YAKOBUS 1:19 - ALLAH NIHYET MEM TUNGWATU NYA

¹⁹ He disut bat di dingon kieti jen, ma jiyok ngon kep dihyet bipia suar bikwop tungwagom-gom bipbur ba, nitingou dile noro nyohou yai sut nimbrapti. Ma ningon sibui sut tungwatu nya au.

YAKOBUS 1:19 ပူးပေါင်းရင်းမြစ်များ

NEHEMIA 8:18

Ibon pesta dima mem njap nitindur muhwindacan. Ezra kwop hanjop nsi gom leu Srat Nicukti dima ei yoho bei bikwop njap ngwa hagom. Ug ei njap gi nimuhwindaningai lene ibon midut gi ningwigsi gom bit leu nok Srat Nicukti dima nicuk yoti.

NEHEMIA 9:17

Iprinder bibor cem ibbwe ser mun di kei di ayai biyok hagom cem ingon prion ser mindur di abon mem yok cem. Iba ingon di jei bidimig tungwagom ei bita noni nok nibou di bie tut yok hanyen ug ei minu Mesir bingkwei nok awak. Noro Na di Allah ne nikos ser sisar cig kin noom ningon cig ri. Nani ne ningondut tungwatu nya cig kin ningon sibui sut yok haninyai bi cig cem ri. Ade ningon ngakeisi nindig bibor bibindei ba, akes yok ei bihigom bi sren.

NEHEMIA 9:3

Ezra kwop leu Srat Nicukti kikau mem jam nitindur ningai leu api yahagom ingig itingou mem nihyet. Lene yahagom ipai jit ide sisar kikau mem jam nitindur ningai bu. Gima ngwig lene ikuk yok bak tuhan di yoni ide Allah binggei sut Noni.

AYUB 32:16

Dibet dingon bidimbrap bi e? Yoni imbrap bu kan bi ba, igya igyati hak bimmou kep yam he.

NIPINGOK NINGONTI 10:19

Nuhuk nihyetti bindei ba, sisar ntun him. No di ningon ki moom kep nidweb a.

NIPINGOK NINGONTI 13:3

No di ningon sok kep nonti tut mun di tibim ei nuhui him cuon niyaisi noro mun di buhun micut igkep no di mbrap ariwace.

NIPINGOK NINGONTI 14:17

Yo di ingon cun nya igyai ibou tut mun ugwai-gwai noro yo di ingon ki nya yoom ingona.

NIPINGOK NINGONTI 14:29

Yo di ingon ki nya igga haninyai bi noro yo di ingkek ndok nya yoom ingon kan bi.

NIPINGOK NINGONTI 15:18

Nigga haninyaisi bindei ba, niwaisi yamti ntun him noro noom ningonti bindei ba, ningon kwes kin yamti ntun him.

NIPINGOK NINGONTI 15:2

No di ningon ki nihyet bindei ba, yo di hiter ijoi sut nintin kimboti noro yo di ingon mbum nya ighyet nok bu tan.

NIPINGOK NINGONTI 16:32

Noom ningonti kei bibor dor njiriek ninyeng jeisi. Gino aom kep angut kanti nya ne gima kei dor njiriek ninyeng tak kep minu ndigsi nya.

NIPINGOK NINGONTI 17:14

Nikinyon ei niliriem yamti rinok minyei di sindi diem ei hajung jou. Suar adat kep ser nidiemti dima nipou tirigi minyei biam sindem bigyo.

NIPINGOK NINGONTI 17:27

No di ningon nddong niji nggan bi. Yo di ingon ki nya yoom ingon kan.

NIPINGOK NINGONTI 18:13

Amiap kep tungwagom nihyet nipou tirigi abuhup bigyo. Gi bi lene angkek ndok ba, ahyet tigut no dima.

NIPINGOK NINGONTI 18:21

Idweb sindem mem gima nyohou ide niyaijoti lene, bindei ide niyaijoti kinei cem. Suar tungwatu nya ibiang ipai munti nya nibuhunti.

