TIMOTIUS GI NIGOM 6:9 - ALLAH NIHYET MEM TUNGWATU NYA

⁹ Lewo yo di ibisau sut ninyeng biborti ibiam bon di srou yok. Ba, bon dima ribindei dino iba yoho rok mun di bon ninyeng bi kin mun di binggek yok cem ba, gima hagom ngot kep yok lene bindei timek yok bingwig hak.

TIMOTIUS GI NIGOM 6:9 ပူးပေါင်းရင်းမြစ်များ

NIPINGOK NINGONTI 15:27

Gino aris mun ei tungwatu nyati leu binhyepo abipek mitiei ne gima mibindei ba, mun di buhun micut igkep ade ig bei nsi nya yahagom. Ma asindui sut ba, hi ngot kep na au. Leu api ade njap jei ei dihyeisi dini.

TIMOTIUS GI NIGOM 3:7

Suar no dima ningon kwes kin yo di ingon jo kep bi nya. Leu gi bi ne noni biam bon di Bilis ndin mem noni apino mmai sut nonti.

KISAH 8:20

Noro Petrus buhup “Ma ade mitiei pror tut na ei nikineisi hak ug! Akan bipia aba mitiei bipek nisindemti di Allah yai bina e?

MATIUS 13:22

Njita ngan di cut ug ei bohousi bindo tut yo di ipwoi nihyet ei ingonti noro ingon ku yonti tut ndigban di mipror yon ba, iba yoho rok mitiei nindig bibor apino gima yok hagom ceu nihyet leu api ningat ntun him bi.

YUDAS 1:11

Ayo! Notou mem yo dima i? Lewo ico kak puig di Kain mbut kak. Ibindei yonti bicut ei nikineisi drek dip mitiei noyam kin Bileam niyai munti di yai tunggwei. Isrep tut Allah noyam kin Korah di srep tut Musa apino tug ndei nimai.

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.

EFESUS 4:22

Gima rino ma jipas niyaijo nitimiei bitut niyai kepti nitimiei nya leu je nok sinsun di rik-ta. Lewo jingut kanti di ntun dihyeisi di kinei dini him bindei ba, jiyaijo nitimiei timek bingwig.

MARKUS 4:19

noro ingon ku yonti tut mun di pror yon ba, iba yoho rok mitiei nindig bibor apino gima yok hagom ceu nihyet leu api ningat ntun him bi.

MATIUS 26:15

bihig ser yok “Gino dikes Yesus ei jindati lene mijiyai mitiei pig bida i?” Gima rino igyai mitiei di buhun nitig ningot ningai bak.

MATIUS 19:22

Tirigi no dima miap Yesus nibuhupti nok rino noni ba ningon di buhun bingkwei hanyen drek dip gi nyeng tut ndigban nindig bibor.

NIPINGOK NINGONTI 22:16

No di ba noho rok ninyeng tut ndigban tug hon gi co kep nuhui mbum nya ba, njei munkwas bak yo di inyeng ne wer nikinei-kinau drek dip.

NIPINGOK NINGONTI 21:6

Ndigban di tungwatu nya itug ndei tug hon nisinati di igbit bi mipror yon bibuwak yok ug ei jui nimai nimbou huigya.

NIPINGOK NINGONTI 20:21

Gino krop kei mem atug ndei mitiei ei nimbie him ne mitiei dima mibindei ba, angon nggei-hi-nggei bi ei nidipti bu.

2 TIMOTIUS GI NICAN 2:26

Mpe dima lene intin kimbou hanyen leu api ingwes ngun leu Bilis de bon di srou yok di bindei ba, ibit ningon kanti.

