TIMOTIUS GI NIGOM 6:17 - ALLAH NIHYET MEM TUNGWATU NYA

¹⁷ Ma asok kep yo di inyeng tut ndigban di mipror yon mem nijam dini. Ma ingon jei sut biba ingon com mun di inyeng tut au. Noro ma iba ingon com Allah di yai mun nyeng hagom binye leu binhyepo ingon kei drek dip.

TIMOTIUS GI NIGOM 6:17 ပူးပေါင်းရင်းမြစ်များ

NITRITI 13:2

Abram nyeng bibor binyeng tut domba nya kin kambir nya kin sapi nya hagom mang bibor bitut perak kin mas.

NIBOHON MBEN ISRAEL GI NICAN 26:16

Tirigi Nibou Ndig Uzia sindem bibor tu lene cut ei nillei-llau sut nontiti. Lene gima bindei timek ninyeng jei biborti cem. Noni tunggwei nide tuhan Allah de nicukti tug hon gi coi ug ei tuhan De Ig bindig biei nggrai di ui-gwang kei ei nimbar dima dip.

MAZMUR 104:28

Akwas njita tut yok leu api imbus bijo keyam. Atin ei mun di igyem kep nya leu api igyem kep inggum ba, inghop mpung tut.

MAZMUR 52:7

Allah mibindei sar na bihigom. Noni mikat na bikri anda leu ade ig bicok tut na leu minu di yo di igyaijo nya ide cem.

MAZMUR 62:10

Tungwatu nya idem kep ninnei di ihi mbigom ngat he. Yo di inyeng jei kin ide limwa nya yahagom ibon inyeng bi. Gino ibakilo inyeng jeisi nibuhunti ne ingat lo, nggan-nggau dor njiriek ninnei di ihi mbigom ngat he nibuhunti.

MAZMUR 62:8

Noni ne Allah di bindei ba, dingwes ngun biyai dinyeng di jei bida ri. Noni ne No di ya srak ko hagau da kin hak mihyeti di diku da eisi ri.

NIPINGOK NINGONTI 11:28

No di ba ningon com mun di nyeng tut nya micut nok biei nimeng nimui di dimbos. Noro no di ningon sren mibong kei migwam kei noyam kin biei meng di nnum kei.

NIPINGOK NINGONTI 23:5

Lewo bon mun di anyeng tut dima hagom ngwig kros leu na dem kep nok mun di ninyehei ntun him ba, nok hacam krubri di mba ug ei mpia-bbed him bihigom cem.

NIPINGOK NINGONTI 27:24

Lewo ndigban di tungwatu nya inyeng tut nya jo binghig bi ba, noyam kin nibou ndig nide ninyeng tak kep limwati di jo ninno bijo kikau bi.

NIPINGOK NINGONTI 30:9

Leu gino abikum eisi ba, dinyeng bibor lene midikan ei dingonti bipia disuar na di Allah bu bi. Ne gino duhui mbum bibor ne leu ma dinggimang ndiyok lene gima bindei ba, tungwatu nya ingwes pri gau Na.

NIBA NINGON SRIP HUKTI 2:24

Gi hi di kei mem tungwatu nya dor njiriek mun nindigsi rino njita di igyem kin ndia ngei di idut kin gi ingat ingwes ei ningat di itug ndei tug hon ide midyai di igyai nya. Ba, dingon huk niti bipia gima cem mun di Allah yai binye ri.

YEREMIA 2:31

Je di mben Israel e, ma jimiap kep dihyet. Dibon Danti bidinok iggum ndigsi kin nindibutti bou jiyai him e? Gi bi lene nggon rino jingkek ndok ba, jibit jenti jingon kanti lene jingkwei hanyen ndam Da bu bi sren i?

YEREMIA 49:4

Je di jingon gom bi e, nggon rino jinggei-nggwang tut jide mbang briep di nnum kei nya i? Mindei rino bindei di jiba jingon com jide ndigban di jinyeng tut nya ba, jipai bipia hi di brim ningkek bihwen je bi i?

