TITUS 1:9 - ALLAH NIHYET MEM TUNGWATU NYA

⁹ Ba, suar noni krau kep nihyet di Kristus ngginau nye tut di iba ingon com tu. Tug hon nisinati dima ne noni sindem mem gima ba ningginausi di nijit biwin kep yo di mbusyamei ingonti ba, brim ningkek kep yo di isrep tut nihyet ba, ndo mun di igyai tunggwei nya brei biyok.

TITUS 1:9 ပူးပေါင်းရင်းမြစ်များ

AYUB 2:3

tuhan hig ser noni “Angig ayai kep Ditde awak di Ayub tu e? No dima ningon gom cem ningon kwes cem dor njiriek tungwatu dihyeisi dini hagom. Noni kuk no biDa bimbres no leu mun di kinei hagom cem. Mbro nok gino abrim angkek kep Da leu binhyepo disindui sut ba, abingon noni mikui-kausi pima lo, ningon gom tut Da kikau.”

AYUB 27:6

Dimpig bou kep dingon srenti leu api midiluei dingonti tut hanyen bi sren. Dingon mien cem pwoi-pwau bikwop njap ngwa hagom.

NIPINGOK NINGONTI 23:23

Ma acom ahanggwap ba, abipek ningginausi di nijit-jau kin ningon kiti kin nintin kimboti kin ningon dor nititi hagom. Ma atri hanyen bu au. Lewo hagom bon ninyeng bibor.

KISAH 18:28

Lewo noni ba niji di nghai bibrim ningkek kep mben Yahudi di iba ighyet bidahat noni. Apolos bindei ba, icut bak noni bou tungwatu igyai him. Noni kwop srat bokti leu Allah nihyet nok mun di bindo tut Yesus di nok Nibou Ndig di teu tungwatu biyai niyaijo nijep biyok di Allah preu ei mem yok pima.

KORINTUS GI NIGOM 14:24

Gino jahagom jitri tut Allah nihyet lene ngkiai nya hi e, he no di ningon mbum hi e, coi bit je lene nihyet di jitri tut mitot ningonti lene gima bindei ba, ningon muhukti tut nide sisar nya.

TESALONIKA GI NIGOM 5:21

Ma jibinai sut nihyet hagom bijibit gi hi di kei nya.

TESALONIKA GI NICAN 2:15

Gima rino disut bat jen, ma jingon nddong ba, jikrau kep nipingok jeti di nijit-jau nya di tug hon nihyet di nitri tut bije kin srat di nipas hwou bije.

TIMOTIUS GI NIGOM 1:10

kin yo di icut tut yam kin pinai yonti di icut tut yam kin sop yonti di icut tut yam kin yo di ipos tungwatu bitri yok nok awak ba, ibipek mitiei kin niris kep mun cig kin yo di iris mun ei nikei noho bei bitut yo di igyai mun nindigsi di tte tut ningginausi di ntun Nihyet Di Kei him.

TIMOTIUS GI NIGOM 1:15

Dipaisi dini ne nijit-jau ri. Gima rino ma tungwatu nya ice tut ba, ingon jo kep bipia “Kristus Yesus srek kwei ei dihyeisi dini leu binhyepo teu tungwatu nya leu sisar biyai niyaijo nijep biyok.” Noro tut dani ne dibon sisar nindig bibor dor njiriek nindigsi nya yahagom.

TIMOTIUS GI NIGOM 1:19

Ma anyohou ade niba ningon com Kristusti kin ade ningon mien kanti leu binhyepo hacem kwes kei. Ibou poi ingkek ndok tut ingon mien kanti apino inok kibar di tug bor bisrawir.

TIMOTIUS GI NIGOM 4:9

Mun di isimbot dat dima jit-jau. Gima rino ma tungwatu nya ice tut ba, ingon jo kep hak ug.

TIMOTIUS GI NIGOM 6:3

Gino tungwagom nipingok yokti titer bu ba, ce tut bibit nihyet di nijit tut ide Tuhan Yesus Kristus kin ide niba ningon com Kristusti cem bi ne,

2 TIMOTIUS GI NICAN 1:13

Suar abit nihyet di nijit di dipingok angonti tut tu. Ma akrau kep ade niba ningon com Kristusti kin ningon ngakei yamti di nyeni igyai tug hon ide ninok gom kin Kristus Yesus.

2 TIMOTIUS GI NICAN 2:2

Ma aba ditde ningginausi nya di ditri tut bak tungwatu nya imang bibor bitri tut hanyen bak yo di ingon gom nya leu binhyepo ibingginau yo di hiter bu sindam.

2 TIMOTIUS GI NICAN 2:25

Ma iba ingon di nggriu binyohou pingok yo di isrep tut yok nya ingonti. Mpaba Allah bon nituti mem yo dima ittin ser ide sisar ba, ingon jo kep nihyet di nijit.

2 TIMOTIUS GI NICAN 3:14

Noro tut na di Timotius e, ma akrau kep ningginausi di nijit di guru nya ingginau na tut ba, angon huk niti lene ma aba angon com guru di ingginau na tut nya.

2 TIMOTIUS GI NICAN 4:3

Lewo ei nidipti bu ne tungwatu nya mijoi sut ningginausi di nijit di tibim ei itingou nsi bu bi. Noro yuhuk bram yonti ingon kanti nya binduk guru nya imang-mang di ingginau yok tut mun di itingou dile mem.

TITUS 1:11

Suar asok kep yo dima ngkiem leu binhyepo ikimut yuhug hak ug. Lewo iba nihyet minyei binggek tut mbusyamei ninsi de nya imang bibor ba, ibipek mitiei nindig bibor leu yok. Igyaisi dima igbit bi!

TITUS 2:1

Noro tut na di Titus e, suar ade ningginausi bicim tindei nihyet di nijit.

YUDAS 1:3

Disut bat di dingon kieti jen, dipi bidipas srat bak jeni tut ide niteu leu sisar kin niyaijo nijepti di pek kep mem nyeni yahagom tu. Noro nogindini dingon hukti tut ba, diba srat dini bibiwin kep jingonti leu binhyepo jibrim jingkek ba, jinyohou jide niba ningon comti di Allah kes bak Nide limwa nya mbigom ngat he bijo kikau.

NINGAT-HI-NGAT NYA 2:25

Noro suar jikrau kep mun di jinyeng tut kikau bipek dingkwei hanyenti.

NINGAT-HI-NGAT NYA 3:11

Jei bi ne dihwou! Suar jinyohou mun di jinyeng tut leu binhyepo hi ris jide munkwas di jiyai tug hon jide nibindei cut sisar nisindemti leu je bi.

NINGAT-HI-NGAT NYA 3:3

Gima rino suar jiyok ngon kep nipingok jeti kin mun di tibim ei jitingou nsi tu. Suar jibit mun dima yok hagom leu api jittin ser jide sisar bijikiek ndam Allah. Gino jida jiyai bijikiju bi ne dihwou timon je dem kep ninggimang kep mun cig noro jikan tut nicunti mem dihwousi dima bi.