TITUS 3:5 - ALLAH NIHYET MEM TUNGWATU NYA

⁵ Noni teu nye leu sisar biyai niyaijo nijep binye drek dip igyai munti di kei bibor nya bi. Noro drek dip Nide ningondut nyeti. Allah ba Nonti Ninnei de nisindemti bipiap nye ba, srek tut nye nok nijep bu cem apino igyai niteu leu sisarti kin niyaijo nijep.

TITUS 3:5 ပူးပေါင်းရင်းမြစ်များ

2 TIMOTIUS GI NICAN 1:9

Noni teu nye leu sisar biyai niyaijo nijep binye leu api hig nye leu binhyepo inok Nide limwa nya. Mun dini tug hon igyai munti nya bi noro tug hon Allah ningon kanti kin nisingat tut nyeti cem. Noni singat tut nye tug hon Kristus Yesus nipou tirigi Noni pai tes dihyeisi dini bigyo.

KORINTUS GI NIGOM 6:11

Nipou ne jibou poi jibon mun tunggwei nok gima. Noro tini bu ne Tuhan Yesus Kristus kin nisindemti di kwei leu ide Allah Ninnei bindei ba, jiyai nipiap leu sisarti ba, Allah dimig je ei mem Nonti leu api jiyai ningon di kwes kin Allah hanyen tu.

PETRUS GI NIGOM 3:21

Ba, minyei dima ndo tut nitur tungwatu ei minyeiti di biteu je leu sisar biyai niyaijo nijep bije tug hon Yesus Kristus nikiju hanyen leu nimai eisi ri. Nitur tungwatu ei minyeiti dima ne midut nipiap ningut leu map di kuisi rin bi noro mun di nyeni ibipreu ei mem Allah tug hon ingon mien di kwes.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

ROMA 12:2

Ma jiyai bram mun di bon ninyeng mem tungwatu dihyeisi dini kin igyai kepti nya au. Noro ma jisindui sut ba, Allah bibon jenti njem nok nijep bu. Tug hon nisinati dima mijikan tut Allah ningon kanti di kei bibor di biyai Allah ningon llei bibor bikwes-kwau mem jenti.

EFESUS 2:4

Noro Allah De ningon ngakei tungwatu nyati di nindig bibor bindei ba, ningon nggriu sut nye bibor!

EFESUS 5:26

Noni kes niyaisi ei leu binhyepo ba Nihyet Di Kei kin ningginausi bibindei pwoi mbusyamei tug hon nitur yok ei minyeiti leu binhyepo bikes mbusyamei dima bak Allah,

MAZMUR 51:10

Asindui sut ba, nihyet di bindei di dingon llei bibor hanyen tibim kwei ei ditingou nsi. Lene mbro nok gino aco kep da tu lo, dingon minggan-triot kei hanyen bu.

ROMA 11:6

Allah dimig yok drek dip ningon di singat tut yok lo, drek dip igyai munti nya bi. Leu gino Noni dimig yok drek dip igyai munti nya lene ningon di singat tut yokti dima ne nijit rin bi.

IBRANI 4:16

Gima rino ma ibrim ingkek kep Allah ei Nide banggo mbrei lewo Noni singat tut nye. Noni ngondut nye bisingat tut nye cem leu binhyepo itug ndei nimpu nye dem igbit nikwesti.

KOLOSE 3:10

Nogondini ba niyaijo nijep bijuk je tu. Jeni ne tungwatu di nijep bu rin ba, Allah di pai tes mun nyeng hagom yai jide niyaijo nijep bije ba, pindi-pindi nyen je bijinok nijep bijidat Nonti nimbaiti bikwop mmun-njap leu binhyepo jingon bit Allah mungkun kei.

MAZMUR 86:15

Noro tuhan e, Nani ne Allah di angondut nye rin ba, angon ngakei nye. Aom angon tut nye ba, angon nggriu sut nye cem ba, angon gom.

GALATIA 2:16

ikan tut bipia tungwatu nya igyai ingon di kwes kin Allah tug hon gi ibit Puig Yahudi niggai serti bi noro tug hon ide niba ningon com Kristusti he. Gima rino nyeni cem ingon jo kep Yesus Kristus leu binhyepo ibiyai ingon di kwes kin Allah tug hon ide niba ningon com Noniti lene tug hon nibit Puig Yahudi niggai serti nya bi. Lewo bit bon hi yai ningon kwes kin Allah tug hon gi bit Puig Yahudi niggai serti kan bi.

ROMA 3:20

Lewo bit bon tungwa hi yai ningon kwes kin Allahti drek dip nibon munti di bit leu nok Puig Yahudi nicuk noti kan bi. Noro nicukti dima ndo brei bak tungwatu nya bipia yahagom ibon sisar.

PETRUS GI NIGOM 2:10

Nipou ne jeni cem Allah de limwa nya rin bi. Noro tini bu ne jeni cem Nide limwa nya ri. Nipou ne jingon mbum tut Allah nisingat tut jeti noro tini bu ne jiyai Nide nisingat tut jeti ei jingonti tu.

EFESUS 4:23

Ma jisindui sut ba, Allah bindei jenti njem titut nijep bu.

ROMA 3:28

Gima rino nirop ninda ndigsi pai bipia tungwatu nya igyai ingon kwes kin Allahti drek dip ide niba ningon com Yesus Kristusti lene drek dip gi ibit leu nok Puig Yahudi nicuk yokti nya bi.