YEHEZKIEL 16:56

Nipou yo tirigi akon nanti pima ne apa ndip minu ndig Sodom lo,

DANIEL 4:30

bidikan “Mbenjen! Siyai bong kep minu Babel di kei bibor kei dini! Siwin side minu dini nok nibousi mem sinyeng tak kepti nok mun di bindo tut side nisindemti kin sinyeng jeisi kin side nikei-kau keisi.”

HOSEA 13:6

Noro tirigi jicoi ug ei minu di nnum kei bijiyem njita bidem njita nyeng hagom bijibong kei jigwam kei bijei bi lene jingon jei ba, jingon prion ser Da cem.

MATIUS 12:32

Allah mikos ser sisar nisrep tut Munggwom Tungwatu Nipmotti noro bit bon Noni kos ser sisar nihyet wer mpiahi tut Ninnei Gi Kwesti mem nijam dini kin nijam ningwig honti cem kan bi!”

MATIUS 19:23

Lene Yesus pai bak yo di igya kui Noni “Dipai bije bipia nggruk bibor mem yo di inyeng nya inggre kin Allah De limwa nya.

MATIUS 25:16

Awak di yai mitiei mas sribu muhwi ba mitiei dima bipek mun bitri lene biyai mitiei mas sribu muhwi bikum eisi bu.

MATIUS 27:57

Yusuf di nyeng bibor kwei leu minu mien Arimatea mem mmunti. No dini ningon jo kep Yesus.

MATIUS 6:32

Lewo yo di igwam Yesus ninghim ingon bos-bos nyen tut mun dima yok hagom bijo ninno. Jicig ei gwamti kan tut mun di jisuar dima yok hagom tu.

MARKUS 10:24

Tirigi yo di igya kui Yesus imiap nipaisi dima lene inga leu tut. Noro Noni pai bu “Dimunggwom bat jen, nggruk bibor mem tungwatu nya inggre kin Allah Ninyeng Tak Kepti!

LUKAS 19:2

Zakheus cem bong ei minu ndig dima. Noni ne nibou mem yo di igya tindei belasten bigyem tungwatu nya imuhup rin ba, nyeng bibor cem.

LUKAS 3:11

Yohanes buhup “Suar no di nyeng tut sinsun ninda ningat can kwas hi tut no di ma sinsun hi bi. Suar no di pwoi njita kwas hi tut no di nggum.”

KISAH 14:17

Noro ningon prion ser gi ndo bindo tut Nonti brei biyok bi ba, bindo dima ne nisingat tut yokti ri. Noni bindei ba, mpia but leu mpia-bbed him lene bindei ba, jide njita kioi ningat ntun him nok gi dem mem je igbit tto bou. Noni yai njita bije lene biyai jingon llei-llau cem.”

KISAH 14:27

Tirigi ikwei krau minu ndig Antiokhia ei hanjop Siria hanyen tu lene induk yo di inggre kin mbusyamei kwei bipui kep midyai di Allah bibon tug hon yoni kin notou Allah tin puig mem gima ngkiai nya cem ingon jo kep Yesus.

KISAH 17:25

Noni cem suar tungwatu nya bimpu Noni bi. Lewo Noni rino yai mun di tungwatu isuar ninyeng hagom biyok lene biyai niyaijo kin nihi ninnei bak tungwatu cem.

ROMA 11:20

Igbit ri. Noro Noni sriot ninda dima leu drek dip gi ingon jo kep Noni bi. Lo, jiluei niceti lewo jingon jo kep Noni. Noro ma jingon jei sut au. Ma jidigit tut.

EFESUS 5:5

Ma jiyok ngon kep bipia nicut tut yam cig kin nikrar kep yam cig kin nidrui bou ngwam cig (di noyam kin sisar nikuk nye bak kwarti nya) micoi bit Allah kin Kristus Ninyeng Tak Kepti bi sren.

NINDAT KEP TUHAN NICUKTI NYA 33:15

Handei kon ba, ide nungug tou nya di jo habiei ei nimbie him mimpung tut beisi di ngat ningat nindig bibor.