NIPINGOK NINGONTI 19:11

Yo di ingon ki nya yoom ingon kan. Gino hiter yai mun tunggwei sut yok lene yoni iba igyai ngat he leu api tungwatu inggei sut yok.

NIPINGOK NINGONTI 19:19

Ma asindui sut no di gga-gga wai ba, biang nide niyai munti nibuhunti. Gino aya hacan mem noni ne nigga-gga waisi bikum eisi.

NIPINGOK NINGONTI 21:23

Gino abrim angkek ba, ambres nanti leu mun di srou tungwatu nya lene ma akibou bei mbrai au.

NIPINGOK NINGONTI 25:28

Gino bit bon aom kep ade nigga-gga waisi kan bi lene gima noyam kin ngug tig di bikrop ttai minu ndig gom di lus tu.

NIPINGOK NINGONTI 29:20

Krop kei mem no di ningon mbum yai ningon kiti leu gima no di mbrap nipou tirigi noni kan-kan nyen tut nimbrapti dima bigyo.

MBEN ISRAEL IMBUT-MBUT NYEN 22:27

Tirigi keledai ngat malaikati dima mbigom bu lene noni kou bibong hak ei dihyeisi. Lene Bileam gga nindig bibor biba nide tom bibui keledai sindem bibor.

MATIUS 5:22

Noro tini bu ne Da dipai bije bipia no di ningon sibui sut hiter miya ei nikei noho bei. No di pai hiter kinei miya ei Nikei Puig Yahudi nya yoho bei. No di pai bak hiter ‘Arom ndok!’ dima ningwes ngun leu hum njengti bi.

MARKUS 12:37

Gino Daud jem Nibou Ndig di teu tungwatu nya biyai niyaijo nijep biyok ninyeng Tuhan lene notou Nibou Ndig di teu tungwatu nya biyai niyaijo nijep biyok ntun Daud him i?” Mpe dima lene tungwatu ningot ndig di idem yam ei Tuhan De Ig ijoi sut Yesus ningginausi nya.

MARKUS 2:2

Gima rino tungwatu ningot ndig induk yam kwei bingwig ei ig bei ba, bit bon bihi kin bu icoi bingat Noni kan bi. Ba, nindigsi nya inggreu ser dimbou hui leu api Yesus tri nihyet biyok.

LUKAS 15:1

Mpe di gom bu yo di igya tindei belasten bigyem tungwatu nya imuhup kin yo di ikinei-kinau nindigsi nya ikwei bingig itingou mem Yesus nihyet.

LUKAS 19:48

Noro bon nituti mem igyai nimai biNoni bi lewo tungwatu nya yahagom ingig itingou mem nihyet ba, ijoi sut ningginau yokti nya.

KISAH 1:15

Njap poi ser lene yo di ingon jo kep nya ibou sratus gom ningot can idem yam lene Petrus kiju bitri tut nihyet. Noni pai biyok,

KISAH 10:33

Gima rino disok dihyet haninyai hwou ndam na di Andigpoi a. Jo nibreisi bipia angon nggriu sut nye jit-jau lewo akwei su. Nogindia nahagom ninduk yam kwei ei Allah niyai him biningon ya mem nihyet di Allah mipai tug hon na di Andigpoi ahui him.”

KISAH 13:48

Tirigi ngkiai nya imiap nihyet dima rino ingon llei bibor binggei sut Tuhan nihyet. Ba, bikwop yo di Allah dimig yok ei mem igyai niyaijo nijep yahagom ingon jo kep Yesus.

KISAH 17:11

Timiei minu ndig Berea nya igyok ingon mem Paulus nihyet dor njiriek timiei minu ndig Tesalonika. Ingig itingou mem nihyet tut Yesus lene ikieng leu Allah nihyet ba, iba srat bokti dima binai nihyet di Paulus tri tut biyok bikwop njap-njap.

