TIMOTIUS GI NIGOM 6:4 - ALLAH NIHYET MEM TUNGWATU NYA

⁴ no dima ningon jei ba, ningon mbum cem! Noni mibimbeu sut gima liriem tungwatu nya tut mun di bon ninyeng bi. Ba, gini bindei ba, tungwatu nya ingon kinei sut yam cem ibroi leu yam cem irom ighyet kui yam cem iba ingon kan yam cem,

TIMOTIUS GI NIGOM 6:4 ပူးပေါင်းရင်းမြစ်များ

NIPINGOK NINGONTI 13:7

Bihi ibon yonti tereu nok yo di inyeng noro ningat ne yuhui mbum. Bihi ibon yonti tereu nok yo di yuhui mbum noro ningat ne inyeng bibor.

NIPINGOK NINGONTI 25:14

No di ningon ngkwei leu nide nipreu ei mem hiterti dem kep nok bumbuhui kin hou di biang biget kwei bi.

NIPINGOK NINGONTI 26:12

No di ningon mbum bibor kei njiriek no di pai sut nonti nok no di ningon ki noro ningon ki bi.

YESAYA 58:4

Tirigi jiyem njita bi mem nituti poi lene jibui yam ba, jibroi leu yam bijimbuk tut yam cem. Jikan bipia jiyai munti dima mibindei ba, dingig ditingou mem jihyet e?

KISAH 15:2

Paulus kin Barnabas isrep tut yo dima drek dip ide ningginau yokti dima nindig bibor. Gima rino yo di inggre kin mbusyamei idimig Paulus kin Barnabas kin timiei minu ndig Antiokhia nya ibou poi bipinak yok ug ei minu ndig Yerusalem leu binhyepo ihig ser yo di igya kui Yesus kin nibou mbusyamei nya tut munhyet dini.

KISAH 18:15

Noro jikon jihyet kep yam drek dip jihyet kin tungwatu inyeng nya kin jide niggai serti nya! Gima rino ma jenti jimbus yam ngonti tut gima yok hagom hak ug. Dimbus jingonti tut mun dima yok bi!”

KISAH 8:9

Ei minu ndig dima cem Simon di ninda dut no rima. Timiei Samaria nya inggap leu tut noni tut mun di noni ba ninda dut biko ninno tu dima. Lene Simon ba ningon di jei sut nonti bitri tut bipia noni mipbor ngat.

ROMA 12:16

Ma jahagom jingon kwes kin yam lene ma jingon jei au. Noro ma joom jenti sur yam kin yo di igyai inyeng bi nya. Ma jiba jingon bisrip huk tut jenti bipia jingon ki dor njiriek mun di dem mem jeni au.

ROMA 13:13

Ma ibindei mbut niyai munti di singat kei nya tereu nok yo di imbut mem nipigati. Ma ibihim cem idut pes di pu nye cem icut tut yam cem ikrar kep yam cem ibui yam cem ingon kinei sut yam cem bu au.

ROMA 14:1

Ma jiya um no di Kresten di ba ningon com Yesus bibor bigyo ba, bikum je ei jide mbusyameisi. Ma jisrep noni drek dip ningon kanti nya au.

ROMA 2:8

Noro tut nindigsi di ibon mun bit leu yonti ingon kanti bikou sut Allah nihyet leu binhyepo yuhuk bram mun di kinei ne Allah mikes hukum nindig bibor ei yok dip.

KORINTUS GI NIGOM 11:16

Gino hi tte tut munhyet dini lene dipai hak binoni bipia nyeni kin Allah de mbusyamei nindigsi nya nibit niyai kepti gom ngat dini tirigi nidem yam ei ba, niyai kepti hiter leu gima ne hi bi.

KORINTUS GI NIGOM 11:18

Nigom ne hi mbot kep tut bida bipia tirigi jinduk yam mem njap nigwam kep ninghuisi lene jide nimpung nya iba nitok biyam. Dikan bipia mun poi di imbot kep bida ne mun di nijit-jau ri.

KORINTUS GI NIGOM 3:18

Ma jikrau tunggwei jingonti au. Gino jigom ba ningon di ki di ntun dihyeisi dini him ba, binai nibou ngwakti bisrip huk bipia ningon ki ne ma noni om nonti tereu nok no di ningon mbum. Tug hon nisinati dima ne noni miyai ningon di ki di nijit-jau.

KORINTUS GI NIGOM 3:3

Lewo jiba joho rok mun di ntun dihyeisi dini him. Jingon kinei sut yam ba, jiliriem yam lene gima ndo bindo bipia jiba joho rok mun di ntun dihyeisi dini him tereu nok gi po jinok yo di ikan tut Allah bi.

KORINTUS GI NICAN 11:20

Jiba jibou coi mem yo di ibibon je tereu nok awak kin yo di ico kep je kin yo di igyem jimuhup kin yo di ingwes om kep je kin yo di ittem jijap.

GALATIA 5:15

Noro disok kep je bipia gino jaham yam noyam kin mindhe di niten-pos nya yaham yam ne mbigom jibindei yam ba, jitimek bijingwig ri.

GALATIA 5:26

Noro ma ingon jei cem ingwes pri gau yam cem iboudut ser yam cem bu au.

GALATIA 6:3

Gino tungwagom kan bipia ninyeng jei lo, ningat ne ninyeng jei haigtu bi ba, noni krau tunggwei ningonti.

