TITUS 3:7 - ALLAH NIHYET MEM TUNGWATU NYA

⁷ Noni yai ingon di kwes kin Allah tug hon Nide nisingat tut nyeti leu api igyai niyaijo nijep di jo kikau di igyok ingon mem.

TITUS 3:7 ပူးပေါင်းရင်းမြစ်များ

ROMA 8:17

Gino nyeni ne nimunggwom bat nya rin ne imbun mun di kei di Noni bet ei mem nimunggwom bat nya. Ba, imbun mun di Allah bet ei mem Kristus cem lewo inok gom kin Noni. Leu gino ipriet kin Kristus ninghuisi wei ne ipriet kin Kristus nikei-kau-keisi nya cem.

ROMA 3:24

Noro Allah ba ningon di singat tut tungwatu nya mikuisi biyai ingon di kwes kin Noni hanyen tug hon Kristus Yesus di kwek yok leu sisar.

TITUS 2:11

Lewo Allah ndo nisingat tut tungwatu nyati leu binhyepo teu yahagom leu sisar biyai niyaijo nijep biyok.

KORINTUS GI NIGOM 6:11

Nipou ne jibou poi jibon mun tunggwei nok gima. Noro tini bu ne Tuhan Yesus Kristus kin nisindemti di kwei leu ide Allah Ninnei bindei ba, jiyai nipiap leu sisarti ba, Allah dimig je ei mem Nonti leu api jiyai ningon di kwes kin Allah hanyen tu.

TITUS 1:2

Ide niba ningon com Kristusti kin ide ningon dorti tut nihyetti ntun gi igyok ingon mem niyaijo nijep di jo kikausi di Allah preu ei mem nye habiei ei nimbie him. Ba, bit bon Noni ris binye kan bi.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.

GALATIA 2:16

ikan tut bipia tungwatu nya igyai ingon di kwes kin Allah tug hon gi ibit Puig Yahudi niggai serti bi noro tug hon ide niba ningon com Kristusti he. Gima rino nyeni cem ingon jo kep Yesus Kristus leu binhyepo ibiyai ingon di kwes kin Allah tug hon ide niba ningon com Noniti lene tug hon nibit Puig Yahudi niggai serti nya bi. Lewo bit bon hi yai ningon kwes kin Allah tug hon gi bit Puig Yahudi niggai serti kan bi.

ROMA 11:6

Allah dimig yok drek dip ningon di singat tut yok lo, drek dip igyai munti nya bi. Leu gino Noni dimig yok drek dip igyai munti nya lene ningon di singat tut yokti dima ne nijit rin bi.

GALATIA 3:29

Gino jijem jiceu bit Kristus ne jintun Abraham him bijiba je kep mun di Allah preu ei mem noni kin yo di intun noni him.

ROMA 4:16

Gima rino Allah nipreusi dima tug hon ide niba ningon com Noniti. Allah ba ningon di singat tut yok bibindei nipreu ei mem yo di intun Abraham himti dima ngkiem-kiau mem ngkiai nya he bi noro mem yo di iba ingon com Allah bit leu nok Abraham ba ningon com Noniti. Lewo Abraham nok ide pung di bitut innei mem yo di iba ingon com Allah intun him yahagom.

ROMA 3:28

Gima rino nirop ninda ndigsi pai bipia tungwatu nya igyai ingon kwes kin Allahti drek dip ide niba ningon com Yesus Kristusti lene drek dip gi ibit leu nok Puig Yahudi nicuk yokti nya bi.

PETRUS GI NIGOM 3:7

Nok gima cem je di pinai nya e, ma jiba jingon bisrip huk bipia jitnem bat nya ne pung di isindem bi nya ri. Ma jibibon yok nok gi igbit lewo jeni kin yoni mijiyai niyaijo nijep di jo kikau tug hon Allah nisingat tut jeti. Ma jibit dicukti dini leu binhyepo tirigi jingat nadi lene mun nyeng hi sigi ser jingonti bi.

IBRANI 11:9

Niba ningon comti bindei ba, noni bong ei ningkiaisi di Allah preu ei mem noni. Noni bong kep prak meng behei leu api Ishak kin Yakub cem ibong kep ide prak meng behei ba, iba yo kep nipreu eisi noyam kin Abraham.

IBRANI 11:7

Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

IBRANI 6:17

Allah joi sut bipia yo di Noni preu ei mem yok nya ikan tut bipia Noni miluei ningonti tut nipreu eisi dima hanyen bi. Gima rino Noni ba neheng bipreu ei mem yok.

GALATIA 4:7

Gima rino jinok awak bu bi. Noro jinok Allah nipmot bat nya. Allah miyai mun nyeng hagom di Noni tin ei mem nipmot bat nya bije drek dip gi jinok nipmot bat nya.

ROMA 4:4

No di yai midyai tug ndei nimuhup. Noni tug ndei nimuhup nok munkwas he bi noro drek dip nide nicom nahanggwap tutti.

TITUS 2:13

lewo igyok ingon mem Njap ninggei-hi-nggei nitausi. Nogindini imem kep ser Njap dima di igyok ingon mem. Mpe dima yo di dihyeisi dini hagom mingat Yesus Kristus nikei-kau-keisi bou igyai him mem Njap dima lewo Noni ne nyeni ide Allah di Ninyeng Jei kin Nibou Ndig di teu tungwatu nya leu sisar biyai niyaijo nijep biyok cem ri.

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

MARKUS 10:17

Tirigi Yesus sindi kiju bimbut nut lene tungwagom dor kwei bikuk no ei nimig him bihig ser Noni “Guru di kei e, dibon mun di notou leu binhyepo ditug ndei niyaijo nijep di jo kikau i?”

TESALONIKA GI NICAN 2:16

Handei kon ba, ide Tuhan Yesus Kristus Nonti kin Icig Allah di ningon ngakei nye ibindei ba, ibrim ingkek kikau bigyok ingon mem mun di kei bibor tug hon Ide nisingat tut nyeti.

IBRANI 1:14

Gi nok lene malaikati nya ingat rin mem mindei i? Yoni ne ninnei di inok awak mem Allah. Noni cuk yok leu binhyepo yahati tut tungwatu nya di igyai niteu leu sisarti kin niyaijo nijep.