YAKOBUS 2:1 - ALLAH NIHYET MEM TUNGWATU NYA

¹ Disut bat je di jingon jo kep Tuhan Yesus Kristus di Tuhan Di Kei-kau e, ma jimig mbus tungwatu nya tereu nok hi kei hi kinei bit leu nok ingat di jingat bou jiyai him au.

YAKOBUS 2:1 ပူးပေါင်းရင်းမြစ်များ

NIBOHON MBEN ISRAEL GI NICAN 19:7

Suar jittin tut tuhan ba, jiba jingon di sok kep jenti bikos tut munhyet hi nok mungkun kei. Lewo ide tuhan Allah ningon mpo tut yo di iris mun kin yo di imbus nggok tungwatu kin yo di isu inda mem mun nibingot kep yokti nya.”

NIPINGOK NINGONTI 24:23

Yo di ingon ki ipai, “Ma nikei mbus nite hi bihigom tirigi kes hukum ei tungwagom dip au.

NIPINGOK NINGONTI 28:21

Gino hi mbus nggok tungwatu ne gima kei mem bi. Noro nikei nya ibou poi isindui sut hi ba mitiei bingot kep yok bibindei ba, ikos tutti nya sren kei bi.

IMAM NYA IDE MIDYAI 19:15

Tirigi jigwam nok nikei mem yo di ipigau hanjop nya lene ma jingon sren. Harin dima jibibon no di nuhui mbum ba, bon ninyeng njiriek nindigsi nya a. Nok gima cem harin dima jingon digit tut no di nyeng bibor a.

MATIUS 22:16

Gima rino icuk ibou poi di igya kui yok kin ibou poi di itti kin nimpung Herodes biyuug ngat Yesus. Yo dini ipai bak Yesus “Guru e, nikan tut bipia angon sren. Ba, nikan tut bipia apai mingat tut Allah ningon kanti mem tungwatu nya lene amig mbus yok bi.

KISAH 10:34

Lene Petrus pai biyok “Nogindini dikan tut mungkun bipia Allah mbus nggok tungwatu nya bi.

KISAH 20:21

Disok kep mben Yahudi kin ngkiai nya ngkiem leu binhyepo ittin ser ide sisar bikiek bak Allah ba, ingon jo kep Tuhan Yesus cem.

KISAH 24:24

Njap poi ser lene Feliks kwei sut nitnem Drusilla lo, noni ne sop Yahudi ri. Lene Feliks sok nihyet bak Paulus bipia kwei ngat yok. Tirigi Paulus tri tut nihyet tut niba ningon com Kristus Yesusti lene Feliks ngig nitingou mem noni.

KISAH 7:2

Stefanus buhup “Disut bat kin dicig bat jen, ma jingig jitingou mem dihyet! Nipou tirigi ide pung di intun him di Abraham bong ei nitimieisi ei minu Mesopotamia bikwei bong ei minu ndig Haran bigyo lene Allah di kei-kau-kei ndo Nonti brei binoni,

ROMA 1:11

Lewo dingon bisau sut gi dingat je bou diyai him leu binhyepo dibippiet mun di kei di kwei leu Allah Ninnei bije ba, mun dima mibiyai jingon nddong kei.

KORINTUS GI NIGOM 2:8

Nisindemti nya di inyeng tak kep dihyeisi mem nijam dini ikan tut ningon di ki di nijit-jau dini bi. Leu gino ikan tut ne jo nibreisi bipia ipek Tuhan di kei-kau-kei kin biei salib bi.

NINDAT KEP TUHAN NICUKTI NYA 1:17

Ma jiba jide nikos tutti nya bimbus nggok tungwatu nya au. Ma jiba jingon di gom bimbus tungwagom-gom ningonti lene ma jimbus nggok yok au. Ma jittin tut yo di igya ei joho bei mem gima jikos tut yok au. Lewo Allah mipingok jingonti bindo nikos tutti di igbit bak jeni. Lene ma jikes munhyet di nggruk bibor mem je ei dani dinghat dip leu api midikos tut bak jeni.’

