TITUS 1:2 - ALLAH NIHYET MEM TUNGWATU NYA

² Ide niba ningon com Kristusti kin ide ningon dorti tut nihyetti ntun gi igyok ingon mem niyaijo nijep di jo kikausi di Allah preu ei mem nye habiei ei nimbie him. Ba, bit bon Noni ris binye kan bi.

TITUS 1:2 ပူးပေါင်းရင်းမြစ်များ

YESAYA 1:20

Gino jisrep tut dihyet ne mporo mijiyai nimai ei pranti. Da di tuhan disimbot dat tu.”

MBEN ISRAEL IMBUT-MBUT NYEN 23:19

Allah kin tungwatu nya inoyam bi. Noni luei ningonti nyen ba, ris bak tungwatu nya kan bi. Noni yai hagom bit leu nok nipreu eisi tu! Tirigi Noni mbrap lene dem igbit nipaisi!

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

MARKUS 10:17

Tirigi Yesus sindi kiju bimbut nut lene tungwagom dor kwei bikuk no ei nimig him bihig ser Noni “Guru di kei e, dibon mun di notou leu binhyepo ditug ndei niyaijo nijep di jo kikau i?”

MARKUS 10:30

no dima miyai bibikwop mun dima yok hagom nindig bibor hanyen bu ei nijam dini. Noni miyai ig kin nikindig-nikinjoi nya kin nikwohop bat nya kin nipmem bat nya kin nimunggwom bat nya kin miai tut njita di joti nya hagom mbisratus gom bram yam lo, tungwatu nya mihwen bit noni cem. Lene noni miyai niyaijo nijep di jo kikau ei nijam di nijep ei nidipti bu.

YOHANES 10:28

Diyai niyaijo nijep di jo kikau biyok leu api isar hanyen bi sren. Bit bon hi pos yok leu dinda nsi kan bi.

YOHANES 17:2

Arig e, ayai nisindemti biNoni leu binhyepo ninyeng tak kep tungwatu dihyeisi hagom ba, yai niyaijo nijep di jo kikau bak yo dino akes yok biNoni yahagom.

YOHANES 17:24

Arig e! Dijoi sut bipia igwam bit Da ei mpia di dingat rin eisi leu binhyepo ingat Ditde ninyeng jei biborti di ayai biDa bou igyai him. Lewo angon ngakei Da ei nimbie him nipou tirigi apai tes dihyeisi dini bigyo.

YOHANES 5:39

Jipikor tut Allah nihyet bokti ninno tu lewo jikan bipia jibiyai niyaijo nijep di jo kikau. Noro Allah nihyet bokti dima ndo tut Da.

YOHANES 6:54

Bikwop no di yem dinghui ba, dut dinggrom cem lene no dima rino yai niyaijo nijep di jo kikau ei ningonti. Midiwin noni hanyen leu nimai eisi mem Njap Ningwig Honti.

YOHANES 6:68

Simon Petrus pai biNoni “Tuhan e, nibit tou bu i? Lewo nihyet Ade yai niyaijo nijep di jo kikau binye.

KISAH 15:18

lewo Noni tri tut mun dini yok habiei ei nimbie him.”

ROMA 1:2

Ba, Allah preu ei mem nye tut Nihyet Di Kei mimbrek ngan tu tug hon Nide nabi nya. Noni bindei ba, ipas tut nipreu ei mem nyeti dima ei Allah Nihyetti.

ROMA 16:25

Ma inggei sut Allah! Noni bon nisindemti mem gima sindem tut je leu binhyepo jiba jingon com Noni bibor. Gi dipai dini bicim tindei Nihyet Di Kei di ditri tut Yesus Kristus. Nihyet di ditri tut bicim tindei mimun nyeng gom di Allah mbot kep tut. Ingon dorti tut mimun di jo nding leu tungwatu mem nijam di mimbrek ngan dima bi.

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

ROMA 5:2

Yesus bindei Allah nisingat tut nyeti dima pek kep mem nye tug hon ide niba ningon com Noti. Nogindini igyaijo tug hon Allah nisingat tut nyeti. Gima rino ingon llei bibor lewo iba ingon com bipia ipriet kin Allah nikei-kau-keisi ei nidipti bu!

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

ROMA 5:4

Ide niba nibou coi mem mun nyeng hagomti biyai ingon nddong drek dip mun di bingon nye bibindei ba, igyok ingon mem ba,

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

KOLOSE 1:27

Allah ningon kanti mem Nide limwa nya rino joi sut mbot kep tut Nide nimimun di kei-kau kin mindur di Noni bet ei mem tungwatu nya biyok. Nimimun dima ne Kristus ningat rin ei jingonti gi bindo tut bipia jinyeng tut mun di mindur hagom di Noni tin ei mem je.

TESALONIKA GI NIGOM 2:15

Yo dima ripo igyai nimai bak Tuhan Yesus kin nabi nya ba, ihwen bit nye cem. Yo dima ibindei Allah ningon sibui sut yok lene iba nitok bak tungwatu nya yahagom cem.

