YAKOBUS 1:21 - ALLAH NIHYET MEM TUNGWATU NYA

²¹ Gima rino ma jicom mun di biyai jingon rom kin mun di kinei di rap je nya. Ma jiba jibou coi sut Allah kin nihyet di Noni ndim ei jingonti lewo nihyet dima sindem mem gima teu je leu sisar biyai niyaijo nijep bije.

YAKOBUS 1:21 ပူးပေါင်းရင်းမြစ်များ

MAZMUR 25:9

tuhan bie tut yo di iba ibou coi mem Noni bingginau yok tut Nonti ningon kanti.

YESAYA 29:19

Nuhui mbum nya kin nikinei-kinau nya mikiju bingat ingwes ei ninggei-hi-nggei di mben Israel ide Allah di kwes yai biyoti hanyen.

YESAYA 30:22

Mijicom jide kwar di jikuk je bak nya di jiba perak kin mas binggai nya hak binok mumpiang. Lene mijibipai biyok “Juug bihigom leu nye!”

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

YEHEZKIEL 18:31

Ma jimbres jenti leu jiyai munti di mbuk bibor di jita jibou eisi nya leu api jisindui sut ba, jingonti kin jikan-kan nyenti nok nijep bu. Nggon rino jingon llei sut gi jiyai nimai i?

YEHEZKIEL 36:25

Gima ngwig lene midiba minyei di pimbai kei biprok je leu binhyepo jingon pwoi leu jide kwar nya kin mun nindigsi di bindei ba, map kui je tu nya.

ZEFANYA 2:3

Je di jingon nggriu kin je di jice tut bijibit tuhan nicukti nya ei minu dini jahagom e, ma jingkwei hanyen ndam tuhan. Ma jiyai jibou tut bijibibit tuhan ningon kanti ba, joom jenti ei Noho bei. Tou rikan tut pia hi rima ingwes ngun leu hukum mem njap dino tuhan ndo Nide niggati ei nibreisi i?

MATIUS 5:5

Bikwop yo di iba ibou coi mem yam nya ingon nggei-hi-nggei lewo yoni migyai mun di Allah preu ei mem yok!

YOHANES 6:63

Allah Ninnei Nongkom yai niyaijo nijep bak tungwatu nya. Tungwatu nya ide nisindemti dem mem bi. Dihyet di dipai bije bindei ba, jiyai Allah Ninnei bitut niyaijo nijep di jo kikau ei jingonti.

YOHANES 6:68

Simon Petrus pai biNoni “Tuhan e, nibit tou bu i? Lewo nihyet Ade yai niyaijo nijep di jo kikau binye.

KISAH 10:33

Gima rino disok dihyet haninyai hwou ndam na di Andigpoi a. Jo nibreisi bipia angon nggriu sut nye jit-jau lewo akwei su. Nogindia nahagom ninduk yam kwei ei Allah niyai him biningon ya mem nihyet di Allah mipai tug hon na di Andigpoi ahui him.”

KISAH 13:26

Disut bat je di jintun Abraham him kin je di nindigsi di jikuk je bak Allah e, Allah sok nihyet tut niteu leu sisarti kin niyaijo nijep kwei bak nyeni yahagom.

ROMA 1:16

Diba dingon com Nihyet Di Kei nindig bibor lewo Allah ndo Nide nisindemti tug hon Nihyet Di Kei di bindei yo di iba ingon com Noni igyai niteu leu sisarti kin niyaijo nijepti. Gini mem mben Yahudi nipou leu api mem ngkiai nya cem.

ROMA 11:17

Allah sriot biei zaitun nitu (biei dini ne mben Yahudi ri) di Noni nyohou dima ninda hi leu leu api ngot biei zaitun sisron ninda hi hanyen biluei niceti. Je di ngkiai nya jinok biei zaitun sisron dima ninda ri. Allah ngot je kin biei zaitun nitu leu binhyepo jima mben Yahudi ide mun di kei di ntun niyaijo di bitut ninnei him.

ROMA 6:17

Noro ma jikwei ba, ipai sigyo bak Allah! Leu mbro nok gino sisar ubon je bijinok awak nipou su lo, tini bu ne jiba jingon titut yam bibit ningginausi di nijit-jau di Allah yai bije tu.

KORINTUS GI NIGOM 15:2

Gino jikrau kep Nihyet Di Kei di ditri tut bije lene nihyet dima bindei ba, jiyai niteu leu sisarti kin niyaijo nijep. Gi bi ne jingon jo kep nihyet dima mikui-kausi.

