TITUS 3:2 - ALLAH NIHYET MEM TUNGWATU NYA

² Ma asok kep yok ser nhyema yuhum tungwatu nya insi biliriem yok au. Noro ma isingat tut yok ba, ingon nggriu sut yahagom.

TITUS 3:2 ပူးပေါင်းရင်းမြစ်များ

EFESUS 4:31

Ma jikes hon ba, jingon koi kep yam bijingon sibui sut yam au. Lene ma jigga yam ba, jiliriem yam bijipai yam nghapti ba, jipu juhui tut yam cem bu au.

EFESUS 4:2

Ma joom jingon tut yam ba, jingon nggriu sut yam bijibet jingon mem yam. Ma jiba jibou coi mem yam lewo gini ne bindo di bindo tut jide ningon ngakei yamti ri.

TIMOTIUS GI NIGOM 3:3

Suar noni mbres nonti leu mun di pu tungwatu nya. Ma noni gga igkei au. Noro ma ningon jo nyahan. Ma noni ngat ningwes ei mitieiti au.

PETRUS GI NIGOM 3:10

Bit leu nok gi ipas ei Allah nihyetti “Tungwa tou rino joi sut ningon di llei bibor bibong kei gwam kei cem lene ma noni pijuk nidweb ser nhyema pai tungwatu nya kinei biris ei yokti au.

PETRUS GI NIGOM 3:8

Nirop ninda ndigsi rinok gini. Ma jahagom jice tut yam hyet kin jingon kanti cem gom. Ma jingondut yam tereu nok yo di itig mbier tut yam. Ma jingon nggriu sut yam bijiba jibou coi mem yam cem.

YAKOBUS 4:11

He disut bat jen, ma jipai yam kinei ba, jibon jenti nok nikei mem hiter au. Tungwa tou rino pai nisut no di Kresten hi kinei bigwam nok nikei mem noni ningon mui lewo gima tereu nok noni gwam nok nikei mem Allah niggai serti. Gino agwam nok nikei mem Allah niggai serti lene gima dem kep nok agibit niggai serti dima bi noro agwam nok nikei mem.

GALATIA 5:22

Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,

MATIUS 11:29

Ma jibit dicuk jeti nya bijingig jitingou mem dingginausi lewo dingon jo nyahan ba, dingon nggriu cem apino jingon minggan hanyen.

PETRUS GI NIGOM 2:1

Gima rino ma jicom sisar hagom leu je hak ug. Ma jiris yam cem jingon can cem jingon kinei sut yam cem jipai yam kinei cem bu au.

YAKOBUS 3:17

Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi.

GALATIA 6:10

Gima rino biken tiri bon nituti ne ma impu tungwatu yahagom lo, impu isut bat yo di iba ingon com Kristus nya nipou ug e.

SAMUEL GI NICAN 22:36

tuhan e, anyohou dani ba, ateu da bidingwes ngun. Aba Ade nisindemti bahati tut da cem abindei ba, Ade nibon munti dima bindei hei da bidinok no di sindem bibor dor njiriek nindigsi nya.

GALATIA 6:1

Disut bat jen, gino jigom ttau kep tungwagom tirigi sisar sindi srou noni lene ma je di jibit Allah Ninnei nibie tut jeti jiba jingon di nggriu bibrim no dima hanyen kwei ei puig di nijitti. Lene ma jingon sok kep jenti ser nhyema jisindui sut ba, sisar dima srou jeni au.

TIMOTIUS GI NIGOM 3:11

Nok gima cem suar itnem bat nya ingon kwes. Ma ipai kep tungwatu nya inghapti bidut mun di pu yok au. Noro suar iba ingon di gom biyai kep ide midyai nya hagom.

TESALONIKA GI NIGOM 2:7

Mbro nok gino niya kui Yesus ba, dem mem gima nahara je tut mun di bahati tut nye lo, nibidip huk je tut mun nyeng hi bi. Noro niba gi nem-nnai biyai midyai ei jikieti bit leu nok sindig di nyohou nimunggwom bat ninti de nya.

