YAKOBUS 2:13 - ALLAH NIHYET MEM TUNGWATU NYA

¹³ Gino tungwagom ngondut hiter bi ne mpe dino Allah mbus ningonti lene Noni mingondut no dima bi. Noro ningondut yamti sindem dor njiriek hukum!

YAKOBUS 2:13 ပူးပေါင်းရင်းမြစ်များ

NITRITI 42:21

Leu api isimbot kep biyam bipai “Itug ndei hukum dini drek dip mun po ibon tunggwei sut ikinjoi kieti pima ri. Mbro nok gino mun di kinei bibor cut igkep noni ba, noni kon ninda ser nye lo, nyeni ingkek ndok tut. Gima rino itug ndei hukum di buhun ei njap di ammani.”

NIBOHON MBEN ISRAEL GI NICAN 28:11

Jimiap e, yo di isima binok jide awak dini ne je di adig-ajoi ningat-ngat nya ri. Gima rino ma jikes yok bingkwei ug ei ide ig hanyen hak ug. Gi bi lene tuhan migga jeni bu bikes hukum ei je dip.”

MAZMUR 18:25

tuhan kan tut bipia diyai mun tunggwei sut Noni hi bi. Gima rino buhup bida tut dibon munti nya di igbit.

MAZMUR 85:10

Ningat ne Noni tindei ser nituti tirigi Noni teu yo di ittin tut Noni bingwes ngun. Allah Di Ninyeng Jei miningat rin bit nye ei ide minu.

NIPINGOK NINGONTI 21:13

Gino angkek ndok tut nuhui mbum nya ne mpe dino nani ahara tungwatu nya lene hi mingondut nani bi.

NIPINGOK NINGONTI 22:16

No di ba noho rok ninyeng tut ndigban tug hon gi co kep nuhui mbum nya ba, njei munkwas bak yo di inyeng ne wer nikinei-kinau drek dip.

YESAYA 27:11

Gino biei nda dima yok mui ba, dahat ei lene sop nya mikwei kam bittei mem biei nindig a. Mben dima ingon gi huk niti tut mun nyeng hi bi. Apino Allah di pai tes yok nya mingondut yok ba, ningon nggriu sut yok bi.

YEREMIA 9:24

Tungwa tou rino llei sut mun nyeng hi lene suar llei sut gi noni kan tut Dani biningon dorti tut dingon kanti nya. Lewo dingon ngakeisi jo ninno bijo kikau ba, dita nikos tutti nya di mungkun kei kin ningon di sren tut yamti ei dihyeisi bingkiem-kiau. Dijoi sut mun dini yok hagom. Da di tuhan disimbot dat tu.”

YEHEZKIEL 33:11

Ma apai biyok bipia deheng bitug hon Danti di tuhan Di Dinyeng Jei Bibor cem Allah di niyaijo cem dinyeng bipia dingon kei drek dip no di mbuk nitug midutti bi. Noro dijoi sut gino noni ttin ser nide sisar leu binhyepo hek tut niyaisi. Je di mben Israel e, ma jimbres jenti leu sisar hagom. Nggon rino jingon llei sut gi jitug ndei nimai i?

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

MATIUS 5:7

Bikwop yo di ingondut yo di hiter nya ingon nggei-hi-nggei lewo Allah mingondut yoni cem bu!

MATIUS 6:15

Noro gino jikos ser hiter ide mun di igyai tunggwei sut je bi ne Jicig nyo kug cem mikos ser jide mun di jiyai tunggwei sut Noni bi.”

LUKAS 16:25

Noro Abraham buhup ‘Dipmot na e, ma ayok ngon kep bipia tirigi ayaisi jo yo ne ade mun di amati nya hagom kei bibor kei noro Lazarus ma mun nyeng di kinei nya he. Nogindini noni ningon kei bibor kei ei mpia dini noro atug ndei anghuisi wei nindig bibor.

LUKAS 6:37

“Ma jibon jenti dem kep nok nikei mem nindigsi nya au. Leu binhyepo Allah di nok nikei mipai kep je bi. Ma jipai kep nindigsi nya au. Leu binhyepo Allah mipai kep je bi. Ma jikos ser yo di ibon mun tunggwei sut je. Leu binhyepo Allah cem mikos ser jide nitunggweisi nya.

YAKOBUS 3:17

Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi.

YAKOBUS 5:4

Jitak kep awak di igyai miai nya imuhup leu yok bijiyem imuhup bingwig su. Suar jintu kep mun di yoni inso je tut! Jide awak di igyai njita kwei leu beisi nya ighyet tibim kikau ug ei Allah Di Sindem Bibor nitingou nsi tu.

NIJAM NIKEI NYA 1:7

Apino Adoni-Bezek pai “Nipou yo lene dikkin nibou ndig ibou ningot muhwindacan inda pmem hacem kin imig nda pmem hacem leu su. Lene disindui sut yok ba, igyem njita ninir di cut ei ditde meja behei a. Gima rino Allah yai nok gima tut dani mem njap di ammani dem kep gi po dibibon yoni pima.” Leu api ikri Adoni-Bezek ug ei minu ndig Yerusalem ba, noni mai ei sirima.

NIJAM NIKEI NYA 5:27

Lene Sisera tti ug ei dihyeisi ei Yael nimig him ba, tug ndei njap nimai.