KISAH 2:42

Ba, iba ingon gom bipikor tut yo di igya kui Yesus ighyet kikau bigyem njita ba, ingat nadi bit yam cem.

EFESUS 4:26

Gino jingon sibui sut tungwagom lene ma jisindui sut jide ningon sibuisi dima bindei bijicut ug ei sisarti au. Ma jikes hon ba, jingon sibui kikau ug bipek mmun kep au.

EFESUS 4:31

Ma jikes hon ba, jingon koi kep yam bijingon sibui sut yam au. Lene ma jigga yam ba, jiliriem yam bijipai yam nghapti ba, jipu juhui tut yam cem bu au.

KOLOSE 3:15

Ma ningon di jo nyahanti di ntun Kristus him bie tut jide nikos tutti nya. Lewo Allah mbus je ba, jibicim tindei yam nok ningut gom leu binhyepo ningon di jo nyahanti di ntun Kristus him dima yai jingonti bidut nihim. Lene ma jipai sigyo bak Allah.

KOLOSE 3:8

Noro tini bu lene ma jicom mun di suwok dima yok hagom ei ting leu je. Ma jingon sibui sut yam cem jigga yam cem jiwok yam cem bu au. Ma jipu juhui tut yam bijipai nimmai joti biyam bu au.

TESALONIKA GI NIGOM 2:13

Mun nyeng gom kin bu di bindei dino nijem sigyo bak Allah rinok gini. Tirigi nitri tut Nihyet Di Kei leu Allah bije lene jimiap ba, jice tut nihyet dima tereu nok mun di tibim leu tungwatu nya yuhui him bi noro nok mun di nijit-jau di kwei leu Allah Nonti. Noni yai midyai ei je di jingon jo kep Kristus jingonti.

YAKOBUS 1:16

Disut bat di dingon kieti jen, ma jisindui sut ba, hi ris je au.

YAKOBUS 1:2

Disut bat jen, gino mun di buhun di ter leu yam hi gom hi gom cut igkep je lene ma jingon llei sut,

YAKOBUS 1:26

Gino hi kan bipia noni bit Allah ningon kanti lo, om kep nidweb bi lene no dima ris nonti ba, nikuk no bak Allahti bon ninyeng bi.

YAKOBUS 2:1

Disut bat je di jingon jo kep Tuhan Yesus Kristus di Tuhan Di Kei-kau e, ma jimig mbus tungwatu nya tereu nok hi kei hi kinei bit leu nok ingat di jingat bou jiyai him au.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.

YAKOBUS 3:10

Nipai sigyoti kin nisigion tungwatu nyati hacem tibim kwei leu yuhui him gom ngat ndia! Disut bat jen, gima kei bi!

YAKOBUS 4:11

He disut bat jen, ma jipai yam kinei ba, jibon jenti nok nikei mem hiter au. Tungwa tou rino pai nisut no di Kresten hi kinei bigwam nok nikei mem noni ningon mui lewo gima tereu nok noni gwam nok nikei mem Allah niggai serti. Gino agwam nok nikei mem Allah niggai serti lene gima dem kep nok agibit niggai serti dima bi noro agwam nok nikei mem.

YAKOBUS 5:12

He disut bat jen, ma jiba gwamti kin dihyeisi dini kin mun nyeng hi kin bu beheng au. Gini ne nicukti di ya bibie mem nindigsi nya ri. Gino jice lene ma jipai “I!” hak. Gino jisrep lene ma jipai “Bi!” hak. Tug hon nisinati dima ne Allah mikes hukum ei je dip bi.

YAKOBUS 5:19

He disut bat jen, gino tungwagom ngkwei hanyen leu puig di nijit lene hiter brim noni kwei ei puig di nijitti hanyen,

YOHANES GI NIGOM 2:21

Gima rino dipas kep srat dini bije drek dip jide ningon di mbum tut nihyet di nijitti bi. Noro dipas kep srat dini bije lewo jingon dorti tut nihyet di nijit. Ba, jikan tut bipia niris srig nihyet di nijitti bi.