YAKOBUS 1:4 - ALLAH NIHYET MEM TUNGWATU NYA

⁴ Ma jinyohou jide ningon nddongti kikau ba, ningat ntun him leu binhyepo jimahan ei Kristusti ba, mun di jisuar nya hagom midem mem je.

YAKOBUS 1:4 ပူးပေါင်းရင်းမြစ်များ

AYUB 17:9

Yo di ipai sut yonti bipia isingat kei ba, ibon mun di igbit nya ingon hukti bipia igyai munti bipwoi Allah ningon bikum eisi kikau ba, iji ngkiem tut.

MAZMUR 37:7

Ma jiba jingon di jo nyahan bimem kep ser tuhan bijibet jingon mem nikwesti dima Noni yai nibou tut. Ma jingon mbut-mbut nyen tut yo di ibikum ei ide mun di inyeng tut nya kin yo di iris igkei nya au.

MAZMUR 40:1

Doia Daud mem no di bie tut doia nimpung.

NIPINGOK NINGONTI 4:8

Akon ningon kiti nok nomor gom ei angonti leu api ma gima hak anyeng di jei ei nati. Ma anggriou ningon kiti kin na leu api abitug ndei anyeng di jei cem.

HABAKUK 2:3

Ma apas kep nimbot kepti dima lewo tto bou dem mem nipek kepti bigyo. Jei bi ne tto bou dem leu api nimbot kepti dima mipek kep mem je dem igbit dipaisi. Mbro nok gino tto bou dima dem bigyo lo, ma amem ser nitausi! Dipreu ei mem na bipia mun dima mipek kep lene binyen bi.

MATIUS 10:22

Ba, tungwatu nya yahagom ingon mpo tut je drek dip gi jiya kui Da. Noro Allah miteu no di ya ngkiem kikau ug bipek ningwig honti ba, ningwes ngun.

MATIUS 19:20

No dima buhup “Dibit nicukti dima yok hagom tu ba, suar dibon mindei bu i?”

MATIUS 5:48

Jicig ei gwamti ba ningon di gom bingon ngakei tungwatu nya yahagom. Suar jeni cem jiyai bram niyaisi dima.”

MARKUS 10:21

Yesus tou kep noni nggilun bingondut lene pai binoni “Atunggwei sut mun nyeng gom ngat he. Ma atri ade ndigban hagom ba, abipek mitiei leu api akwas hagom tut yo di yuhui mbum nya leu binhyepo abikum ei ade mun di keiti mem nanti ei gwamti. Ayai gima bidem leu api akwei bit Da.”

LUKAS 18:22

Tirigi Yesus miap nibuhupti nok rino pai binoni “Atunggwei sut mun nyeng gom ngat he. Ma aug tri ade ndigban hagom ba, abipek mitiei lene ma akwas hagom tut yo di yuhui mbum nya apino abikum ei mun di keiti mem nanti ei gwamti. Leu api akwei bit Da.”

LUKAS 21:19

Gino jiya ngkiem bijibet jingon ne jingwes ngun.”

LUKAS 8:15

Njita ngan di cut ug ei dihyei suti bindo tut yo di imiap nihyet leu api ipwoi ei ingon di gomti kin ingon di kwes keiti. Yo dini ita ibou eisi bikui dip ningat di kei ntun him.”

YOHANES 17:23

Dinok gom kin yok ba, Nani anok gom kin Da ba, yahagom inok gom kin yam leu binhyepo tungwatu dihyeisi dini ikan tut bipia Nani rino acuk Da kwei ba, angon ngakei yok bit leu nok angon ngakei Da.

KORINTUS GI NIGOM 2:6

Mbro nok gima lo, dingginau yo di imahan ei Kristusti tut ningon di ki di nijit. Noro ningon di ki di nijit-jau dini kwei leu ningon di ki di ntun dihyeisi dini him kin nisindemti nya di inyeng tak kep dihyeisi mem nijam dini cem bi. Lewo nisindemti nya dima mipror yon.

GALATIA 6:9

Gima rino ma ingon cut leu ide niyai munti di kei bibor nya au. Leu gino ingon cut leu bi lene mpe di gom mingat ningat leu igyai munti dima yo.

KOLOSE 4:12

Epafras cem pigo je ba, noni cem nggre kin jide nimpung ba, noni ne awak mem Kristus Yesus ri. Noni ta nibou ei naditi bingat nadi tindei je leu binhyepo Allah yai jingon di nddong cem jimahan ei Kristusti cem jiba jingon di gom bibit Allah ningon kanti cem.

TESALONIKA GI NIGOM 5:23

Handei kon ba, Allah di bindei ba, ibong kei igwam kei yai jingon kwes-kwau. Handei kon ba, Noni nyohou jenti njem bitut jinnei kin jingon kin jingut leu binhyepo mun di kinei hi rap je bi ei mpe dino ide Tuhan Yesus Kristus kwei hanyen.

2 TIMOTIUS GI NICAN 3:17

Allah nihyet bindei ba, Nide awak yai mun di noni suar leu binhyepo noni dem mem gima yai kep midyai di kei bibor nya hagom.

IBRANI 13:21

Handei kon ba, Noni njei mun nyeng di kei hagom di jisuar mem gima jibibit Nonti ningon kanti bak jeni. Handei kon ba, Noni yai Nide midyai di joi sut ei ingonti tug hon Yesus Kristus di ya hacan mem nye. Ma inggei sut Kristus kikau buug hon nohonti bi! Igbit ri.

YAKOBUS 1:5

Gino jigom ningon ki haigtu bi lene ma hara Allah tut leu api Noni miyai ningon di ki bak noni. Lewo Allah singat tut nye biyai ningat di kei ninyeng hagom bak tungwatu nya yahagom tug hon ningondut nyeti.

YAKOBUS 3:2

Nyeni yahagom igyai mun tunggwei ninyen. Gino tungwagom yai mun tunggwei tug hon mun di tibim ei nuhui him bi lene no dima kei-kau lewo noni sindem mem gima om kep nonti njem titut yam.

PETRUS GI NIGOM 5:10

Noro niabiati jiyai ninghuisi wei di jo jei bi leu su lene Allah di singat tut je mipindi je hanyen bu. Noni miyai jingon nddong cem misindem tut je cem mibindei bijiba jingon com Noni kikau cem. Lewo Noni dimig je leu binhyepo jipriet kin Nide nikei-kau-keisi drek dip gi jinok gom kin Kristus.

PETRUS GI NICAN 1:9

Tungwa tou rino bindei mbut mun dini yok bintun ningon him bi niyai mmui su ba, ningon prion ser gino Allah piap nide sisar timiei nya leu no pima tu.