YAKOBUS 1:1 - ALLAH NIHYET MEM TUNGWATU NYA

¹ Srat dini leu da di Yakobus. Dani ne awak mem Allah kin Tuhan Yesus Kristus ri. Ba, srat dini mem Allah de limwa nya di intek gimahap ug ei dihyei nisurti-nipekti hagom. Dipigo jahagom.

YAKOBUS 1:1 ပူးပေါင်းရင်းမြစ်များ

NIBOU NDIG NYA GI NIGOM 18:31

Noni bei tig nindig nindak simnaibrimigcan. Tig nindak gom mem bibikwop Yakub po tuhan jem ninyeng Israel pima nipmot bat nya lene nok.

EZRA 6:17

Njap ndig dima ne ibon midut ba, indig sapi nikre ningut sratus gom kin domba nikre ningut sratus can kin domba mien ningut sratus bitai kep hum ei nimbar hum dokti. Lene iba kambir ningut simnaibrimigcan bon midut nibiyai nikos ser sisarti nok gi dem mem mben Israel ide keret simnaibrimigcan.

ESTER 3:8

Leu api Haman pai bak nibou ndig “Na Di Anyeng Jei e, mben gom di titer leu mben nindigsi nya ibong timiei srig nyeti bidem hanjop nsi hagom ei ade ninyeng tak kepti dini. Igyai kepti nya cem titer leu ade limwa nya igyai kepti nya. Gima he bi lewo yo dini ibit niggai ser tungwatu nyati di tibim bidem anyeng tak kepti dini bi. Gima rino Na Di Anyeng Jei e, ma acigit yo di ibon mun bit leu ingon kanti dima au.

NEHEI LEUSI 24:4

Lene Musa pas kep Tuhan De nicuk noti nya hagom. Njap di hyep bu mem ha yausi lene noni dingug tig nibiyok ngon kep nindak simnaibrimigcan ei nok nimbar hum dok ei nungug dima nikiou. Bikwop tig dima hagom ndo tut mben Israel ide keret gom gom.

NEHEI LEUSI 28:21

Lene akilis bibikwop Yakub nipmot bat nya inyeng hagom ei tig permata pima dip ba, gom ei tig gom lene gom ei tig gom lene nok leu binhyepo abiyok ngon kep mben Israel ide keret nya.

NEHEI LEUSI 39:14

Lene ikilis bibikwop Yakub nipmot bat nya ibou simnaibrimigcan inyeng ei tig permata pima dip ba, gom ei tig gom lene gom ei tig gom lene nok leu binhyepo ibiyok ngon kep mben Israel ide keret nya.

YEHEZKIEL 12:15

Mpe dino dibindei bintek gimahap ug ei ngkiai nya ikieti lene yoni mikan tut bipia Dani ne tuhan ri.

IMAM NYA IDE MIDYAI 26:33

Midibindei kiju pran ei jide minu ba, dibindei bijintek gimahap ug ei jingkiaisi. Bohou micom jide dihyei nisurti-nipekti lene jide minu ndig di timek bingwig nya mijo hak nijoti nya.

MATIUS 10:3

bitut Filipus kin Bartolomeus kin Tomas kin Matius di nipou ya tindei belasten kin Yakobus di Alfeus nipmot kin Tadeus,

MATIUS 13:55

Noni ne tukan biei nipmot rin bi e? Nipmem ninyeng Maria ba, nikinjoi bat nya Yakobus kin Yusuf kin Simon kin Yudas nya bi e?

MATIUS 19:28

Yesus pai biyok “Ma jiyok ngon kep bipia tirigi Munggwom Tungwatu Nipmot gwam ei Nide banggo mbrei di kei-kau-keiti ei Dihyei Di Nijepti bu lene je di jiya kui Da jibou simnaibrimigcan cem mijigwam ei jide banggo mbrei dip leu api mijinyeng tak kep mben Israel ide keret simnaibrimigcan.

MARKUS 3:18

kin Andreas kin Filipus kin Bartolomeus kin Matius kin Tomas kin Yakobus di Alfeus nipmot kin Tadeus kin Simon di nggre kin nimpung Nasionalisasi.

LUKAS 22:30

Jigwam kui Ditde meja bijiyem njita ba, jidut ndia ngei bit Da mpe dino diyai dinyeng Nibou Ndig. Mpe dima lene jigwam ei jide banggo ningat simnaibrimigcan dip leu binhyepo jinyeng tak kep mben Israel ide keret simnaibrimigcan.”

