YAKOBUS 1:5 - ALLAH NIHYET MEM TUNGWATU NYA

⁵ Gino jigom ningon ki haigtu bi lene ma hara Allah tut leu api Noni miyai ningon di ki bak noni. Lewo Allah singat tut nye biyai ningat di kei ninyeng hagom bak tungwatu nya yahagom tug hon ningondut nyeti.

YAKOBUS 1:5 ပူးပေါင်းရင်းမြစ်များ

NIBOHON MBEN ISRAEL GI NIGOM 22:12

Ade tuhan Allah miyai angon di binggok puig tut mun di abon kin angon di ki tut mun nyeng hagom cem bina leu binhyepo anyeng tak kep mben Israel bit leu tuhan niggai serti nya.

NIBOHON MBEN ISRAEL GI NICAN 1:10

Gima rino ma ayai ningon di ki kin ningon di kan bidem tut mun nyeng hi di disuar mem gima dibibie tut yoni. Gi bi lene notou mem gima dipingok Ade limwa di nindig bibor dini ingonti i?”

MAZMUR 51:6

Dibon sisar tut Na di Allah Nangkom he ba, diyai mun di apai sut bipia kinei bibor tu. Gima rino ayai mun di igbit tirigi akes hukum ei da dip. Akos tutti nya sren-srau kei.

NEHEI LEUSI 31:3

Ba, diyai Ditde nisindemti ndrim hi binoni leu binhyepo ningon ki tut mun di noni bon bou ninda him leu api noni mikilis ndigban pima yok hagom.

NEHEI LEUSI 31:6

Lene dindo Oholiab di Ahisamakh nipmot di nimbier kim keret Dan leu binhyepo noni ya kui Bezaleel bimpu noni. Nok gima cem diyai nisindemti bak tukan nindigsi nya leu binhyepo yoni cem ibon ndigban di dicuk na tut pima hagom kan cem.

NIPINGOK NINGONTI 8:17

Dingon ngakei yo di ingon ngakei da. Yo di inggok ser da mingat da bou igyai him.

MATIUS 11:20

Lene Yesus sindi pai kep minu ndig di Noni bibon Nide mindur eisi nya. Lewo timiei minu ndig dima yok ingkek ndok. Ittin ser ide sisar ba, ikiek ndam Allah bi. Noni pai,

MARKUS 16:14

Gima leu lene Yesus ndo Nonti brei bak yo di igya kui Noni ibou simnaibrimiggom tirigi igyem njita. Noni sinsam yok tut ide niba ningon com Noni mungkun bisi ba, ingon bit yo di ingat Noni bou igyai him tirigi kiju hanyen leu nimai eisi tu pima ighyet cem bi.

YOHANES 14:13

Mun nyeng dino jahara Da tut tug hon dinyeng lene midibirop hanyen bije leu binhyepo Dicig de nikei-kau-keisi jo nibreisi tug hon Nipmot di Dani.

YOHANES 15:7

Gino jinok gom kin Da ba, dihyet jo ei jeniti lene ma jahara Da tut mun nyeng hagom bit leu jingon kanti leu api dibirop hanyen bije.

YOHANES 4:10

Yesus buhup “Gino akan igbit tut mun di Allah yai bak tungwatu nya ba, angat igbit Da di dahara na tut minyei dini lene nanti ma ahara Da leu api duhug minyei niyaijo nijep hi bina ba, adut.”

KORINTUS GI NICAN 2:16

Mem yo di israwir nya ne inoyam kin ninghap di hwen yok ba, imai. Mem yo di ikak puig ug ei niyaijo kikauti ne inoyam kin ninghap di ui-gwang kei di biyai niyaijo nijep. Tou ridem mem midyai dini i?

YAKOBUS 1:17

Mun di kei kin mun di dia-diau nya hagom ntun Allah him bisrek kwei leu Noni. Noni pai tes nipigati nya hagom ei mpia-bbed him. Noni luei ningonti bibindei ba, nidinditi nggai kep tungwatu nya bi.

YAKOBUS 3:17

Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi.

YAKOBUS 5:16

Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.

YOHANES GI NIGOM 3:22

Mpe dino nyeni ingat nadi tindei mun nyeng hi ne Noni buhup hanyen lewo ibit Nide nicuk nyeti nya bipwoi ningon.