ROMA 9:11

Nipou tirigi Ribka srek tut nipmot bat cin di munggwom nggre dima bigyo lene Allah ndo igbit nikos tutti mem nidipti bu bak noni. Nikos tutti dima ntun yo cin dima igyai munti nya him bi noro ntun Allah Nonti nidimig igomti leu munggwom nggre cin dima. Lewo nipou tirigi Ribka nipmot bat cin di munggwom nggre dima ibon mun di kei e, he mun di kinei e, bigyo

LUKAS 1:78

Ide Tuhan ningon nggriu ba, Ningondut Kep Nye Cig di tau kwei noyam kin mpia nipriti mem njap bigyoti biteu nye leu sisar biyai niyaijo nijep binye.

LUKAS 1:54

Noni mpu Nide awak di mben Israel bit leu nok gi Noni preu ei mem idigup bat-idigai bat nya.

LUKAS 1:50

Nintun himti di bram yam kikau kwei bipek ammani kep ne Allah ningon nggriu sut yo di idigit tut Noni.

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

MAZMUR 143:2

Ma ambus Ade awak di dani dingonti au. Lewo hi di ningon ngun ei ayai him bi.

MAZMUR 130:7

Je di mben Israel e, ma jiba jingon com tuhan lewo ningon ngakei nyeti ug hon nohonti bi sren ba, Noni tin ei mem gima teu nye leu sisar cem.

AYUB 25:4

Tungwa hi kei-kau ei Allah niyai him e? Hi ningon kwes-kwau ei Noho bei e?

TITUS 3:4

Noro Allah di nok Nibou Ndig teu nye leu sisar biyai niyaijo nijep binye lene ndo nisingat tut tungwatu nyati kin ningon ngakei yokti brei binye.

ROMA 9:30

Nirop ninda ndigsi pai mindei binye i? Ngkiai nya inggok puig mem gima igyai ingon di kwes kin Allah hanyen bi. Noro Allah yai ingon di kwes kin Noni hanyen tug hon ide niba ningon com Noti.

ROMA 9:16

Gima rino Allah nikos tutti tug hon tungwatu nya ingon kanti kin igyai munti nya bi noro tug hon Allah ningon di nggriu sut yo di Noni dimig ei su nya.

ROMA 4:5

Noro ma nyeni iba ingon srip huk bipia no di ba ningon com Allah noro ba ningon com niyai munti nya bi. Allah kwop kep no dima niba ningon comti lene ba ningon di ngun biluei ningon di mui hanyen. Tug hon nisinati dima ne Allah biyai no dima ningon kwes kin Noni hanyen.

LUKAS 1:72

ningon nggriu sut idigup bat-idigai bat nya lene biyok ngon kep Nide nipreu ei mem yokti di kwes-kwau.

YESAYA 57:12

Jikan bipia jide nibon munti nya hagom igbit noro midindo jiyai munti di kinei dima brei bak tungwatu nya. Mpe dima lene bit bon jide kwar nya impu je kan bi.

IBRANI 6:6

Igyai gima yok hagom tu noro ingkwei hanyen bihigom! Bit bon ibrim yo dima leu binhyepo ittin ser ide sisar bikiek ndam Allah hanyen kan bi. Lewo ipek Allah Nipmot hanyen kin biei salib ba, ibicig Noni brei bou tungwatu nya igyai him.

MAZMUR 86:5

tuhan e, asingat kei ba, ajoi sut akos ser nyende sisar. Aba angon ngakeisi di ug hon nohonti bi bingon ngakei yo di ingat nadi biNa.

MAZMUR 62:12

Dimiap Allah nihyet di pai poi su bipia ninyeng tak kep nisindemti titut yam ba,

AYUB 15:14

Bon tungwa hi gitunggwei mun nyeng hi bi sren e? Bon hi pai sut nonti bipia ningon kwes kin Allah e?

AYUB 9:20

Mbro nok gino dingon ngun lo, Allah mipai kep da drek dip nihyet di jo duhui. Noni mikiek dihyet bibindei ba, dihyet pai kep danti.

NINDAT KEP TUHAN NICUKTI NYA 9:5

tuhan misindui sut jeni bijiyai ide minu bijiyati tug hon jide nikwes-kwausi kin gi jibit Nonti ningon kanti nya bi. Noni mihwen yok bingwig leu je drek dip ide nisibut biborti ba, Noni yai igbit mun po Noni preu ei mem jidigup bat-jidigai bat di Abraham kin Ishak kin Yakub nya cem.

YEHEZKIEL 36:25

Gima ngwig lene midiba minyei di pimbai kei biprok je leu binhyepo jingon pwoi leu jide kwar nya kin mun nindigsi di bindei ba, map kui je tu nya.

MATIUS 3:11

Ditur je ei minyeiti mem gima bindo bipia jitin ser jide sisar ba, jikiek ndam Allah tu. Noro No di ya abia kep da ma kwei mitur je ei Ninnei Gi Kwes kin humti. No dima ninyeng jei bibor dor njiriek da. Dani ne dem mem gima dikwek Nide srop ba, dittei bi.

ROMA 11:14

Mpaba dibiyai dide bat mben Yahudi ibou dut tug hon nisinati di bihi igyai niteu leu sisarti kin niyaijo nijep.

IBRANI 10:22

Gima rino jikwei ba, iba ingon di gom kin ingon di nddong kin ingon di kwes-kwau di mui bu bi kin nikek minyei di pimbai keiti bison dideu Allah.