NINDAT KEP TUHAN NICUKTI NYA 8:17

Gima rino ma jikan bipia mijinyeng tut mun dima yok hagom tug hon jide nisindemti au.

KOLOSE 3:16

Ma Kristus nihyet di mpung tut mun di kei nya yai jingon bidut nihim. Ma jiba jingon di ki bipingok yam lene bingginau yam ngonti. Ma jikon doia kin mazmur nya ba, jibipai sigyo bak Allah ei jingonti.

TESALONIKA GI NIGOM 1:9

Lewo yo dima itri tut binye bipia nipou jiya um nye tirigi nihwou ngat je ba, jikiek je leu kwar nya leu binhyepo jinok awak mem Allah di Nijit di nok nibousi mem niyaijo nijep ba,

TIMOTIUS GI NIGOM 1:3

Akan kep bipia tirigi dijo leu minu ndig Efesus ba, duug ei hanjop Makedonia lene dicuk nani leu binhyema akes minu ndig Efesus hak ba, ambut leu au. Leu binhyepo asok kep ibou poi ei mpia dima ngkiem ser nhyema iba nihyet nitrowai bingginau tungwatu nya bu au.

TIMOTIUS GI NIGOM 3:15

leu binhyepo gino dibinyen lene srat bokti dini mipingok angonti tut notou nye di mbusyamei igyai kep ide midyai nya. Nyeni ne Allah Di Niyaijo Nide bat nya ri. Allah de mbusyamei rinok cou di sindem tut nihyet di nijit ba, nyohou nihyet dima cem.

TIMOTIUS GI NIGOM 4:10

Nyeni igyai midyai sindem bibor ba, ita ibou eisi lewo iba ingon com Allah di niyaijo di joi sut tungwatu nya yahagom igyai niteu leu sisarti kin niyaijo nijep. Noni teu yo di ingon jo kep nya leu sisar biyai niyaijo nijep biyok tu.

TIMOTIUS GI NIGOM 5:21

Disok kep na ei Allah kin Kristus Yesus kin malaikati di dia-diau nya yoho bei bipia abit mun di dicuk na tut dini hagom. Ma amig mbus tungwatu nya ba, aba angon kan-kan wai au.

TIMOTIUS GI NIGOM 6:13

Disok dihyet mem na ei Allah di yai niyaijo bak Nide nipai testi nya hagom niyai him kin Kristus Yesus di tri tut Nide niba ningon comti ei Pontius Pilatus noho bei bipia,

TIMOTIUS GI NIGOM 6:9

Lewo yo di ibisau sut ninyeng biborti ibiam bon di srou yok. Ba, bon dima ribindei dino iba yoho rok mun di bon ninyeng bi kin mun di binggek yok cem ba, gima hagom ngot kep yok lene bindei timek yok bingwig hak.

2 TIMOTIUS GI NICAN 4:10

lewo Demas kes da buug ei minu ndig Tesalonika leu da tu drek dip gi noni ba noho rok dihyeisi dini. Kreskes cem kes da buug ei hanjop Galatia leu da ba, Titus cem kes da buug ei hanjop Dalmatia leu da tu.

TITUS 2:12

Nisingat tut nyeti dima pingok ingonti leu binhyepo ikes hon ba, isrep tut Allah ningon kanti bibit ingut kanti di igbit bi nya bu au. Nipingok nyeti dima bindei ba, tirigi ingat rin ei dihyeisi dini ne yoom kep ingon cem ingon sren cem ingon gom tut Allah cem,

TITUS 3:6

Allah pinak Nonti Ninnei ei ingonti tug hon Nibou Ndig Yesus Kristus di teu nye leu sisar biyai niyaijo nijep binye.

PETRUS GI NICAN 1:11

Apino jidem mem gima jicoi bit ide Tuhan Yesus Kristus di teu nye leu sisar biyai niyaijo nijep binye Ninyeng Tak Kepti di bit bon ug hon nohonti kan bi.