YAKOBUS 1:22 - ALLAH NIHYET MEM TUNGWATU NYA

²² Suar jibit Allah nicuk jeti lene ma jimiap kep nicuk jeti he au. Leu gi nok lene jiris jenti hak ug.

YAKOBUS 1:22 ပူးပေါင်းရင်းမြစ်များ

YESAYA 44:20

Niyai munti dima dem kep nok no di yem kep atriem ndung. Ningon kanti di mbum bibor dima ris noni apino bit bon hi mpu noni kan bi. Ningkek ndok ser leu ba, ningon gi dorti tut bipia kwar di noni krau ei nindati dima ne kwar rin bi noro mun di biris noni ug ei nikineisi.

YEREMIA 11:6

Leu api tuhan pai bida “Aug ei minu ndig ngot di jo ei minu Yehuda. Aug ei simpak bou ngot di jo minu ndig Yerusalem ba, atri tut dihyet di disok ei na dip dini bak yo di ingat rin ei sirima. Asok kep yok bipia suar ingig itingou mem dihyet bibit Ditde gi preu pima nidimigsi di suar yahati tut nya hagom.

OBAJA 1:3

Jide ningon jeisi ris ei jeti. Jide minu ndig pmem dem kep nok tentara nibousi di jiya coi di jiwin ei hak mihyeti ei nungug tig. Jide mpia di jibong niti jo anai ei nungug dip. Gima rino jikan ‘Tou rima sindem mem gima bindei timek nye i?’

MATIUS 12:50

Lewo no di yai igbit Dicig ei gwamti ningon kanti ne dikinjoi kin dikwohop kin dipmem ri.”

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

LUKAS 11:28

Noro Yesus buhup “Yo di imiap Allah nihyet bibindei mbut nihyet dima ingon nggei-hi-nggei nindig dor njiriek bu.”

YOHANES 13:17

Gino jingon dorti tut dihyet dini hagom bijibit lene jingon nggei-hi-nggei.

ROMA 2:13

Lewo Allah bibon tungwatu nya ingon kwes kin Noni drek dip ingon di dor nicuk mben Yahuditi dima he bi. Noro drek dip gi ibon mun bit leu nok nicukti dima nicuk yoti.

KORINTUS GI NIGOM 15:33

Ma jikrau tunggwei puig au. Gino jiba je bipis yo di ibon mun hacican ikieti ne jei bi yahak igyai kepti dima ei jeti hanyen.

KORINTUS GI NIGOM 3:18

Ma jikrau tunggwei jingonti au. Gino jigom ba ningon di ki di ntun dihyeisi dini him ba, binai nibou ngwakti bisrip huk bipia ningon ki ne ma noni om nonti tereu nok no di ningon mbum. Tug hon nisinati dima ne noni miyai ningon di ki di nijit-jau.

KORINTUS GI NIGOM 6:9

Ma jiyok ngon kep bipia yo di ibit Allah ningon kanti mem yok bi nya minggre kin Allah Ninyeng Tak Kepti bi. Ma jikrau tunggwei jingonti au! Yo di icut tut yam kin yo di ikuk yok bak kwar kin yo di icut tut hi nitnem kin sop di icut tut yam kin pinai di icut tut yam,

GALATIA 6:3

Gino tungwagom kan bipia ninyeng jei lo, ningat ne ninyeng jei haigtu bi ba, noni krau tunggwei ningonti.

GALATIA 6:7

Ma jikrau tunggwei jingonti au. Bit bon hi ris mun bak Allah kan bi. Jibiang njita kwei leu beisi bit leu ningan di jindim ei beisi.

FILIPI 4:8

Disut bat jen, son dideu srat dini ninggrupti tu. Ma jipwoi mun di bon ninyeng kin mun di dem mem gima tungwatu nya inggei sut nya ei jingonti. Mun dima rino niba ningon bisrip bram nijit-jausi kin mun di bindei ba, tungwatu nya inggei sut kin mun di sren-srau kin mun di kwes-kwau kin mun di bit bon hi tte tut kan bi kin mun di tungwatu nya igyai ngakei kin mun di singat kei hagom.

KOLOSE 3:17

Tut jiyai munti nya kin jipai munti nya ne ma jiyai hagom tug hon Tuhan Yesus ninyenga. Ma jipai sigyo bak Icig Allah tut mun nyeng hagom di Yesus bibon mem je.

2 TIMOTIUS GI NICAN 3:13

yo di isibut kin yo di iris mun ei hiterti nya mibikum ei ide mun di kineiti ba, ibiris bak tungwatu nya kikau lo, yonti cem micut bak yo di iris mun biyok nya ri.

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.

YAKOBUS 1:26

Gino hi kan bipia noni bit Allah ningon kanti lo, om kep nidweb bi lene no dima ris nonti ba, nikuk no bak Allahti bon ninyeng bi.

YAKOBUS 4:11

He disut bat jen, ma jipai yam kinei ba, jibon jenti nok nikei mem hiter au. Tungwa tou rino pai nisut no di Kresten hi kinei bigwam nok nikei mem noni ningon mui lewo gima tereu nok noni gwam nok nikei mem Allah niggai serti. Gino agwam nok nikei mem Allah niggai serti lene gima dem kep nok agibit niggai serti dima bi noro agwam nok nikei mem.

YAKOBUS 4:17

Gima rino no di kan tut midyai di kei bibor di suar noni yai kep nya lo, yai kep bi lene ningon mui ba, sisar ntun him.

PETRUS GI NICAN 2:13

Yoni mitug ndei ninghuisi wei drek dip ninghuisi wei di ibindei dino cut igkep yo di hiter. Ingon llei sut gi ibon mun bit leu ingut kanti di kinei di srou yok bou tungwatu nya igyai him. Yo dini ibinim kep je bibindei ba, jiyai ngkek ttin yok ei mpe dino iba inyeng can biyem njita bit je.

YOHANES GI NIGOM 1:8

Gino ipai sisar hi ntun nye him bi ne gima nok iris nyenti ba, Allah ningat rin ei ingonti bi.

YOHANES GI NIGOM 2:3

Gino igyai igbit Allah nicuk nyeti nya ne gini bindo bipia ingon dorti tut Noni mungkun tu.

YOHANES GI NIGOM 3:7

Dimunggwom bat jen, ma jisindui sut ba, hi bindei srawir je au. No di yai kikep Allah ningon kanti mem noni ningon sren bit leu nok Kristus cem ningon sren.

YOHANES GI NININGAI 1:11

Disut na di dingon kieti e, ma ayai bram yo di ibon mun tunggwei nya igyai munti nya au. Noro ma ayai bram yo di ibon mun di igbit nya igyai munti nya. Allah ninyeng tak kep no di bon kep mun di igbit. Noro no di bon mun tunggwei nya ningon dorti tut Allah bi.

NINGAT-HI-NGAT NYA 12:9

Yoni injei naga di nindig bibor tut nide malaikati nya ug ei dihyeisi mu. Naga ne wou di ningat rin ei nimbie him di ninyeng Bilis kin Ninnei Di Sibut ri. Noni rino ris bak tungwatu dihyeisi dini yahagom.

NINGAT-HI-NGAT NYA 22:7

Yesus pai “Jimiap e, jei bi lene midihwou hanyen! Bikwop yo di ibit nihyet di jo ei srat diniti ingon nggei-hi-nggei!”