LUKAS 6:15

Matius kin Tomas. Yakobus di nicig ninyeng Alfeus kin Simon (di nggre kin nimpung Nasionalisasi).

YOHANES 12:26

No di joi sut jem niceu bit Da lene suar noni bit Da leu binhyepo Ditde awak nya ingat rin bit Da ei mpia di dingat rin eisi. Ba, Dicig mikon Ditde awak nya inyenga.”

YOHANES 7:35

Lene nibou mben Yahudi nya ihig yam ser “Noni tin ei mem gima mbut ug ei siritou apino ingat Noni bu bi i? Mpaba Noni muug bong bit mben Yahudi di ibong ei mben Yunani ikieti bingginau mben Yunani ei itimieisi e?

KISAH 1:13

Tirigi ikwei krau minu ndig Yerusalem hanyen tu lene icoi ug ei ig bei di ibong ser ba, ikui bidem yam ei ninsi di jo anai. Petrus kin Yohanes kin Yakobus kin Andreas kin Filipus kin Tomas kin Bartolomeus kin Matius kin Yakobus di Alfeus nipmot kin Simon Patriot kin Yudas di Yakobus nipmot ingat rin ba,

KISAH 12:17

Petrus kimut ninda kep yok ser nhyema imbrap au. Leu api noni pui sut notou Allah buwak noni biningwes ngun leu ig bui nsi. Lene pai biyok “Ma jipui sut mun dini bak Yakobus kin yo di ingon jo kep nindigsi nya cem.” Pai nok leu lene noni kes yok ei buug ei minu ttou nsi hi bu leu yok.

KISAH 15:13

Niabiati ikes ighyet hon leu api Yakobus pai biyok “Disut bat jen, ma jintu kep dihyet dini!

KISAH 15:21

Lewo nibou nya ikwop kep Puig Yahudi nicukti ei jide ig mbusyamei hagom bikwop Njap Nigwam Kep Ninghuisi leu nipou kikau kwei bipek ammani kep bitri tut nihyet dima nggi minu cem.”

KISAH 15:23

Nibou nya igyai srat gom biyok mem ipwoi biyuug sut. Ba, nipas kepti pai, “Srat dini mem nikinjoi bat di ngkiai nya ei minu ndig Antiokhia kin Siria kin Kilikia jahagom. Nye di niya kui Yesus kin nye di nibou mbusyamei nya di ninok jikindig bat nya nipigo je.

KISAH 2:5

Mpe dima lene ngkiai di itti kin puig Yahudi cem imang bibor induk yam kwei leu dihyei nisurti-nipekti ba, yahagom ingat rin ei minu ndig Yerusalem.

KISAH 21:18

Njap di hyep bu lene nehei sut Paulus ba, nuug cem Yakobus. Nibou mbusyamei nindigsi nya cem yahagom ingat rin ei nide ig bei.

KISAH 23:26

“Srat dini leu da di Klaudius Lisias. Mem nibou Feliks di ninyeng jei. Acem!

KISAH 26:7

Nyende pung di nintun him ibou simnaibrimigcan ikuk yok bak Allah bikwop mmun-njap ba, igyok ingon mem mun di Noni preu ei mem yok. Na di Andigpoi e, mben Yahudi ipai da kinei drek dip mun di Allah preu ei mem nye.

KISAH 8:1

Ba, Saulus cem ningon kei sut Stefanus nimaisi. Ei njap gom ndia lene tungwatu nya sindi ihwen bit yo di inggre kin mbusyamei ei minu ndig Yerusalem nindig bibor. Gima rino yo di ingon jo kep nya inang bintek gimahap bidem hanjop Yudea kin Samaria noro yo di igya kui Yesus igwam nyahan bintek gimahap bi.

ROMA 1:1

Srat dini mem yo di mbusyamei ei minu ndig Roma. Allah ningon ngakei je ba, hig je mem gima jinok Nide limwa nya. No di pas srat dini ne da di Paulus rin bidinok awak mem Kristus Yesus lene di ya kui Noni. Allah dimig da leu api ta da mem gima ditri tut Nihyet Di Kei di kwei leu Noni.

