YAKOBUS 1:12 - ALLAH NIHYET MEM TUNGWATU NYA

¹² Tungwa tou rino ningon nddong mpe dino mun di buhun cut igkep noni ne no dima ningon nggei-hi-nggei. Lewo niabiati noni ba ningon di cut leu bi buug bipek nipekti leu api noni miyai niyaijo nijep di jo kikau di Allah preu ei mem yo di ingon ngakei Noni.

YAKOBUS 1:12 ပူးပေါင်းရင်းမြစ်များ

NITRITI 22:1

Mpe hi bu lene Allah bingon Abraham ningon gomti bihig noni “Abraham e?” Lene Abraham miap bipai “We? Da rini!”

NEHEMIA 1:5

bidipai “tuhan Allah di anyeng jei ei gwamti e, anyeng di jei bibor bindei ba, nittin tut Na tirigi nikuk nye ei Aho bei. Angon gom cem ayai hagom bit leu nok apreu ei mem yo di ingon ngakei Nani bibit ahyet cem.

AYUB 2:10

Noro Ayub buhup “Mbenjen! Ambrap nok mibbwe mbrapti! Mpe di Allah njei mun di kei bak sani lene siyai leu Noni lo, mpe di Noni yai mun di buhun bisa lene sikou sut e?” Mbro nok gino mun di buhun bibor cut igkep Ayub tu lo, nihyet wer mpiahi tut Allah bi sren.

AYUB 5:17

Gino Allah sok kep na lene ma angon nggei-hi-nggei! Gino Noni hwen bit angonti lene ma awok tut au.

MAZMUR 11:5

tuhan gwam nok nikei mem yo di isingat kin yo di isibut yahagom lene ningon mpo tut yo di iba yoho rok nitin ei nimbukti.

MAZMUR 119:67

Nipou tirigi attem da bigyo lene dipigau Ada nipingok dati nya lo, tini bu ne dikrau kep Ade nicukti nya.

MAZMUR 119:71

Ade nittem dati kei bibor ba, bindei bidikan tut Ade nimbrap tutti nya.

MAZMUR 119:75

tuhan e, dikan tut bipia Ade nikos tutti sren-srau kei. Attem da drek dip angon di gom.

MAZMUR 5:11

Allah e, akes hukum ei yok dip. Abindei ba, itug midut drek dip yonti ingon kanti di itin ei nya. Ide sisar nindig bibor. Gima rino ajji yok hak ug lewo ikiek imig jou tut Na.

MAZMUR 94:12

tuhan e, yo di angginau yok tut Ade niggai serti nya ingon llei bibor.

NEHEI LEUSI 20:6

Noro midingon ngakei yo di ingon ngakei Da bibit dihyet yahagom kikau ug bipek ide nintun him yamti di bram yam nya ibou sribu-ribu bram yam.

NIPINGOK NINGONTI 17:3

Tukan nya iba hum bibingon mas kin perak nitu noro tuhan binai sut tungwatu nya ingonti.

YESAYA 64:4

Ter leu Nani lene tungwatu nya ingat kwar di yai nibou tut yo di iba ingon com noni noyam kin Nani bou igyai him ba, imiap ninghapti cem bi sren.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

MATIUS 10:22

Ba, tungwatu nya yahagom ingon mpo tut je drek dip gi jiya kui Da. Noro Allah miteu no di ya ngkiem kikau ug bipek ningwig honti ba, ningwes ngun.

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

LUKAS 6:22

Mpe dino tungwatu nya ingon sibui sut je cem ingon mpo tut je cem ikucang je cem ikkin kep jinghapti cem drek dip Da di Munggwom Tungwatu Nipmot lene ma jingon nggei-hi-nggei!

ROMA 5:4

Ide niba nibou coi mem mun nyeng hagomti biyai ingon nddong drek dip mun di bingon nye bibindei ba, igyok ingon mem ba,

ROMA 8:28

Ikan tut bipia gino tungwatu nya ingon ngakei Allah di hig yok bit leu ningon kanti ne Noni nyohou dimig mun nyeng hagom di pek kep mem yok bibie tut yok.

KORINTUS GI NIGOM 2:9

Noro bit leu nok gi ipas ei Allah nihyetti, “Mun di jo nding leu tungwatu nya igyai him cem tibim ei itingou nsi cem coi ug ei ibou ngwakti cem bi sren dima ne mun di Allah tin ei pijum mem yo di ingon ngakei Noni ri.”

KORINTUS GI NIGOM 8:3

Noro Allah kan bidem tut no di ningon ngakei Noni jit-jit.

KORINTUS GI NIGOM 9:25

Bikwop no di coi bit nibeheu yamti om ningon leu mun nyeng hagom leu binhyepo tug ndei topi mitou di mipror yon hanyen. Noro nyeni yoom ingon leu binhyepo itug ndei topi mitou di mipror yon hanyen kan bi.

NINDAT KEP TUHAN NICUKTI NYA 13:3

ma jingig jitingou mem nihyet au. Lewo tuhan di nok jide Allah ba no dima bibingon je leu binhyepo Noni mikan tut bipia jiba jingon titut bingon ngakei Noni e, he bi e.