FILIPI 4:5

Handei kon ba, tungwatu yahagom ingat bou igyai him bipia jiba jibou coi mem yam lewo jei bi ne Tuhan mikwei hanyen.

KORINTUS GI NIGOM 9:19

Diyati kwes bidinok awak bi lo, dibon danti bidinok awak mem tungwatu yahagom leu binhyepo dibindei ba, yo di ningot ndig ikuk yok bak Kristus.

MAZMUR 140:11

Abindei ba, biget di mbras nok hum mbom prok yoni ba, icut ug ei jui nimai nya ide bibou bit bon ingwes ngun hanyen kan bi ug e.

KORINTUS GI NICAN 12:20

Dikrau dingon tut gima jei bi lene dihwou ngat je bidingat lo, jiluei jingonti bijibindei ba, dingon pus tut je drek dip. Lene ma jingat lo, diluei dingonti bidibindei ba, jingon pus tut da drek dip. Dikrau dingon tut gima dihwou ngat je bidingat lo, jiliriem yam cem jingon kinei sut yam cem jingon sibui sut yam cem jiba nitok biyam cem jihyet tigut yam cem jittei mumpui ei yamti cem jingon jei cem jisrep tut yam cem a.

KORINTUS GI NICAN 10:1

Nogindini da di Paulus dipai dingon kanti gom bije. Hi pai dinghapti bipia tirigi dingat rin kin je lene diba dibou coi mem tungwatu nya lo, tirigi dingat rin ei minu ting lene dibrim dingkek kep je. Noro diba ningon nggriu sutti kin nisingat tutti di ntun Kristus him,

KISAH 23:5

Paulus buhup “Aye! Disut bat jen, dikan tut bipia no dima ninyeng Imam Nibou Ndig bi. Ningat ne Allah Nihyet cuon ser nye ‘Ma jihyet wer mpiahi tut jide nibou di ninyeng tak kep nide limwa nya au.’ ”

NIPINGOK NINGONTI 25:24

No di bong binongkom ei ig ninjek dip hu kwei ningon jo nyahan bibor dor njiriek no di bong ei ig bei gom bit nitnem di nihyet jo kikau kwop.

NIPINGOK NINGONTI 6:19

kin no di ris-ris nyen nihyet tut mun di noni ngat bou niyai him kin no di bindei ba, niba nitok biyamti kieng kep yo di ingon kwes kin yam.

YUDAS 1:10

Noro yo dini ighyet kinei sut mun di ingon kiowi tut nya hagom. Inok mindhe-ndhe di niten-pos nya di ibit leu ingut kanti niyai kepti lo, ingut kanti dima bindei cut yonti ba, isar bingwig.

YUDAS 1:8

Nok gima cem yo di isibut pima yok ipai bipia ingat ningat-hi-ngat di bindei dino ibon sisar tut yonti ingut apino ingwes pri gau Allah ninyeng di tak kep yokti ba, ikucang ninnei di dia-diau nya ei ginyo kug cem.

PETRUS GI NICAN 2:10

Ba, gini bitut yo di ibit ingut kanti di mpiei bibor di srou yok kin yo di ingwes pri gau Allah de nisindemti cem bibie ug e. Guru nitrowai nya ingon jei bibor ba, illei-lau cem. Ba, ikucang Allah De nipai testi di dia-diau nya ei ginyo kug bingwes mien tut bi!

PETRUS GI NIGOM 4:4

Noro tini bu ne yo di ingon tindur nya inga leu je tut gi jipriet kin yok tut igyai munti di kinei bibor di igyai kikep nya bu bi. Gima rino ipai je kinei.

KORINTUS GI NIGOM 6:10

kin ninggimang kep mun cig kin yo di idrui bou ngwak kin nidut kep mun di pu yok cig kin yo di ikkin kep hiter ninghapti kin yo di iris mitiei leu tungwatu yahagom inggre kin Allah Ninyeng Tak Kepti bi sren.

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

NIPINGOK NINGONTI 19:19

Ma asindui sut no di gga-gga wai ba, biang nide niyai munti nibuhunti. Gino aya hacan mem noni ne nigga-gga waisi bikum eisi.