YAKOBUS 2:14 - ALLAH NIHYET MEM TUNGWATU NYA

¹⁴ He disut bat jen, gino hi pai sut nonti bipia ba ningon com Yesus tu lo, niyai munti nya bicim tindei nipaisi dima bi ne notou mem noni i? Nide niba ningon comti miteu noni leu sisar biyai niyaijo nijep binoni e?

YAKOBUS 2:14 ပူးပေါင်းရင်းမြစ်များ

YEREMIA 7:8

Noro ningat ne jiba jingon com yo di iris igkei nya ighyet mikui-kausi he.

MATIUS 5:20

Ma jiyok ngon kep bipia gino jingon gom tut niggai serti nya dima dor njiriek guru Puig Yahudi nicukti kin Farisi nya bi lene bit bon jicoi bit Allah Ninyeng Tak Kepti kan bi.”

LUKAS 3:11

Yohanes buhup “Suar no di nyeng tut sinsun ninda ningat can kwas hi tut no di ma sinsun hi bi. Suar no di pwoi njita kwas hi tut no di nggum.”

LUKAS 6:49

Noro no di miap dihyet bibit bi noyam kin no di ngot nide ig noro tig cou hi mem bi. Mpe dino minyei su bibiam sindem lene nide ig lus binggek bingwig!”

KISAH 15:9

Allah mig mbus nyeni kin yoni ter leu yam bi. Noni yai ingon kwes kei tug hon ide niba ningon com Noniti.

KISAH 8:13

Simon cem ningon jo kep Nihyet Di Kei. Tirigi itur noni ei minyeiti leu lene noni bit-bit nyen Filipus binggap leu tut mindur kin bindo di noni bibon nya.

KISAH 8:21

Adem mem ayai midyai dini bit nye bi lewo angon sren ei Allah niyai him bi.

ROMA 2:25

Gino jibit Allah nicuk mben Yahuditi ne midut sunat bon ninyeng mem je. Noro gino jibit nicuk jeti dima bi ne jiyai midut sunat mikui-kausi he.

KORINTUS GI NIGOM 15:2

Gino jikrau kep Nihyet Di Kei di ditri tut bije lene nihyet dima bindei ba, jiyai niteu leu sisarti kin niyaijo nijep. Gi bi ne jingon jo kep nihyet dima mikui-kausi.

KORINTUS GI NIGOM 16:22

Ma Allah sigion no di ningon ngakei Tuhan bi! Maranatha! Tuhan e, ma akwei hanyen!

GALATIA 5:13

Noro disut bat jen, Allah hig je leu binhyepo jiyati kwes. Noro harin dima jiba niyati kwes dima bibon nituti mem jibit jingut kanti di kinei nya. Noro ma jingon ngakei yam bijinok awak mem yam cem.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

TESALONIKA GI NIGOM 1:3

Mpe dino ningat nadi bak Icig Allah ne niyok ngon kep bipia jindo jide niba ningon com Yesus Kristusti tug hon jiyai munti nya kin jide ningon ngakei yamti di bindei dino jita jibou ei jide midyai nyati lene jiba jingon nddong biyok jingon mem ide Tuhan Yesus Kristus.

TIMOTIUS GI NIGOM 1:5

Disok dihyet bina leu binhyepo abindei mbut ningon ngakei yamti tug hon ningon di kwes kin Allahti kin ningon mien di pai kep nyeti bi kin niba ningon com Kristus mungkunti.

TIMOTIUS GI NIGOM 4:8

Gino abingon-ngon nyen ba, abiyai hamem anghuisi ne gini bon ninyeng lai-laide. Noro gino abingon-ngon nyen ba, abiyai hamem mun di bitut annei ne gini bon ninyeng mem ayai munti nya hagom lewo bon nide nipreu eisi mem gima ibiyai mun di kei mem nijam di igyaijo dini kin niyaijo ei nidipti bu.

TITUS 1:16

Yo dima ipai sut yonti bipia ikan tut Allah noro igyai munti nya srep tut ipaisi. Allah niyai ngkek ttin igyai munti nya lewo ibit nihyet bi. Dem tut gima igyai kep mun nyeng di kei gom cem bi.

TITUS 3:8

Nihyet dima ne nihyet di nijit ri. Dijoi sut ma asum ahyet ei mun di dipas kep dima hagomti bak yo di ingon jo kep Allah nya leu binhyepo ibrim ingkek mem igyai munti di kei bibor nya. Ba, igyai munti dima bon ninyeng mem gima ibimpu tungwatu nya yahagom.

IBRANI 11:17

Niba ningon comti bindei ba, Abraham ba nipmot bibon midut nindig mindhe titut ei humti tirigi Allah bingon ningonti. Mbro nok gino Allah preu ei mem Abraham tut yo di intun noni him tu lo, Abraham ce tut ba nipmot gom ngat bibon midut nindig noni kep humti.

IBRANI 13:9

Ma jisindui sut ba, nihyet di nitrowai nya bindei bijisrawir au. Gi bon ninyeng rino jiyai nisindemti tug hon Allah de nisingat tut jeti lene tug hon nidimig sutti di bitut njita di mipror yon bi. Nidimig sutti dima ngat ningat di kei hi mem yo di ibit nya bi.

YAKOBUS 1:16

Disut bat di dingon kieti jen, ma jisindui sut ba, hi ris je au.

YAKOBUS 2:16

Lene ma jipigo yok he “Jicemo! Allah mimpu je tut sinsun di jijuk kin njita di jiyem o!” Gino jingondut yok tut mun di isuar dima bi lene jide nipigo yokti dima dem bi.

YAKOBUS 2:18

Nok gino hi pai “Hi biyai hamem niba ningon comti lene hi biyai hamem niyai munti nya.” Dibuhup no dima nihyet “Ando brei bida tut notou tungwagom biyai hamem niba ningon comti lo, biyai hamem niyai munti nya cem tut bi i? Noro tut dani ne midindo ditde niba ningon comti tug hon diyai munti nya.”

YAKOBUS 2:26

Gima rino gino ninnei kimbas ne ningut mai su. Bingon leu nok gino tungwagom yai niyai munti nya hi bi lene nide niba ningon comti cem mai su.

PETRUS GI NICAN 1:5

Gima rino ma jiba jiyai munti di kei bibor bijibindei mbut jide niba ningon com Kristusti. Ma jiba jide ningon di dorti tut Allah ningon kanti di bindei mbut jide niyai munti di kei bibor nya.