikau bitri tut ningon srenti kin noom ningonti kin hukum di micut igkep tungwatu nya mem Njap Ningwig Honti cem. Feliks ningon ttin bibor bimbrua Paulus drek dip bipai “Cobi! Nogindini disindui sut ba, ambut hak ug. Mpe hi bu tirigi bon nikwesti mem da lene midihig na hanyen kwei.”

ROMA 3:30

Lewo Allah ne Allah gom ngat. Noni bon nituti mem mben Yahudi igyai ingon kwes kin Noni hanyen drek dip ide niba ningon com Noti. Ba, Noni bon nituti mem ngkiai nya cem ingon kwes kin Noni hanyen drek dip ide niba ningon com Noti.

KORINTUS GI NIGOM 8:4

Tut munhyet niyem mikwau di ipigig ser ei mem ide kwar ne ikan tut bipia kwar bon ninyeng bindo tut mun di ningat rin bi. Ikan tut bipia Allah gom ngat he ba, hiter ningat rin bi sren.

KORINTUS GI NIGOM 8:6

Noro mem nyeni ne Allah gom ngat he ba, Noni ne Icig ri. Noni pai tes mun nyeng hagom ba, igyaijo tug hon Noni. Tuhan cem gom ngat ba, Noni ne Yesus Kristus ri. Allah pai tes mun di hagom tug hon Noni. Ba, igyai niyaijo nijep tug hon Noni cem.

GALATIA 3:20

Ba, gino ibou can itte tut yam lene isuar tungwagom di ya hacan bibakei yokti. Noro Allah suar tungwagom di ya hacan mem Noni bi. Nongkom yai nibou tut hak.

NINDAT KEP TUHAN NICUKTI NYA 6:4

Je di mben Israel e, ma jiyok ngon kep bipia tuhan Nongkom he rino ide Allah!

TIMOTIUS GI NIGOM 2:5

Lewo Allah gom ngat he ba, tungwa gom ngat ya hacan mem Noni kin tungwatu nya. No dima ne Kristus Yesus,

YAKOBUS 2:8

Gino jiba ningon di gom bibit niggai serti di ntun Allah Ninyeng Tak Kepti him gi ipas ei gi preu nitimieiti “Ma angon ngakei hiter bit leu nok angon ngakei nanti” pima lene gima igbit ri.

YUDAS 1:4

Lewo yo di isibut nya ibou poi imbris nyahan bisrig ikieti ba, ikiek-kiek nyen nihyet tut Allah nisingat tut nyeti leu binhyepo ibimbrap gau yonti ingut kanti di kinei di srou yok. Yo dima itte tut bipai sut Yesus Kristus bipia Nongkom ngat ne Iceu kin ide Tuhan rin bi. Allah nihyet pai sut ide hukum di hatap yok mimbrek ngan tu.

YUDAS 1:6

Ma jiyok ngon kep malaikati nya di ibimangkrei ide nisindemti bipigau hanjop ne ikes itimieisi bihigom ei. Allah ba lante di bit bon hi kwek kan bi biteu yok ei mpia ttou nsi gom di dindi-kai ei dihyei jou kikau bibou itug ndei hukum mem Njap ningwig honti ug e.

NINGAT-HI-NGAT NYA 20:10

No dima com Bilis di ris bak tungwatu nya yahagom ei muk hum belerang di cig-caiti. Mindhe di niten-pos kin nabi nitrowai itug ndei hukum ei muk hum nipou su. Yo dini mitug ndei inghuisi wei nindig bibor bikwop mmun-njap kikau buug hon nohonti bi.