TITUS 2:5 - ALLAH NIHYET MEM TUNGWATU NYA

⁵ ingon nddong cem ingon kwes cem inyohou ide ig bei nsi nya cem ikuk yok bak ijjep bat nya cem leu binhyepo tungwatu nya irom ighyet kui Allah nihyet bi.

TITUS 2:5 ပူးပေါင်းရင်းမြစ်များ

KOLOSE 3:18

Je di sop di jiwak jijjep bat nya e, ma jiba jibou coi mem yok ba, jibit ighyet lewo gini ne Allah ningon kanti mem jeti ri.

TIMOTIUS GI NIGOM 5:10

ba, tungwatu nya yahagom ikan tut bipia noni ne sop di niyai munti nya kei bibor tug hon gi miep nimunggwom bat nya ingon nok mungkun kei cem cigit tungwatu nya kui ig cem ba nibou coi mem yo di ingon jo kep nya cem ngondut yo di yuhui mbum nya cem. Nirop ninda ndigsi tut rino noni ndo nijoi biborti tug hon niyai midyai di kei biborti nya.

NITRITI 3:16

Lene Noni pai bak no di sop “Tirigi atta buhun lene midibindei ba, anghuisi wei nindig bibor. Tirigi agwam tut amunggwom bat nya lene midibindei ba, anghim dut nindig bibor. Mbro nok gima lo, bit bon aom angut kanti leu ajjep kan bi noro aba abou coi mem noni nihyet hak.”

EFESUS 5:33

Noro nipas kepti dini bitut jeni cem. Ma bikwop pinai ningon ngakei nitnem bit leu nok ningon ngakei nonti njem. Lene ma bikwop sop kon nijjep ninyeng a.

KISAH 9:36

Sindig Tabita no rima ei minu ndig Yope ba, noni cem ningon jo kep Tuhan. (Iba nihyet Yunani bijem ninyeng hi Dorkas ba, ninyeng ndo tut rusa.) Dorkas de midyai nya hagom kei bibor ba, noni ngondut yo di yuhui mbum nya cem bidem njap ngwa hagom.

TIMOTIUS GI NIGOM 6:1

Suar awak di ingon jo kep nya ibou cut bak iceu bat nya bikon inyenga leu binhyepo ibindei ba, Allah ninyeng kin side niba ningon com Kristusti di sitri tut kinei bi.

NIPINGOK NINGONTI 7:11

Noni ne sop di ningkek ndok di brim ningkek kep pinai igkei cem ba, bit bon niyaisi mmai kan bi.

KORINTUS GI NIGOM 14:34

ma sop nya di igwam bit yo di mbusyamei nya ikimut yuhui. Harin dima yahap iji bimbrap a. Ma sop nya yoom yok leu ba, ibie tut tungwatu nya au. Gini bit leu nok Puig Yahudi niggai serti.

KORINTUS GI NIGOM 11:3

Noro dijoi sut jingon dorti tut mun nyeng gom kin bu. Mun dima rino Kristus ninyeng tak kep bibikwop pinai nya yahagom lene no di pinai ninyeng tak kep nitnem lene Allah ninyeng tak kep Kristus.

ROMA 2:24

Lewo Allah Nihyet pai “Ngkiai nya ighyet wer mpiahi tut Allah ninyeng drek dip je di mben Yahudi.”

KISAH 9:39

Petrus kiju bibit yok hak. Tirigi noni kwei krau minu ndig Yope lene yo dima ibuwak noni ug ei nghim nsi di jo anai ei ig di jo-jo yam dip dima. Lene sop kibom nya di ingat rin ei mpia dima inggreu kep noni bipim kep nimai cem ba, indo sinsun ninda kin sinsun dut di jei di Dorkas nap di bitri tungwatu nya tirigi niyaisi jo yo bak Petrus.

MAZMUR 74:10

Allah e, nyende siceu nya miba ighyet bicig Na ug bipek njap pig bu i? Mpaba ighyet tigut anyeng bijo kikau e?

SAMUEL GI NICAN 12:14

Noro apmot ningwoi-ngwoi dima miyai nimai drek dip gi po angwes pri gau tuhan tug hon ade niyai munti di kinei bibor dima.”

NITRITI 18:9

Lene ihig ser Abraham “Atnem Sara no hantou i?” Leu api noni buhup “Sara no gwam prak meng nsi.”

ROMA 14:16

Ma jibon nituti mem yo di hiter biba ighyet biyai je drek dip mun di jiba jingon bisrip huk bipia kei bibor au.

TITUS 2:4

bipingok sop wak cam nya ingonti tut gima ingon ngakei ijjep bat nya kin imunggwom bat nya ba,