TIMOTIUS GI NIGOM 1:9

Jo nibreisi bipia nibou ndig nya ipas kep niggai serti nya drek dip yo di ingon kwes nya bi. Noro drek dip yo di ipigau hanjop kin yo di isibut bibor kin yo di ingkek ndok kin nibon kep sisar cig kin yo di Allah ninghim kin yo di isingat bi kin yo diihwen icig bat-ipmem bat nya kin nihwen kep mun cig,

LUKAS 21:35

dem kep bon di srou je. Lewo njap dima mittau kros kep tungwatu dihyeisi dini hagom.

YESAYA 5:8

Buhun bibor mem je di jipek ig nya bijiyai miai di hiter nide leu binhyepo jibikum jide mun di jinyeng tut nya bu! Jei bi ne minu dima bon nibresti mem nindigsi nya bi. Leu ba, je dima he mijibong ser.

NIPINGOK NINGONTI 23:4

Ma abou ngwak sibui sut gi anyeng tut ndigban kin mitiei au. Ma akes hon angon kanti dima hak ug.

MAZMUR 11:6

tuhan ba mun di buhun bibor kin hum kin aspal nggei kin hou di dut bibor di yem yok binggus bikes hukum ei yo di isibut bibor nya dip.

YOSUA 7:11

Mben Israel ibon sisar tu! Dicuk yok leu binhyepo ibit gi preu di yoni kin Dani nipreu ei biyam tu noro igyai mun tunggwei sut! Lewo ipos ndigban di suar ibindei sar pima hi nyahan ba, inggimang lene iku nyahan ei ndigban nggreti di ide nya leu binhyepo hi kan tut bi.

NINDAT KEP TUHAN NICUKTI NYA 7:25

Ma jindig ide kwar di ikuk yok bak nya kep huma. Ma jingon pri kep perak kin mas di jo kin ide kwar nya bijiyai mem jenti au. Gino jiyai mun dima yok mem jenti lene mijitug ndei nimai drek dip lewo tuhan di nok jide Allah ningon mpo tut yo di ikuk yok bak kwar nya.

MBEN ISRAEL IMBUT-MBUT NYEN 31:8

bitut nibou ndig Midian ibou muhwi di inyeng rino Ewi kin Rekem kin Zur kin Hur kin Reba ba, igyai nimai bak Bileam di Beor nipmot cem.

MATIUS 6:19

“Ma jimbus ndigban kin mitiei keyam mem jenti ei dihyeisi dini au. Leu gima yok awam mikkin ba, prap yem lene yo di imbrai nya minggek dimbou binggimang cem.

LUKAS 12:21

Mun di buhun dima micut igkep bikwop yo di inju ndigban nindig bibor ei mem yonti noro ibrim ningkek tut mun di bon ninyeng ei Allah niyai him bi.”

TIMOTIUS GI NIGOM 6:10

Lewo niba noho rok mitieisi rinok nibousi mem sisar ninyeng hagom. Tungwatu nya ibou poi di iba yoho rok mitiei ikes hon ba, ingon jo kep bu bi lene ibimangkrei ingonti ba, israwir tu.

TIMOTIUS GI NIGOM 6:17

Ma asok kep yo di inyeng tut ndigban di mipror yon mem nijam dini. Ma ingon jei sut biba ingon com mun di inyeng tut au. Noro ma iba ingon com Allah di yai mun nyeng hagom binye leu binhyepo ingon kei drek dip.

TITUS 2:12

Nisingat tut nyeti dima pingok ingonti leu binhyepo ikes hon ba, isrep tut Allah ningon kanti bibit ingut kanti di igbit bi nya bu au. Nipingok nyeti dima bindei ba, tirigi ingat rin ei dihyeisi dini ne yoom kep ingon cem ingon sren cem ingon gom tut Allah cem,

NIBOU NDIG NYA GI NIGOM 21:6

Lene Ahab buhup “Dingon sibui sut Nabot. Dipi bidipek nide ba anggur nghousi mem danti. Gi bi lene midiba ba anggur nghousi hiter bu biluei nide ba anggur dima noro noni ce tut dingon kanti dima bi.”