TESALONIKA GI NIGOM 5:8

Noro ma nye di munggwom nipigati igyai nggrop nggan. Ma jingon jo kep Yesus Kristus ba, jingon ngakei yam. Ma jiyok jingon mem Allah di miteu nye leu dihyeisi dini biyai niyaijo kikau binye kikau ba, mun dini yok hagom tereu nok sinsun pran di ijuk tirigi ikon pran bit nidinditi.

TIMOTIUS GI NIGOM 6:12

Suar ador sindem bibor kak puig tug hon ade niba ningon com Kristusti kikau ug bipek nipekti leu binhyepo ayai niyaijo nijep di jo kikau. Lewo Allah hig na mem gima ador sindem kak puig dima nipou tirigi atri tut ei yo di imang bibor yoho bei bipia angon jo kep Kristus.

TIMOTIUS GI NIGOM 6:19

Tug hon nisinati dima lene yoni minju mun di kei di pror yon kan bi keyam binok nitriti mem nijam di nidipti bu. Leu api idem mem gima igyai niyaijo nijep di jo kikau ba, niyaijo dima ne niyaijo di nijit-jau ri.

2 TIMOTIUS GI NICAN 1:1

Srat dini leu da di Paulus. Dani ne no di ya kui Yesus bit leu Allah ningon kanti mem da ri. Noni pinak da leu binhyepo ditri tut niyaijo nijep di Noni preu ei mem nye tu. Igyai niyaijo nijep dima tug hon gi inok gom kin Kristus Yesus.

2 TIMOTIUS GI NICAN 1:9

Noni teu nye leu sisar biyai niyaijo nijep binye leu api hig nye leu binhyepo inok Nide limwa nya. Mun dini tug hon igyai munti nya bi noro tug hon Allah ningon kanti kin nisingat tut nyeti cem. Noni singat tut nye tug hon Kristus Yesus nipou tirigi Noni pai tes dihyeisi dini bigyo.

2 TIMOTIUS GI NICAN 2:10

Gima rino diba dibou coi mem mun di buhun tak da hagom leu binhyepo yo di Allah dimig yok ei su nya igyai niteu leu sisarti kin niyaijo nijep ba, ipriet kin Allah nikei-kau-keisi di jo kikau tug hon Kristus Yesus.

2 TIMOTIUS GI NICAN 2:13

Gino ingon gom tut Noni bi lene Noni ningon gom kikau lewo bit bon bikep ser Nonti kan bi.”

2 TIMOTIUS GI NICAN 2:15

Ma abrim angkek nok mungkun kei leu binhyepo Allah joi sut nani bitut ade midyai nya cem leu api ammai sut bi. Noro aba nisinati di mungkun kei bitri tut Allah nihyet di nijit.

TITUS 2:13

lewo igyok ingon mem Njap ninggei-hi-nggei nitausi. Nogindini imem kep ser Njap dima di igyok ingon mem. Mpe dima yo di dihyeisi dini hagom mingat Yesus Kristus nikei-kau-keisi bou igyai him mem Njap dima lewo Noni ne nyeni ide Allah di Ninyeng Jei kin Nibou Ndig di teu tungwatu nya leu sisar biyai niyaijo nijep biyok cem ri.

TITUS 2:7

Ma aba ayai munti nya hagom bindo bindo di kei bibor. Suar aba ningon di gom kin ningon di nddong bingginau tungwatu nya.

TITUS 3:7

Noni yai ingon di kwes kin Allah tug hon Nide nisingat tut nyeti leu api igyai niyaijo nijep di jo kikau di igyok ingon mem.

YOHANES GI NIGOM 2:25

Kristus nonti preu ei mem nye tut niyaijo nijep di jo kikau.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

YUDAS 1:21

Ma jinyohou jenti leu binhyepo Allah ningon ngakei jeti ppu hum kin jingonti mem nijam di jiyok jingon mem ide Tuhan Yesus Kristus nikwei hanyenti. Noni miyai niyaijo nijep di jo kikau bije tug hon ningon di nggriu sut je.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.

NINGAT-HI-NGAT NYA 17:8

Mindhe di niten-pos di angat dima niyaijo nipou su noro niyaijo bu bi. Jei bi ne noni hei kwei leu ninnei rom nya ide jui nsi bidor ug ei nisar bihigomti. Tungwatu dihyeisi di inyeng jo ei srat niyaijoti habiei ei nimbie him tirigi po Allah pai tes dihyeisi dini bigyo bi nya inga leu tut noni. Lewo niyaijo nipou su noro tini bu ne niyaijo bi noro noni ttau hanyen kwei.

SAMUEL GI NIGOM 15:29

Nye di mben Israel ide Allah Di Ninyeng Jei ris mun ba, luei ningonti bi lewo Noni ne tungwatu dihyeisi dini rin bi.”