TIMOTIUS GI NIGOM 6:2 - ALLAH NIHYET MEM TUNGWATU NYA

² Awak nya di igyai midyai mem iceu bat di ingon jo kep nya lene ma ingwes pri gau iceu bat nya drek dip gi inok yo di Kresten au. Noro ma iba ijoi biborti di dor njiriek bu biyai midyai mem iceu bat nya lewo yoni ne yo di ingon jo kep nya rin ba, ide awak nya ingon ngakei yok. Suar angginau yo di mbusyamei nya ba, asok kep yok tut nipingokti.

TIMOTIUS GI NIGOM 6:2 ပူးပေါင်းရင်းမြစ်များ

YOEL 2:28

“Niabiati bu ne miduhug dinnei bikwop ei tungwagom-gom ningonti. Jipmot bat kin jipmisop bat nya mitri tut dihyet. Jide andigpoi nya mimumpriem. Jide pinai pilei nya mingat-hi-ngat cem.

MBEN ISRAEL IMBUT-MBUT NYEN 16:3

Lene yahagom yuug ngat Musa kin Harun bipai biyok “Musa e, cobi! Ayai hon tiri! tuhan ninyeng tak kep limwa mben Israel yahagom pijum ba, Noni ningat rin ei nyeni yahagom ikieti. Noro nggon rino ayai anyeng jei dor njiriek tuhan de limwa nindigsi nya i?”

MATIUS 23:8

Noro ma jibidip huk tungwatu nya leu binhyepo ijem jinyeng ‘Guru’ au. Lewo jahagom jikinjoi bat yam ba, jibon jide Guru gom ngat.

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

MATIUS 6:24

“Bit bon tungwagom bon nonti nok awak mem niceu bat nya ibou can kan bi. Lewo miningon mpo tut hi lene miningon gom tut hi. Noni miba nijoi biborti biyai midyai mem hi lene ba ninghen biyai midyai mem hi. Bit bon jinok awak mem Allah kin ndigban di mipror yon cem kan bi.

KISAH 1:15

Njap poi ser lene yo di ingon jo kep nya ibou sratus gom ningot can idem yam lene Petrus kiju bitri tut nihyet. Noni pai biyok,

ROMA 11:17

Allah sriot biei zaitun nitu (biei dini ne mben Yahudi ri) di Noni nyohou dima ninda hi leu leu api ngot biei zaitun sisron ninda hi hanyen biluei niceti. Je di ngkiai nya jinok biei zaitun sisron dima ninda ri. Allah ngot je kin biei zaitun nitu leu binhyepo jima mben Yahudi ide mun di kei di ntun niyaijo di bitut ninnei him.

ROMA 8:29

Habiei ei nimbie him ne Allah kan tut yo di Noni hig su nya bidimig yok leu binhyepo inoyam kin Nipmot Yesus Kristus. Tug hon nisinati dima Noni bindei Nipmot nok mighumbou mem Nide bat nya imang bibor.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

EFESUS 1:1

Srat dini leu da di Paulus ba, dani ne no di ya kui Yesus tug hon Allah ningon kanti mem da ri. Srat dini mem Allah de limwa nya di ingon gom tut Kristus Yesus.

EFESUS 1:15

Gima rino tirigi dimiap tut jide niba ningon com Tuhan Yesusti kin jide ningon ngakei Allah de limwa nyati

EFESUS 3:6

Nimimun dima mbot kep tut gini. Tug hon Nihyet Di Kei lene ngkiai nya iba yo kep Allah de mun di kei nya di Noni tin ei nipou su mem mben Yahudi he yo pima. Ngkiai nya inggre kin ningut gom ngat bit mben Yahudi bipriet kin mun di Allah preu ei mem nye tug hon Kristus Yesus.

KOLOSE 1:2

bak Allah de limwa. Jeni ne nisut bat nya ei minu ndig Kolose di jingon gom ba, jinok gom kin Kristus. Handei kon ba, Icig Allah singat tut je biyai jingon jo nyahan.

KOLOSE 1:4

Lewo nimiap jinghapti tut jide niba ningon com Kristus Yesusti kin jide ningon ngakei Allah de limwa nyati yahagom.

KOLOSE 4:1

Niceu bat jen! Ma jiba jingon sren bibon jide awak nya lene ma jibimangkrei yok au. Ma jiyok ngon kep bipia jijem jiceu bit Tuhan ei gwamti.

TESALONIKA GI NICAN 1:3

Disut bat jen, suar nijem sigyo bak Allah bikwop njap-njap mem je. Gi nijem sigyo mem je dima ne igbit rin lewo jikum ei jide niba ningon com Yesus Kristusti ba, jikum ei jide ningon ngakei yamti cem.

TIMOTIUS GI NIGOM 4:11

Ma angginau yo di ingon jo kep nya tut mun dini yok ba, acuk yok leu binhyepo yahagom ibit.

TIMOTIUS GI NIGOM 5:1

Ma ahyet hwen bit andig-ndau nya ingonti au. Noro ma ambus ingonti dem kep nok ambus acig ningonti. Ma abibon pinjoi pilei nya dem kep nok akinjoi bat nya.

TITUS 2:1

Noro tut na di Titus e, suar ade ningginausi bicim tindei nihyet di nijit.

TITUS 2:15

Suar aba anyeng di tak kep yok bitri tut mun dini yok hagom. Abiwin kep yo di ingon jo kep nya ingonti ba, asok kep yok ngkiem cem. Ma asindui sut ba, tungwa hi ningwes om kep nani au.

TITUS 3:8

Nihyet dima ne nihyet di nijit ri. Dijoi sut ma asum ahyet ei mun di dipas kep dima hagomti bak yo di ingon jo kep Allah nya leu binhyepo ibrim ingkek mem igyai munti di kei bibor nya. Ba, igyai munti dima bon ninyeng mem gima ibimpu tungwatu nya yahagom.

IBRANI 3:1

Disut bat je di Kresten di Allah hig je tu nya. Ma jibisrip tut Yesus di Allah cuk kwei nok Imam Nibou Ndig mem niba ningon comti di nyeni itri tut ug e.

IBRANI 3:14

Gino ikrau kep ide niba ningon comti di igyai ei nimbie him kikau bipek ningwig honti lene inok Kristus nisut bat nya ri.

PETRUS GI NIGOM 5:1

Je di nibou mbusyamei nya e, dani cem nibou mbusyamei. Dingat Kristus bou diyai him tirigi Noni yai ninghuisi wei. Midipriet kin Kristus nikei-kau-keisi tirigi Noni ndo Nonti brei ei tungwatu nya igyai him. Gima rino dipingok jingonti leu binhyepo jiyok ngon kep ditde nipingok jeti nya.

PETRUS GI NICAN 2:10

Ba, gini bitut yo di ibit ingut kanti di mpiei bibor di srou yok kin yo di ingwes pri gau Allah de nisindemti cem bibie ug e. Guru nitrowai nya ingon jei bibor ba, illei-lau cem. Ba, ikucang Allah De nipai testi di dia-diau nya ei ginyo kug bingwes mien tut bi!

YUDAS 1:8

Nok gima cem yo di isibut pima yok ipai bipia ingat ningat-hi-ngat di bindei dino ibon sisar tut yonti ingut apino ingwes pri gau Allah ninyeng di tak kep yokti ba, ikucang ninnei di dia-diau nya ei ginyo kug cem.