TIMOTIUS GI NIGOM 6:5 - ALLAH NIHYET MEM TUNGWATU NYA

⁵ isibui ighyet ei yamti kikau buug hon nohonti bi cem. Yo dini intin kiek bikrau kep nihyet di nijit bu bi. Ikan bipia gino iba ingon com Kristus lene gima bindei ba, inyeng bibor.

TIMOTIUS GI NIGOM 6:5 ပူးပေါင်းရင်းမြစ်များ

YESAYA 56:11

Idem kep nsien di duhwen mun di yem he lo, gima gi ndei ninggumti bi. Nibou dima yok ingon huk niti cem bi ba, ibon mun bit leu yonti ingon kanti bibikwop nok ba, iba yoho rok ningat di kei mem yonti he.

YEREMIA 6:13

Ndigpoi nya kin munggwom nya yahagom iba ingon di sren bi biris mitiei leu yam ba, nabi nya kin imam nya cem iris mun bak ide limwa nya.

YEREMIA 8:10

Gima rino yo di hiter migyai ide ngoi dumti nya nok ide dihyei ninda rom bu. Midikes itnem bat nya bak yo di hiter bu. Ndigpoi nya kin munggwom nya yahagom iba ingon di sren bi biris mitiei leu yam ba, nabi nya kin imam nya cem iris mun bak ide limwa nya.

YEHEZKIEL 33:31

Induk yam bingwig ttai na ba, intu kep ahyet noro ibit acuk yokti nya bi. Iba ighyet di mmau bibuhup ahyet noro idrui bou ngwak ba, ikan-kan nyen tut mun di kei mem yonti he idrui bou ngwak kikau.

MATIUS 12:33

“Gino jinyohou biei njem nok gi kei lene ningat di kei ntun him. Gino jinyohou biei njem nok gi kei bi lene ningat di kinei ntun him. Jikan tut biei njem nya hagom tug hon ningat di ntun him.

MATIUS 21:13

Noni pai biyok “Allah Nihyet pai bipia tungwatu nya itri tut bipia Ditde Ig rinok mpia di mem tungwatu nya ingat nadi eisi. Noro jibon ig dini nok hak mihyeti mem ninggimang kep mun cig nya iku yok eisi.”

MATIUS 23:13

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jibigen ser dimbou di bie ug ei Allah Ninyeng Tak Kepti. Jenti jicoi kak dimbou hui dima bi lene jibigen ser yo di ijoi sut icoi nya. [

KORINTUS GI NIGOM 11:16

Gino hi tte tut munhyet dini lene dipai hak binoni bipia nyeni kin Allah de mbusyamei nindigsi nya nibit niyai kepti gom ngat dini tirigi nidem yam ei ba, niyai kepti hiter leu gima ne hi bi.

TESALONIKA GI NICAN 3:6

Disut bat jen, niba Tuhan Yesus Kristus ninyeng bisok kep je leu binhyepo jimbres jenti leu jisut bat yo di ibong biei nda dip kep ig he di ibit nyende nicuk yokti bi nya.

TIMOTIUS GI NIGOM 1:6

Ibou poi ikes mun dini yok hagom ei su ba, iba ighyet minyei bidahat yam bisrawir tu.

TIMOTIUS GI NIGOM 3:3

Suar noni mbres nonti leu mun di pu tungwatu nya. Ma noni gga igkei au. Noro ma ningon jo nyahan. Ma noni ngat ningwes ei mitieiti au.

TIMOTIUS GI NIGOM 3:8

Suar yo di igya kui nibou nya ingon kwes ba, ingon gom cem. Ma idut ba anggur ngei nindig di pu yok au lene ma ingon pri kep mitiei nindig bibor au.

TIMOTIUS GI NIGOM 4:7

Ma ambres nanti leu mumpui di bon ninyeng bi nya. Ma abingon-ngon nyen ba, abiyai hamem angonti di kwes leu binhyepo ayai mun bit leu Allah ningon kanti mem na.

TIMOTIUS GI NIGOM 4:8

Gino abingon-ngon nyen ba, abiyai hamem anghuisi ne gini bon ninyeng lai-laide. Noro gino abingon-ngon nyen ba, abiyai hamem mun di bitut annei ne gini bon ninyeng mem ayai munti nya hagom lewo bon nide nipreu eisi mem gima ibiyai mun di kei mem nijam di igyaijo dini kin niyaijo ei nidipti bu.

TIMOTIUS GI NIGOM 6:6

Ningat ne niba ningon com Kristusti bindei ba, bihi inyeng bibor gino ingon cut hon mun di jo biyok.

2 TIMOTIUS GI NICAN 3:5

Mbro nok gino ipai sut yonti bipia ingon jo kep tu lo, igyai munti nya srep tut ba, ide ningon jo kepti dima ne ningon jo kepti di nitrowai he ri. Ma ambres nanti leu yo dima.

2 TIMOTIUS GI NICAN 3:8

Bit leu nok Yanes kin Yambres di isrep tut Musa nipou su ba, yo dini cem isrep tut nihyet di nijit lewo intin kiek ba, ide niba ningon comti srawir tu.

TITUS 1:11

Suar asok kep yo dima ngkiem leu binhyepo ikimut yuhug hak ug. Lewo iba nihyet minyei binggek tut mbusyamei ninsi de nya imang bibor ba, ibipek mitiei nindig bibor leu yok. Igyaisi dima igbit bi!

PETRUS GI NICAN 2:15

Ikrau tunggwei puig di sren kei apino israwir. Ico kak Bileam di Beor nipmot di ningon pri kep mitiei di noni tug ndei leu niyai munti di kinei nya nohoti.

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.

YUDAS 1:11

Ayo! Notou mem yo dima i? Lewo ico kak puig di Kain mbut kak. Ibindei yonti bicut ei nikineisi drek dip mitiei noyam kin Bileam niyai munti di yai tunggwei. Isrep tut Allah noyam kin Korah di srep tut Musa apino tug ndei nimai.

NINGAT-HI-NGAT NYA 18:13

kin biei ngkek di nyop kin mun di ui-gwang kei nya kin mini ibou kin mur kin biei nggrai di ui-gwang kei kin ba anggur ngei kin mini dui kin tepun kin gandum kin sapi nya kin domba nya kin kuda bitut kroba nya kin awak nya bitut tungwatu igyaijoti nya.

NINGAT-HI-NGAT NYA 18:3

Lewo minu nya hagom idut kep nide ba anggur ngei di ndo tut nide sisar nicut tut yamti. Nibou ndig dihyeisi dini nya icut tut noni ba, nitri-nipek mun cig di inyeng bibor tug hon nide niba noho rok sisarti di bit bon om kep kan bi.”