TIMOTIUS GI NIGOM 6:6 - ALLAH NIHYET MEM TUNGWATU NYA

⁶ Ningat ne niba ningon com Kristusti bindei ba, bihi inyeng bibor gino ingon cut hon mun di jo biyok.

TIMOTIUS GI NIGOM 6:6 ပူးပေါင်းရင်းမြစ်များ

NIBOU NDIG NYA GI NICAN 6:2

Ma asindui sut nye ba, nuug ei Yordan nyai leu binhyepo nikut bum hi kwei ba, nibingot ig di dem mem nye.” Lene Elisa ce ighyet.

MAZMUR 37:16

Ndigban gom-gom di no di ningon sren nyeng tut nibok kak bibor dor njiriek ndigban mang bibor di yo di inyeng nya inyeng tut.

MAZMUR 84:11

Gino dicem kep Ade Ig mem njap gom ngat he lene gima kei dor njiriek gi dingat rin ei mpia ttou nsi hiter mem mmun-njap sribu gom a. Dijoi sut gi di ya ser dimbou pmem ei Allah De Ig leu gima dibong kei digwam kei bit yo di isibut nya.

NEHEI LEUSI 2:21

Gima rino Musa ce tut gima bong ei minu dima. Apino Yitro ndo nipmisop Zipora bak noni nok nitnem.

NIPINGOK NINGONTI 15:16

Mbro nok gino ade ndigban gom-gom he lo, gino attin tut tuhan lene gini kei bibor leu gima ade ndigban nindig bibor lo, angon bos-bos nyen tut.

NIPINGOK NINGONTI 16:8

Nitug ndei nimuhup poi mienti tug hon ningon di gom bon ninyeng dor njiriek nitug ndei nimuhup nindig tug hon ningon mangti.

NIPINGOK NINGONTI 28:25

No di drui bou ngwak hek tut nonti niyaisi he mibindei ba, niwaisi yamti ntun him. Gino aba angon com tuhan ne abong kei agwam kei.

YEREMIA 35:9

Ningot ig mem gima nibong niti bi. Ninyeng tut miai ba anggur nghousi kin miai kin gandum ngan mem gima nindim ningan eisi cem bi.

LUKAS 12:15

Leu api Noni binut nihyet bu bipai bak yo di yahagom di ingat rin ei mpia dima “Ma jisok kep jenti ba, jinyohou jingonti ser nhyema jibon sisar ningon pri kep ndigbanti au. Leu mbro nok gino jinyeng tut ndigban nindig bibor lo, jiyaijoti tug hon jide ndigban bi.”

LUKAS 3:14

Tentara nya cem ibou poi ikwei hig ser noni “Notou mem nyeni i? Nibon notou i?” Yohanes buhup “Ma jiba nimbuk kin niris bipos mun nyeng hi leu tungwatu nya au. Noro ma jingon cut hon jimuhup nimangti!”

ROMA 8:28

Ikan tut bipia gino tungwatu nya ingon ngakei Allah di hig yok bit leu ningon kanti ne Noni nyohou dimig mun nyeng hagom di pek kep mem yok bibie tut yok.

KORINTUS GI NICAN 4:17

Mun di buhun tak nye di jo kikau di bon ninyeng bi dini bie tut nye ug ei ningon llei sutti di mindur di jo kikau. Gino ibinai hacem kin yam ne ningon llei sutti dima nindig bibor dor njiriek mun di buhun tak nye.

FILIPI 1:21

Mem dani ne diyaijo mem Kristus ba, dimaisi bindei mbut mun di kei bibor mem da.

TIMOTIUS GI NIGOM 4:8

Gino abingon-ngon nyen ba, abiyai hamem anghuisi ne gini bon ninyeng lai-laide. Noro gino abingon-ngon nyen ba, abiyai hamem mun di bitut annei ne gini bon ninyeng mem ayai munti nya hagom lewo bon nide nipreu eisi mem gima ibiyai mun di kei mem nijam di igyaijo dini kin niyaijo ei nidipti bu.

TIMOTIUS GI NIGOM 6:8

Gima rino mun di jo mem nye nok njita di igyem kin sinsun di ijuk lene gima dem.

IBRANI 13:5

Suar jimbres jenti leu sisar niba noho rok mitieisi. Ma jingon cut hon jimati di jo bije tu. Lewo Allah pai “Dimbres Da leu jeni bidikes je ei bi sren.”