TITUS 2:2 - ALLAH NIHYET MEM TUNGWATU NYA

² Ma apingok andig-ndau nya ingonti leu binhyepo yoom kep ingon ba, ingon nddong cem isingat cem. Ma ikrau kep ide niba ningon com Kristusti kin ide ningon ngakei yamti kin ide ningon nddongti.

TITUS 2:2 ပူးပေါင်းရင်းမြစ်များ

AYUB 12:12

Ipai bipia ningon ki no jo bak andig-ndau nya. Noro ningat ne ningon ki kin nisindemti no jo bak Allah Nongkom he. Ipai bipia ningon dor niti no jo bak yo di ide njap ug ninno tu. Noro ningat ne ningon dor niti kin nisindemti mem gima yai nibou tut mun nyeng hagom no jo bak Allah he!

MAZMUR 92:14

Inoyam kin biei di ita ei tuhan De Ig ba, idigek ei ide Allah nidim ba,

NIPINGOK NINGONTI 16:31

No di ningon sren nide njap ug ei ari bingwam mang bibor. Nibou nta di tiei ne topi mas di sieng-siau kei ri.

YESAYA 65:20

Munggwom ngwoi nya mimai ujau bu bi ba, andigpoi nya ide njap ug ei ari bingwam mang bibor. Tungwatu nya mipai sut yo di ide njap ug ei ari bingwam sratus gom bipia inok pilei he yo. Ba, ikan bipia yo di imai urung nya ne yo di imai drek dip hukum di dikes ei yok dip ri.

IMAM NYA IDE MIDYAI 19:32

Suar jibou cut bak andigpoi nya bijikon inyenga. Suar jikuk je biDa ba, jingon digit tut Da lewo Dani ne tuhan bidinok jide Allah ri.

MARKUS 5:15

Ba, ikwei ttau kep Yesus lene ingat igbit no di ninnei rom nimpung gom ya ningonti dima lo, noni juk sinsun ba, ningon tungwatu hanyen cem tu. Apino yoni inghuisi mpig sut nindig bibor.

LUKAS 8:35

Lene timiei minu dima yok induk yam kwei bingig igyai kep mun di pek kep mem no dima. Ikwei ttau kep Yesus bingat no di ninnei rom nya igya ningonti pima lo, gwam ei Yesus Noho bei. Noni juk sinsun ba, ningon tungwatu hanyen tu. Apino yoni inghuisi mpig sut nindig bibor.

KISAH 24:25

Noro Paulus huk nihyet kikau bitri tut ningon srenti kin noom ningonti kin hukum di micut igkep tungwatu nya mem Njap Ningwig Honti cem. Feliks ningon ttin bibor bimbrua Paulus drek dip bipai “Cobi! Nogindini disindui sut ba, ambut hak ug. Mpe hi bu tirigi bon nikwesti mem da lene midihig na hanyen kwei.”

ROMA 12:3

Allah singat tut da. Gima rino disok kep jahagom bipia ma jiba jingon di jei bisrip huk tut jenti au. Noro ma jibisrip huk tut jenti mmuti. Ma bikwop tungwagom-gom ba nisindemti di Allah yai binoni bisrip huk tut nonti drek dip nide niba ningon com Yesusti.

KORINTUS GI NIGOM 15:34

Joom jingon ba, ma jibon kep sisar bu au. Ma jimmai sut jenti lewo ibou poi di isrig jikieti ingon kwes kin Allah bi.

KORINTUS GI NIGOM 9:25

Bikwop no di coi bit nibeheu yamti om ningon leu mun nyeng hagom leu binhyepo tug ndei topi mitou di mipror yon hanyen. Noro nyeni yoom ingon leu binhyepo itug ndei topi mitou di mipror yon hanyen kan bi.

KORINTUS GI NICAN 5:13

Gino hi pai kep da bipia dintin kiek ne diba dintin kiekti dima bahati tut Allah. Gino hi simbot dat bipia dingon tungwatu ne diba dingon tungwatu dima bahati tut je.

GALATIA 5:23

iba ibou coi mem yam cem yoom kep ingut kanti nya cem hagom. Nicukti hi cuon ser niyai munti dini bi sren.

FILIPI 4:8

Disut bat jen, son dideu srat dini ninggrupti tu. Ma jipwoi mun di bon ninyeng kin mun di dem mem gima tungwatu nya inggei sut nya ei jingonti. Mun dima rino niba ningon bisrip bram nijit-jausi kin mun di bindei ba, tungwatu nya inggei sut kin mun di sren-srau kin mun di kwes-kwau kin mun di bit bon hi tte tut kan bi kin mun di tungwatu nya igyai ngakei kin mun di singat kei hagom.

TESALONIKA GI NIGOM 5:6

Gima rino ma ibong biei nda dip kep ig hak nok yo di hiter au. Noro ma itindei ser mun nyeng hagom bigyai nggrop nggan.

