YAKOBUS 1:25 - ALLAH NIHYET MEM TUNGWATU NYA

²⁵ Allah niggai serti nya kei-kau-kei bisindem mem bindei kwek tungwatu nya leu sisar. No di ngig niyai kep niggai serti dima cem ba ningon gom biyok ngon kep cem yai midyai di bicim tindei niggai serti dima cem miyai munkwas di kei bibor leu Allah tug hon nide midyai nya hagom.

YAKOBUS 1:25 ပူးပေါင်းရင်းမြစ်များ

MAZMUR 106:3

Yo di ibit Nide nicukti nya ba, igyai munti nya hagom igbit ne ingon nggei-hi-nggei.

MAZMUR 119:32

Dingon nggan mem gima dibit Ade nicukti nya lewo abindei ba, dingon huk niti bibor.

MAZMUR 119:45

Leu api diyati kwes ba, mun hi ngot kep da bi. Lewo dibingon mem gima dibit Ade ningginausi nya.

NIPINGOK NINGONTI 14:15

No di ningon mbum ningon jo kep mun nyeng hagom di tibim ei tungwatu nya yuhui him noro yo di ingon ki nya ingon sok kep yonti tut igyai munti nya.

YESAYA 8:20

Noro ma jibuhup biyok, “Ma jimiap kep tuhan nipingok jeti! Yo di ipai mun tunggwei sut nipingok jeti dima ibon ide mun di igyok ingon mem hi bi.”

LUKAS 11:28

Noro Yesus buhup “Yo di imiap Allah nihyet bibindei mbut nihyet dima ingon nggei-hi-nggei nindig dor njiriek bu.”

YOHANES 13:17

Gino jingon dorti tut dihyet dini hagom bijibit lene jingon nggei-hi-nggei.

YOHANES 8:36

Gima rino gino Allah Nipmot kwek je leu awak bijiyati kwes lene jinok awak bu bi sren.

KISAH 13:43

Niabiati tungwatu pima yok yahagom intek gimahap bingwig leu lene mben Yahudi imang bibor kin ngkiai nya di itti kin puig Yahudi ibit yok. Gima rino Paulus kin Barnabas imbrap bit yok bibiwin kep ingonti leu binhyepo iba ingon com Allah nisingat tut yokti.

KISAH 2:42

Ba, iba ingon gom bipikor tut yo di igya kui Yesus ighyet kikau bigyem njita ba, ingat nadi bit yam cem.

KISAH 26:22

Noro Allah nyohou da habiei kikau kwei bipek ammani kep. Gima rino diya diyati dini biditri tut mun di dingat bou diyai him bak tungwatu yahagom bitut yo di inyeng jei kin yo di ibon inyeng bi. Nihyet di tibim ei duhui him dem igbit mun di nabi nya kin Musa ipai sut mipek kep mem nye.

ROMA 11:22

Mun dima yok ndo binye bipia Allah ningon nggriu cem nggwes cem. Ningon nggwes tut yo di ibon sisar noro ningon nggriu sut je gino jiyai munti nya biyai Allah ningon nggriu sut je. Gi bi ne Noni misriot je hanyen leu.

ROMA 2:13

Lewo Allah bibon tungwatu nya ingon kwes kin Noni drek dip ingon di dor nicuk mben Yahuditi dima he bi. Noro drek dip gi ibon mun bit leu nok nicukti dima nicuk yoti.

ROMA 7:12

Puig Yahudi niggai serti dima ntun Allah him ne niggai ser dati nya hagom kwei leu Noni ba, sren bibor kin kei bibor cem.

ROMA 8:15

Lewo Allah Ninnei di Allah yai bije bibon je tereu nok awak leu dima jiyaijo ei ningon di ttinti bi. Noro Ninnei bindei jeni bijinok Allah nimunggwom bat nya. Apino bikwop nyeni iba Allah Ninnei nisindemti bihig Allah nok Icig bipai “Arig e! Arig e!”

ROMA 8:2

Lewo Allah Ninnei niggai serti di bindei ba, igyaijo nok gom kin Kristus Yesus kwek da leu niggai ser dati dibindei sisar kin nimai kat da dima tu.

KORINTUS GI NIGOM 15:58

Gima rino disut bat di dingon kieti jen e, ma jiyai nisindemti kin ningon nddongti. Ma jita jibou ei Allah de midyaiti lewo jikan tut bipia midyai di jiyai mem Tuhan nya hagom mikui-kausi bi sren.

