TITUS 2:8 - ALLAH NIHYET MEM TUNGWATU NYA

⁸ Suar ningginausi di atri tut dima com nigau ei angon di kiti leu binhyepo bit bon ade siceu nya irom ighyet kui na kan bi. Apino immai sut yonti lewo bit bon ipai kep nye di mbusyamei kan bi.

TITUS 2:8 ပူးပေါင်းရင်းမြစ်များ

PETRUS GI NIGOM 2:12

Suar jiyai mun di kei bibor ei yo di ingon tindur nya igyai him. Gima mibindei ba, mpe dino ipai kep je bipia jisibut bibor ne ighyet micut hanyen ei ingonti drek dip jiyai munti di kei bibor nya. Leu api yoni minggei sut Allah mem njap di Noni mikwei hanyen.

PETRUS GI NIGOM 2:15

Allah joi sut gino jiba jiyai munti di kei bibor nya binim kep yo di ingon mbum nya leu binhyepo yuhui buwei kep je bu bi.

PETRUS GI NIGOM 3:16

Ma jiba jingon di jo nyahan kin jibou di cut biyok cem bibuhup ighyet. Ma jinyohou jingon mien di kwes leu binhyepo gino hi pai je di jibit Kristus kinei drek dip jiyai munti di kei nya lene ighyet dima mibindei ba, immai sut yonti hak ug.

TIMOTIUS GI NIGOM 6:3

Gino tungwagom nipingok yokti titer bu ba, ce tut bibit nihyet di nijit tut ide Tuhan Yesus Kristus kin ide niba ningon com Kristusti cem bi ne,

TESALONIKA GI NICAN 3:14

Lene gino tungwagom di bit nihyet di nipas hwou bije ei srat diniti bi srig jikieti ne suar jitindei noni bijimbres jenti leu noni leu binhyepo mimmai sut nonti.

NEHEMIA 5:9

Dipai biyok “Jiyai munti dima kei bi! Suar jiba jiyai munti nya bindo bipia jittin tut Allah. Tug hon nisinati dima lene ibiyai nituti bak ide nitok joti nya kin yo di ikuk yok bak ide kwar nya yahagom ipai nye kinei.

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

TIMOTIUS GI NIGOM 5:14

Gima rino dijoi sut bipia kibom di pilei nya iwak ijjep bat nya hi bu leu binhyepo igyai imunggwom ba, inyohou ide ig bei nsi nya. Gino igyai nok gima lene mibon nituti mem ide siceu nya irom ighyet kui nye bi.

LUKAS 13:17

Nibuhupti dima bindei ba, Nide siceu nya immai sut yonti nindig bibor noro yo di idem yam ei nya ingon llei sut bikwop mindur di Yesus bibon nya.

MARKUS 12:34

Tirigi Yesus miap lo, no dima ba ningon di ki bibuhup igbit tu lene pai binoni “Angat rin ei minu ting leu Allah Ninyeng Tak Kepti bi.” Hon kep njap dima kui lene hi brim ningkek kep Yesus bihig ser Noni bu bi.

MARKUS 12:32

Lene guru Puig Yahudi nicukti buhup “Guru e, igbit rin ba, abuhupti dima ne nijit-jau ri! Tuhan Nongkom ngat rino Allah ba, Allah hiter nya ingat rin bi.

MARKUS 12:28

Mpe dima lene guru Puig Yahudi nicukti gom kwei ngig nitingou mem mun di Yesus kin Saduki nya isimbot kep biyam tut lene kan tut bipia Yesus buhup ighyet nok gi kei bibor. Gima rino hig ser Yesus “Andigpoi e, nicukti gi tou ribon ninyeng dor njiriek nicukti nindigsi nya i?”

MARKUS 12:17

Gima rino Noni pai biyok “Gi nok lene ma jikwas mun di Kaisar nyeng tut nya hanyen igbit bak Kaisar lene jikwas mun di Allah nyeng tut nya hanyen bak Allah.” Yoni inggap leu tut nibuhupti dima.

TITUS 3:14

Ma yo di ingon jo kep nya di inggre kin nye ita ibou ei ide midyai di kei biborti nya leu binhyepo iba mun di ibon bou inda him bahati tut yo di yuhui mbum nya. Ma ibong biei nda dip kep ig au.