TESALONIKA GI NIGOM 5:8

Noro ma nye di munggwom nipigati igyai nggrop nggan. Ma jingon jo kep Yesus Kristus ba, jingon ngakei yam. Ma jiyok jingon mem Allah di miteu nye leu dihyeisi dini biyai niyaijo kikau binye kikau ba, mun dini yok hagom tereu nok sinsun pran di ijuk tirigi ikon pran bit nidinditi.

TIMOTIUS GI NIGOM 1:10

kin yo di icut tut yam kin pinai yonti di icut tut yam kin sop yonti di icut tut yam kin yo di ipos tungwatu bitri yok nok awak ba, ibipek mitiei kin niris kep mun cig kin yo di iris mun ei nikei noho bei bitut yo di igyai mun nindigsi di tte tut ningginausi di ntun Nihyet Di Kei him.

TIMOTIUS GI NIGOM 1:14

Ide Tuhan Yesus Kristus singat tut da nindig bibor bibindei ba, diba dingon com Noni ba, dingon ngakei tungwatu nya cem. Noni yai nisindemti ninyeng can dini bak yo di inok gom kin Kristus yahagom.

TIMOTIUS GI NIGOM 1:2

Srat dini mem na di Timotius ba, anok dipmot ningat tug hon side niba ningon com Tuhanti. Handei kon ba, Sicig Allah kin side Tuhan Yesus Kristus isingat tut na bingondut na cem ba, ibiyai angon jo nyahan.

TIMOTIUS GI NIGOM 1:5

Disok dihyet bina leu binhyepo abindei mbut ningon ngakei yamti tug hon ningon di kwes kin Allahti kin ningon mien di pai kep nyeti bi kin niba ningon com Kristus mungkunti.

TIMOTIUS GI NIGOM 3:11

Nok gima cem suar itnem bat nya ingon kwes. Ma ipai kep tungwatu nya inghapti bidut mun di pu yok au. Noro suar iba ingon di gom biyai kep ide midyai nya hagom.

TIMOTIUS GI NIGOM 3:2

Suar nibou mbusyamei ningon sren ba, bit bon hi pai noni kinei kan bi. Suar noni wak sop gom ngat he ba, om kep ningon kan. Suar ningon nddong ba, nyohou dimig niyaijoti cem. Ma noni cigit ngkiai nya kui ig ba, ningon dorti tut ningginau tungwatuti cem.

TIMOTIUS GI NIGOM 3:4

Suar noni bie tut nide ig bei nsi nya mungkun kei binyohou pingok nimunggwom bat nya ingonti leu binhyepo ikuk yok binoni bibit nihyet.

TIMOTIUS GI NIGOM 3:8

Suar yo di igya kui nibou nya ingon kwes ba, ingon gom cem. Ma idut ba anggur ngei nindig di pu yok au lene ma ingon pri kep mitiei nindig bibor au.

TIMOTIUS GI NIGOM 5:1

Ma ahyet hwen bit andig-ndau nya ingonti au. Noro ma ambus ingonti dem kep nok ambus acig ningonti. Ma abibon pinjoi pilei nya dem kep nok akinjoi bat nya.

TITUS 1:13

Nipaisi dima igbit. Gima rino ma asok kep yok ngkiem leu binhyepo ikrau kep ningginausi di nijit ba,

TITUS 1:8

Suar noni cigit tungwatu nya kui ig cem ta nibou ei mun di kei nyati cem om kep ningon cem ningon sren cem ningon kwes kin Allah cem yai mun di hagom mmuti cem.

TITUS 2:7

Ma aba ayai munti nya hagom bindo bindo di kei bibor. Suar aba ningon di gom kin ningon di nddong bingginau tungwatu nya.

FILEMON 1:9

Midiba ditde ningon ngakei nati he bahara na. Diwer andigpoi su ba, nogindini disima ei ig bui nsi drek dip gi dinok awak mem Kristus Yesus.

PETRUS GI NIGOM 1:13

Gima rino ma jitin ei jibou ngwakti mem mun di mipek kep mem je nya hagom. Ma jiyai ngkiem cem leu api jiyok jingon mem mun di kei di Allah miyai bije ei mpe dino Yesus Kristus ttau hanyen kwei.

PETRUS GI NIGOM 4:7

Son dideu njap ningwig honti tu. Gima rino ma joom kep jingonti ba, jiyai ngkiem cem leu binhyepo bon nituti mem gima jingat nadi.

PETRUS GI NIGOM 5:8

Ma jehek tut jenti ba, jiyai nggrop nggan lewo jide siceu di Bilis lus-lus nyen nok singa di niten-pos di yau binggok tungwatu tereu nok nide mun di yem.

PETRUS GI NICAN 1:6

Ma jiba noom kep jingut kanti nya bindei mbut jide ningon di dorti tut Allah ningon kanti. Ma jiba jingon di nddong bindei mbut jide noom kep jingut kanti nya. Ma jiba jide niyai mun tug hon ningon di kwesti bindei mbut jide ningon nddongti.