KORINTUS GI NICAN 7:1

Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.

EFESUS 1:13

Jimiap Allah nicuk jeti tug hon Nihyet Di Kei di bindei ba, jiyai niteu leu sisarti kin niyaijo nijep. Jingon jo kep Kristus leu api Allah ba Nonti Ninnei di Noni preu ei mem nye bitak buk kep je bibindei ba, jinok Nide limwa nya.

EFESUS 4:22

Gima rino ma jipas niyaijo nitimiei bitut niyai kepti nitimiei nya leu je nok sinsun di rik-ta. Lewo jingut kanti di ntun dihyeisi di kinei dini him bindei ba, jiyaijo nitimiei timek bingwig.

EFESUS 4:25

Gima rino ma jibicum bu au! Noro ma yo di ingon jo kep nya yahagom iba ingon gom bimbrap bit yam. Lewo yahagom inggre kin Kristus ninguda.

EFESUS 5:4

Ma jikucang tungwatu nya ba, jipai nihyet krarti ba, jihyet tigut yam cem au. Noro ma jipai sigyo bak Allah.

TESALONIKA GI NIGOM 1:5

Lewo nihwou sut Nihyet Di Kei ei jikieti tug hon nihyet di tibim leu nuhui him he bi noro tug hon nisindemti kin mindur di Allah Ninnei bibon ei jikieti. Nindo tut niba ningon com Nihyet Di Keisi bije tu. Nyende niyai munti nya jo nibreisi mem je tirigi ningat rin ei jikieti ba, nibrim ningkek mem je.

TESALONIKA GI NIGOM 2:13

Mun nyeng gom kin bu di bindei dino nijem sigyo bak Allah rinok gini. Tirigi nitri tut Nihyet Di Kei leu Allah bije lene jimiap ba, jice tut nihyet dima tereu nok mun di tibim leu tungwatu nya yuhui him bi noro nok mun di nijit-jau di kwei leu Allah Nonti. Noni yai midyai ei je di jingon jo kep Kristus jingonti.

TITUS 2:11

Lewo Allah ndo nisingat tut tungwatu nyati leu binhyepo teu yahagom leu sisar biyai niyaijo nijep biyok.

IBRANI 12:1

Tut nyeni lene imang bibor di ikrau kep ide niba ningon comti igwam ttai nye bigyok igyai kep nye. Gima rino jikwei ba, ikes mun di ngot kep nye kin sisar di srou nye ei leu api iba ijoi bibor bidor sindem kak puig di Allah ndo binye tu.

IBRANI 2:3

Notou mem nye i? Gino ingon nyei ndam niteu leu sisarti kin niyaijo nijep di mindur dor njiriek nicukti dima bi ne notou ingwes ngun leu hukum i? Tuhan Nonti tri tut niteu leu sisarti kin niyaijo nijep nipou ngig-ngat leu api yo di imiap ipai brei binye bipia nihyet dima ne nijit-jau ri.

IBRANI 4:2

Lewo imiap Nihyet Di Kei bit leu nok gi yoni cem imiap. Noro nihyet di tibim ei itingou nsi bon ninyeng mem yok bi lewo ingon jo kep Allah De nipreu ei mem yokti bi.

YAKOBUS 4:8

Ma jidideu Allah leu api Noni dideu je. Je di jingon rom e, suar jipiap jinda leu ba, je di jingon mang e, suar jipindi jingon bikwes.

YAKOBUS 5:20

lene ma jiyok ngon kep bipia no di brim no di srawir leu puig di kinei biteu noni leu nimai eisi bindei ba, Allah kos ser nide sisar di mang bibor dima tu. Nipigo leu dani, Yakobus

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.

PETRUS GI NIGOM 1:9

Lewo jide niba ningon com Yesus Kristusti ribindei dino jiyai niteu leu sisarti kin niyaijo nijepti.

PETRUS GI NIGOM 2:1

Gima rino ma jicom sisar hagom leu je hak ug. Ma jiris yam cem jingon can cem jingon kinei sut yam cem jipai yam kinei cem bu au.

PETRUS GI NIGOM 2:11

Disut bat di dingon kieti jen, jinok ngkiai nya cem yo di ibong bas cem ei dihyeisi dini. Gima rino dicuk je sindem bipia ma jisindui sut jide ningut kanti nya om kep je au. Lewo jingut kanti dima kon pran bit jingonti kikau.