NINDAT KEP TUHAN NICUKTI NYA 16:19

Tirigi ikos tut mun nyeng hi lene ma iba ide ningon canti bikos tut ba, imbus nggok yo di inyeng jei nya cem au. Ma itindei hiter nindati tut mun nibingot kep yok au. Lewo mun nibingot kep dima tak kep tungwatu igyai bitut yo di ingon ki kin yo di ingon sren nya igyai ser apino gimbun ingon hukti tut mun di igbit kan bi.

KOLOSE 1:4

Lewo nimiap jinghapti tut jide niba ningon com Kristus Yesusti kin jide ningon ngakei Allah de limwa nyati yahagom.

TIMOTIUS GI NIGOM 1:19

Ma anyohou ade niba ningon com Kristusti kin ade ningon mien kanti leu binhyepo hacem kwes kei. Ibou poi ingkek ndok tut ingon mien kanti apino inok kibar di tug bor bisrawir.

TIMOTIUS GI NIGOM 5:21

Disok kep na ei Allah kin Kristus Yesus kin malaikati di dia-diau nya yoho bei bipia abit mun di dicuk na tut dini hagom. Ma amig mbus tungwatu nya ba, aba angon kan-kan wai au.

TITUS 1:1

Srat dini leu da di Paulus. Dinok awak mem Allah bidiyai dinyeng nok no di ya kui Yesus. Allah dimig da leu binhyepo dibiwin kep yo di Noni dimig ei su nya ide niba ningon com Kristusti. Dipingok ingonti leu binhyepo ingon dorti tut nihyet di nijit di bindei ba, igyai munti nya bit leu Allah ningon kanti mem yok.

TITUS 2:13

lewo igyok ingon mem Njap ninggei-hi-nggei nitausi. Nogindini imem kep ser Njap dima di igyok ingon mem. Mpe dima yo di dihyeisi dini hagom mingat Yesus Kristus nikei-kau-keisi bou igyai him mem Njap dima lewo Noni ne nyeni ide Allah di Ninyeng Jei kin Nibou Ndig di teu tungwatu nya leu sisar biyai niyaijo nijep biyok cem ri.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.

IBRANI 12:2

Ma, itou kep Yesus nggilun. Noni ta niba ningon comti habiei ei ingonti binyohou nye kikau ug bipek nohonti. Ningon cut leu Nide midyai drek dip biei salib bimmai sut nimai ei biei salibti bi. Lewo Noni yok ningon mem gima yai ningon llei biborti ei nidipti bu. Nogindini Noni gwam kui Allah ninda com binok nibou ndig bit Noni.

YAKOBUS 1:16

Disut bat di dingon kieti jen, ma jisindui sut ba, hi ris je au.

YAKOBUS 1:19

He disut bat di dingon kieti jen, ma jiyok ngon kep dihyet bipia suar bikwop tungwagom-gom bipbur ba, nitingou dile noro nyohou yai sut nimbrapti. Ma ningon sibui sut tungwatu nya au.

YAKOBUS 2:3

gino jiya um no di juk sinsun di nibok kak bijicigit noni “Akwei gwam nikeisi dini” lo, jicuk no di nuhwap mbum “Ma aug ei nuhuisi dinu” e, he “Ma agwam juk ei dihyeisi dini hak ug” e.

YAKOBUS 2:9

Noro gino jimig mbus tungwatu nye tereu nok hi kei hi kinei bit leu nok ingat di jingat bou jiyai him lene gima bindei bijingon mui su ba, Allah niggai serti pai kep je drek dip.

YAKOBUS 3:17

Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi.

PETRUS GI NICAN 1:1

Srat dini leu da di Petrus ba, dinok awak mem Yesus Kristus bidiya kui Noni cem. Srat dini mem je dino jiyai jide niba ningon comti noyam kin nyeni tug hon ide Yesus Kristus di ningon sren-srau. Noni ne Allah kin No di teu nye leu sisar biyai niyaijo nijep binye cem ri.

YUDAS 1:16

Yo dini inso-nso nyen cem injei kep hi ter cem igyaijo bit leu ingut kanti di kinei di srou yok cem ingon jei cem iba ninsi dimmau biris tungwatu nya leu binhyepo ibibrim mun di ingat ingwes eisi leu yok.

NINGAT-HI-NGAT NYA 14:12

Gima rino ma Allah de limwa di ibit nicuk yokti nya di ingon gom tut Yesus cem ma ingon nddong.