NINDAT KEP TUHAN NICUKTI NYA 7:9

Ma jiyok ngon kep bipia tuhan di nok jide Allah Nongkom nok Allah gom ngat ba, ningon gom. Noni miyai igbit mun di Noni preu ei su bindo tut ningon ngakei di nggek jei bi bak yo di ingon ngakei Noni ba, ibit Nide nicukti nya kikau bidem ibou sribu-ribu di intun yam him di bram yam nya.

NINDAT KEP TUHAN NICUKTI NYA 8:2

Ma jiyok ngon kep notou tuhan di nok jide Allah bie tut je kak jimbutti di jei bibor mem ari bingwam nyatungwacan gi pini jug tu. Noni ba mun di buhun bibor bibingon je leu binhyepo kan tut jingon kanti nya bikan tut gino jibit nicuk jeti nya cem.

2 TIMOTIUS GI NICAN 2:15

Ma abrim angkek nok mungkun kei leu binhyepo Allah joi sut nani bitut ade midyai nya cem leu api ammai sut bi. Noro aba nisinati di mungkun kei bitri tut Allah nihyet di nijit.

2 TIMOTIUS GI NICAN 4:8

Nogindini Allah tin ei munkwas hi mem da lewo didor bipek nipekti tu. Tuhan Yesus Kristus di nok Nikei di ningon sren miyai munkwas dima bida ei Njap Ningwig Honti lewo diba dingon di kwes kin Allah biyai ditde niyai munti nya. Noni tin ei munkwas dima mem dangkom he bi noro mem yo di icem kep puig ser nikwei hanyenti nya yahagom.

IBRANI 10:32

Ma jiyok ngon kep bipia tirigi Allah ninjeng piga digai jingonti leu api tungwatu nya igyai ninghuisi wei bije noro jibrim jingkek kikau ba, jicut bi ug e.

IBRANI 11:17

Niba ningon comti bindei ba, Abraham ba nipmot bibon midut nindig mindhe titut ei humti tirigi Allah bingon ningonti. Mbro nok gino Allah preu ei mem Abraham tut yo di intun noni him tu lo, Abraham ce tut ba nipmot gom ngat bibon midut nindig noni kep humti.

IBRANI 12:5

Jingon prion ser Allah nihyet di biwin kep jingonti tu e? Nihyet dima pingok je di jinok nipmot bat nya “He dipmot na e, ma ayok ngon kep mun di Allah sok kep na. Mpe dino Noni sok kep na lene ma angon nghen leu au.

IBRANI 6:15

Abraham ba nibou coi bibet ningon. Gima rino noni yai mun di Allah preu ei mem noni.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.

YAKOBUS 5:11

Ipai sut yok bipia ingon nggei-hi-nggei lewo ingon jo nyahan tut yo di ihwen bit yok. Jikan tut Ayub di ningon jo nyahan leu api Allah njei mun di kei bak noni drek dip ug e. Lewo Allah ngondut nye nindig bibor bisingat tut nye di tungwatu.

PETRUS GI NIGOM 3:14

Gino jiyai ninghuisi wei drek dip jiyai munti di kei nya ne ningon nggei-hi-nggei mintun him! Ma jingon digit tut tungwatu nya lene ma jingon bos-bos nyen au.

PETRUS GI NIGOM 4:13

Tirigi jiyai ninghuisi wei bit Kristus lene ma jingon llei sut. Mpe dino Kristus de nikei-kau-keisi ttau bijo brei ei jiyai him ne jingon llei bibor.

PETRUS GI NIGOM 4:14

Gino hi pai je kinei drek dip gi jibit Kristus lene ma jingon nggei-hi-nggei lewo jikan tut bipia Allah Ninnei di kei-kau-kei ningat rin ei jingonti drek dip.

PETRUS GI NIGOM 5:10

Noro niabiati jiyai ninghuisi wei di jo jei bi leu su lene Allah di singat tut je mipindi je hanyen bu. Noni miyai jingon nddong cem misindem tut je cem mibindei bijiba jingon com Noni kikau cem. Lewo Noni dimig je leu binhyepo jipriet kin Nide nikei-kau-keisi drek dip gi jinok gom kin Kristus.

PETRUS GI NIGOM 5:4

Ba, mpe dino Gembala Di Ninyeng Jei ttau hanyen kwei lene Noni mikes munkwas di kei-kau di bit bon pimber hanyen kan bi ei jibou nggram him dip.

YOHANES GI NIGOM 4:19

Ingon ngakei yam lewo Allah ningon ngakei nye bibie.

NINGAT-HI-NGAT NYA 2:10

Ma jittin tut ninghuisi wei di jei bi mijiyai au. Jimiap e, Bilis bingon je bibindei ba, tungwatu nya mikat je bijisima ei ig bui nsi leu api jiyai ninghuisi wei kikau ug ei njap simnai. Mbro nok gino ibindei bijimai lo, suar jingon gom tut Da leu api midiyai niyaijo nijep di jo kikau nok munkwas bije drek dip jide nibindei cut yokti.

NINGAT-HI-NGAT NYA 3:19

Disok kep yo di dingon ngakei yok ngkiem ba, dittem yok cem. Gima rino suar jibrim jingkek bijittin ser jide sisar lene jikiek ndam Allah.

NINGAT-HI-NGAT NYA 3:21

Midisindui sut yo di ibindei cut sisar nisindemti bigwam kui Da ei Ditde banggo mbrei bit leu nok Dani cem dibindei cut sisar nisindemti ba, nogindini digwam kui Dicig ei Nide banggo mbrei.