FILIPI 1:15

Mbro nok gino ibou poi iba ingon di kinei sut da bitri tut Kristus biliriem yam cem lo, nindigsi nya iba ingon di gom bitri tut Noni.

FILIPI 2:14

Ma jilua sok drek dip jiyai munti nya ba, jiliriem yam cem au.

FILIPI 2:3

Ma jiyai munti nya ntun jingon di jei him ba, jibindei mbut ninyeng mangti di tug hon jenti kin jingon di jei au. Noro ma jiba jibou coi mem yam ba, jibibon hiter ningon sren dor njiriek je.

KOLOSE 2:18

Ma jisindui sut yo di ikon ighyet tut inyeng di jei drek dip gi ipai bipia iba ibou coi ba, ikuk yok bak malaikati nya noro ibitot hagau he. Yo dima ikan-kan nyenti di ntun dihyeisi dini him bindei ba, ingon jei sut yonti cem ingon ndig sut ningat-hi-ngat di mindur nya di ingat bou igyai him cem ba,

TESALONIKA GI NICAN 2:4

No dima mitte tut mun di tungwatu nya ibikuk yok bak kin nung nya di ikuk yok bak hagom leu api mikon ninyeng jei dor njiriek ninyeng hagom bigwam jug ei Tuhan De Ig bitri tut bipia noni ne Allah ri.

TIMOTIUS GI NIGOM 1:4

Ma yo dima isimbot kep biyam kikau sut mumpui hyet kin nitig pung bijo ninnoti au. Mun dima yok hagom ribindei dino iliriem yam. Nok gima cem mun dima yok ribindei mbut Allah ningon kanti bi. Allah ningon kanti dima ne tungwatu nya ikan tut tug hon ide niba ningon com Noniti.

TIMOTIUS GI NIGOM 1:7

Yo dini indo yonti nok guru di ingon ki tut Puig Yahudi ningginausi noro ingon kiowi niti tut mun di itri tut kin mun di iba ighyet bidahat yam di bindei ba, ingon jei.

TIMOTIUS GI NIGOM 3:6

Ma ata no di sindi nok no di Kresten nijep-jep binok nibou mbusyamei au. Leu gi nok ne ningon jei apino Allah misigion noni noyam kin Bilis di tug ndei nisigion noti.

2 TIMOTIUS GI NICAN 2:14

Ma abiwin kep yo di mbusyamei ingonti tut mun dini hagom. Ma asok kep yok ngkiem ei Allah niyai him ser nhyema iliriem yam tut mumpui hyet di bon ninyeng bi nya au. Mumpui hyet dima mpu tungwatu nya bi sren noro binggek tut ingonti.

2 TIMOTIUS GI NICAN 2:23

Ma abicom yam bit yo di ingon mbum nya di iba ighyet dahat yam tut mun di bon ninyeng bi nya au. Akan tut bipia mun dima yok ribindei dino tungwatu nya itte tut yam.

2 TIMOTIUS GI NICAN 3:4

ibakilak yam cem ibon mun kindi-kindok cem ingon jei bibor cem ikes Allah ei leu ba, yuhuk bram mun di ingat ingwes eisi nya cem.

TITUS 3:9

Noro ma ambres nanti leu yo di iba ighyet dahat yam tut mun di bon ninyeng bi kin yo di itig pung bijo ninno kin yo di iliriem yam kin yo di ihwen yam drek dip Puig Yahudi niggai serti nya cem lewo mun dima yok hagom bon ninyeng bi.

YAKOBUS 1:19

He disut bat di dingon kieti jen, ma jiyok ngon kep dihyet bipia suar bikwop tungwagom-gom bipbur ba, nitingou dile noro nyohou yai sut nimbrapti. Ma ningon sibui sut tungwatu nya au.

PETRUS GI NICAN 2:12

Mbenjen! Guru dima yok inok mindhe-ndhe di niten-pos nya di tungwatu nya yuhuk bibui nok mikwau. Ikan-kan nyen kan bi ba, irom ighyet kui mun nyeng hagom di ingon dorti tut bi. Yoni mitug ndei nimai noyam kin mindhe-ndhe di tungwatu nya ipijuk kan bi di ibui hak.

PETRUS GI NICAN 2:18

Mun di tibim ei yuhui him ndo brei bipia ingon jei ba, ingon mbum cem. Iba ingut kanti di kinei bibor bisrou yo di sindi ingwes ngun leu yo di isibut nya indati.

YUDAS 1:10

Noro yo dini ighyet kinei sut mun di ingon kiowi tut nya hagom. Inok mindhe-ndhe di niten-pos nya di ibit leu ingut kanti niyai kepti lo, ingut kanti dima bindei cut yonti ba, isar bingwig.

YUDAS 1:16

Yo dini inso-nso nyen cem injei kep hi ter cem igyaijo bit leu ingut kanti di kinei di srou yok cem ingon jei cem iba ninsi dimmau biris tungwatu nya leu binhyepo ibibrim mun di ingat ingwes eisi leu yok.

NINGAT-HI-NGAT NYA 3:17

Jipai sut jenti bipia jinyeng cem jibong kei jigwam kei cem ba, jisuar mun nyeng hi bi. Noro jingon ngat gi jikinei-kinau ba, jindwau cem bi. Ningat ne juhui mbum ba, jingat ngu bijiyai tu tu.