GALATIA 1:19

Dingat yo di igya kui Yesus nindigsi nya bou diyai him bi lo, Yakobus di Yesus nikinjoi nongkom he.

GALATIA 2:12

Leu nipou ne noni yem njita bit ngkiai di ingon jo kep nya noro mpe dino yo di Yakobus cuk yok kwei ikwei krau lene Petrus mbres nonti leu yo di ingon jo kep dima yok leu api yem njita bit yok bu bi. Lewo noni digit tut yo di iwit huk ngkiai nya tut gima igyai midut sunat.

GALATIA 2:9

Jo nibreisi mem Yakobus kin Petrus kin Yohanes bipia Allah ndo midyai di bon ninyeng dini bida. Gima rino ibou ningai dini di tereu nok ninyohou mbusyamei cig iba inda com bikrau Barnabas nyeni ninda nok bindo bipia ninjei bit yam. Nahagom nice tut yam hyet bipai bipia nyeni niyai midyai ei ngkiai nya ikieti lene yoni igyai midyai ei mben Yahudi ikieti.

NINDAT KEP TUHAN NICUKTI NYA 28:64

tuhan mibindei ntek gimahap je ug ei ngkiai nya ikieti ei dihyei nisurti-nipekti. Ei sirima lene mijikuk je bak nung nya di iba biei kin tig bibon. Kwar dima ne gi hi di jigikan tut bi rin ba, jidigup bat-jidigai bat nya cem igikan tut bi.

NINDAT KEP TUHAN NICUKTI NYA 30:3

tuhan di nok jide Allah mingondut je. Noni minduk je hanyen kwei leu jingkiaisi di Noni com je eisi leu api mibindei ba, jibong kei jigwam kei hanyen.

NINDAT KEP TUHAN NICUKTI NYA 32:26

Dibungwam mem gima dihwen yahagom bimai bingwig ser nhyema hiter igyok ngon kep yok bu bi.

NINDAT KEP TUHAN NICUKTI NYA 4:27

Noni mibindei ntek je srig ngkiai nya ikieti leu api jibou poi he mijingwes ngun.

FILIPI 1:1

Srat dini leu da di Paulus kin Timotius ba, nyeni ne Kristus Yesus De awak nya ri. Srat dini mem Allah De limwa nya di inok gom kin Kristus Yesus ei minu ndig Filipi bitut nibou mbusyamei nya kin yo di igya kui yok.

2 TIMOTIUS GI NICAN 4:21

Ma abrim amig ba, akwei ngat da nipou tirigi bed di biang hou ttau bigyo. Ebulus kin Pudes kin Linus kin Klaudia kin yo di ingon jo kep nindigsi nya yahagom ipigo na.

TITUS 1:1

Srat dini leu da di Paulus. Dinok awak mem Allah bidiyai dinyeng nok no di ya kui Yesus. Allah dimig da leu binhyepo dibiwin kep yo di Noni dimig ei su nya ide niba ningon com Kristusti. Dipingok ingonti leu binhyepo ingon dorti tut nihyet di nijit di bindei ba, igyai munti nya bit leu Allah ningon kanti mem yok.

PETRUS GI NIGOM 1:1

Srat dini leu da di Petrus di diya kui Yesus Kristus. Srat dini mem Allah de limwa nya di intek gimahap bibong bidem ingkiaisi ei hanjop Pontus kin Galatia kin Kapadokia kin Asia kin Bitinia.

PETRUS GI NICAN 1:1

Srat dini leu da di Petrus ba, dinok awak mem Yesus Kristus bidiya kui Noni cem. Srat dini mem je dino jiyai jide niba ningon comti noyam kin nyeni tug hon ide Yesus Kristus di ningon sren-srau. Noni ne Allah kin No di teu nye leu sisar biyai niyaijo nijep binye cem ri.

YUDAS 1:1

Srat dini leu Yudas. Dinok awak mem Yesus Kristus ba, dikindig rino Yakobus. Ba, srat dini mem je dino Icig Allah dimig je tu di jingon dorti tut Nide ningon ngakei jeti kin Yesus Kristus ninyohou jeti.

NINGAT-HI-NGAT NYA 7:4

Leu api dimiap tut bipia yo di igyai Allah de nitak buk ei ingwakti nya imangti ibou sribu sratus gom ningot bitai ba, bitai yahagom intun mben Israel ide keret simnaibrimigcan him.