KORINTUS GI NICAN 13:5

Ma jibinai yam ngonti leu binhyepo jinggok tut gino jiyai munti nya ntun jide niba ningon com Kristusti him! Jikan tut mungkun bipia Kristus Yesus ningat rin ei jingonti e? Gi bi ne jingon jo kep Noni mungkun bi.

GALATIA 2:4

Mbro nok gima lo, bihi ibidip huk noni tut. Yo dima iluei itta tereu nok yo di Kresten ba, ibipis yo di mbusyameisi leu binhyepo iba itta sien kep yo di mbusyamei binggok tut nyende niyati kwes di tug hon ide ninok gom kin Kristus Yesusti. Yoni ipi biyuubon nyeni bininok awak mem puig timiei hanyen.

GALATIA 5:1

Nyeni igyati kwes lewo Kristus kwek nye tu. Gima rino ma jikrau kep jide niyati kwes dima. Ma jibiam bon di bindei bijinok awak hanyen bu au.

GALATIA 6:2

Ma jahati tut yam bijikon hiter de mun di buhun tut. Tug hon nisinati dima ne jibit Kristus nicuk nyeti nya.

KOLOSE 1:23

Ma jiba jingon com Nihyet Di Kei di nddong kei mem je. Ma jitti-tti nyen bijingkwei leu jide niba ningon comti di jiyai tirigi jimiap tut Nihyet Di Kei au. Nihyet Di Kei tibim kikau ug ei tungwatu dihyeisi dini hagom itingou nsi tu ba, da di Paulus dinok awak mem tu.

TIMOTIUS GI NIGOM 2:15

Mbro nok gima lo, gino sop hi ta nibou ei nide niba ningon com Yesus Kristusti cem ningon ngakei yo di hiter cem ningon kwes kin Allah cem yai midyai mmuti cem lene noni miyai niteu leu sisarti kin niyaijo nijep tug hon nisrek tut munggwomti.

TIMOTIUS GI NIGOM 4:16

Ma asok kep nanti tut ayai munti nya kin ade ningginau tungwatu nyati. Leu gino aba angon di gom biyai gima yok hagom kikau ne abiteu nanti bitut yo di intu kep ahyet cem ba, jahagom jingwes ngun.

IBRANI 12:15

Ma jisok kep yam leu binhyepo hi ngkwei hanyen leu Allah nisingat tut nyeti au. Ma jisok kep yam leu binhyepo jiwer krisieu nikioi di hei ei jikieti di pu imang bibor bibindei ba, sisar srou yok au.

YAKOBUS 2:12

Ma jimbrapti kin jiyai munti nya hagom igbit lewo Allah mimbus jingonti tug hon niggai serti di kwek tungwatu nya bigyati kwes.

PETRUS GI NIGOM 2:16

Ma jiyaijo tereu nok yo di igyati kwes lewo jingwes ngun leu sisar tu. Noro ma jiba jiyati di kwes binyohou sisar nyahan ei jingonti au. Ma jiyaijo dem kep nok Allah de awak nya.

YOHANES GI NIGOM 2:24

Gima rino ma jinyohou nihyet di jimiap habiei tirigi sindi jingon jo kep Yesus ei jingonti. Gino jinyohou nihyet dima ei jingonti ne jiyaijo nok gom kin Nipmot kin Nicig yahacem kikau.

NINGAT-HI-NGAT NYA 14:13

Leu api dimiap nihyet gom di tibim kwei leu gwamti bipai “Apas kep gini. Hon kep nogondini ne yo di inda jo kep midyai di igyai mem Allah di igyai nimai hon kep ammani kui drek dip midyai dima ingon nggei-hi-nggei.” Allah Ninnei buhup “Igbit ri! Yo dima miba ingon di llei bibor bikes inda tut ide midyai di buhun bibor lene ningat di kei di ntun yok him bram yok.”

NINGAT-HI-NGAT NYA 22:14

Yo di itot ide sinsun bipwoi kei dima ingon nggei-hi-nggei apino icoi kak dimbou hui ug ei minu ndig dima ba, idem mem gima igyem kep biei di bindei bigyai niyaijo ningat a.

SAMUEL GI NIGOM 12:14

Gino jinggei sut tuhan ba, jidimig jenti ei mem Noni cem jimiap kep nicuk jeti nya bijibit nihyet cem ba, jeni kin jide nibou ndig jingon gom tut Noni lene mijiyai ningon nggei-hi-nggei.