TITUS 3:1 - ALLAH NIHYET MEM TUNGWATU NYA

¹ Ma apingok yo di ingon jo kep nya ingonti leu binhyepo ikuk yok bak nibou ndig nya kin yo di igya kui yok bibit ighyet ba, itin ei mem gima yahati tut igyai munti di kei bibor nya.

TITUS 3:1 ပူးပေါင်းရင်းမြစ်များ

NIBA NINGON SRIP HUKTI 10:4

Gino nibou hi gga na lene ma ahara mem gima aom na leu midyai di ayai mem nya au. Mbro nok gino atunggweisi nindig lo, gino aba abou coi mem noni ba, aom angon tut lene gima mibindei ntus nigga nati.

NIPINGOK NINGONTI 24:21

Dimunggwom na e, ma attin tut tuhan ba, abou cut bak nibou ndig. Ma aba na bikum yo di yaham imbuk kep yok au.

MATIUS 22:21

Yoni ibuhup “Kaisar.” Gima rino Noni pai biyok “Gi nok lene ma jikwas mun di Kaisar nyeng tut nya hanyen igbit tut Kaisar lene ma jikwas mun di Allah nyeng tut nya hanyen tut Allah.”

IBRANI 13:21

Handei kon ba, Noni njei mun nyeng di kei hagom di jisuar mem gima jibibit Nonti ningon kanti bak jeni. Handei kon ba, Noni yai Nide midyai di joi sut ei ingonti tug hon Yesus Kristus di ya hacan mem nye. Ma inggei sut Kristus kikau buug hon nohonti bi! Igbit ri.

2 TIMOTIUS GI NICAN 2:21

Tungwatu tou rino mbres nonti leu mun di ugwai-gwai nya noyam kin mun di dia-diau kei di niceu bet ei mem njap nindig. No dima ningon gom tut Allah bipwoi ningon cem ba, tin ei mem gima yai kep midyai di kei bibor nya hagom.

2 TIMOTIUS GI NICAN 1:6

Gima rino dibiwin kep angonti leu binhyepo amiep hum kin nisindemti di Allah yai bina tirigi po dikes dinda ei abou nggram him dip pima.

TIMOTIUS GI NIGOM 5:10

ba, tungwatu nya yahagom ikan tut bipia noni ne sop di niyai munti nya kei bibor tug hon gi miep nimunggwom bat nya ingon nok mungkun kei cem cigit tungwatu nya kui ig cem ba nibou coi mem yo di ingon jo kep nya cem ngondut yo di yuhui mbum nya cem. Nirop ninda ndigsi tut rino noni ndo nijoi biborti tug hon niyai midyai di kei biborti nya.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

TIMOTIUS GI NIGOM 4:6

Gino angginau mun di dicuk na tut dini bak yo di ingon jo kep nya lene gini bindo bipia nani ne Kristus Yesus de awak di joi bibor ri. Gino ayem njita leu Allah nihyet di yahagom ingon jo kep kin nihyet di nijit di abit kikau kwei bipek ammani kep cem lene gima bindo brei bipia amahan tu.

TIMOTIUS GI NIGOM 2:2

Ma ingat nadi mem nibou ndig nya kin yo di inyeng jei nya yahagom leu binhyepo ibindei ba, nyeni ibong kei igwam kei bingon kwes kin Allah ba, ingon kwes kin yam cem.

KORINTUS GI NIGOM 15:58

Gima rino disut bat di dingon kieti jen e, ma jiyai nisindemti kin ningon nddongti. Ma jita jibou ei Allah de midyaiti lewo jikan tut bipia midyai di jiyai mem Tuhan nya hagom mikui-kausi bi sren.

YEREMIA 27:17

Ma jimiap kep ighyet au! Ma jikes jenti ei nibou ndig minu Babel ninda nsi hak ug leu binhyepo jingwes ngun. Nggon rino jibindei ba, minu ndig dini micut binok ig kum kroi i?

NINDAT KEP TUHAN NICUKTI NYA 17:12

Suar jiyai nimai bak yo di itte tut nikei nya kin imam nya di igyai midyai mem nijam dima ide nicuk jeti nya hak ug. Tug hon nisinati dima lene mijibidip tut mun di kinei dima leu Israel.

PETRUS GI NICAN 1:12

Gima rino mbro nok gino jikan tut mun dini yok ba, jicom jigau ei nihyet di nijit di jiyaiti tu lo, dibiwin kep jingonti tut mun dini yok hagom kikau.

TITUS 3:8

Nihyet dima ne nihyet di nijit ri. Dijoi sut ma asum ahyet ei mun di dipas kep dima hagomti bak yo di ingon jo kep Allah nya leu binhyepo ibrim ingkek mem igyai munti di kei bibor nya. Ba, igyai munti dima bon ninyeng mem gima ibimpu tungwatu nya yahagom.

KOLOSE 1:10

Tug hon nisinati dima lene jide niyaijoti mibicim tindei Allah ningon kanti mem je ba, jipwoi Nonti ningon kikau. Lene ningat di kei nyeng hagom mintun jide niyaijoti him ba, jibikum ei jide ningon dorti tut Allahti.

FILIPI 1:11

Apino hon kep njap dima ne jiyaijoti singat kei tug hon jide niyai munti di kei bibor kei nya di ntun Yesus Kristus Nongkom him ba, ibikon Allah ninyeng bibinggei sut Noni.

EFESUS 2:10

Allah bon nyeni bou ninda him leu binhyepo igyai kep midyai di kei bibor nya tug hon ide ninok gom kin Kristus Yesusti. Ba, Noni tin ei midyai di kei bibor dima nipou su leu binhyepo igyai kep midyai dima.

YESAYA 43:26

Ma jiyok ngon kep Da lene ma jikwei ba, yuug ya ei nikei noho bei. Ma jisimbot dat jide munhyet ei nikei noho bei nok mun di bindo bipia jiyai mun di igbit.

YUDAS 1:5

Mbro nok gino jikan tut gini hagom tu lo, dimiep hum kin jingonti tut Tuhan di teu mben Israel bingwes ngun leu minu Mesir. Noro ei niabiati bu ne Noni hwen gi hi di ingon jo kep bi nya di isrig ikieti.

TITUS 3:14

Ma yo di ingon jo kep nya di inggre kin nye ita ibou ei ide midyai di kei biborti nya leu binhyepo iba mun di ibon bou inda him bahati tut yo di yuhui mbum nya. Ma ibong biei nda dip kep ig au.

2 TIMOTIUS GI NICAN 2:14

Ma abiwin kep yo di mbusyamei ingonti tut mun dini hagom. Ma asok kep yok ngkiem ei Allah niyai him ser nhyema iliriem yam tut mumpui hyet di bon ninyeng bi nya au. Mumpui hyet dima mpu tungwatu nya bi sren noro binggek tut ingonti.

TITUS 1:16

Yo dima ipai sut yonti bipia ikan tut Allah noro igyai munti nya srep tut ipaisi. Allah niyai ngkek ttin igyai munti nya lewo ibit nihyet bi. Dem tut gima igyai kep mun nyeng di kei gom cem bi.