TIMOTIUS GI NIGOM 6:11 - ALLAH NIHYET MEM TUNGWATU NYA

¹¹ He na di Allah de awak e, ma ambres nanti leu mun pima yok hagom. Ma ahuk bram ningon srenti kin niyai munti bit leu Allah ningon kanti kin niba ningon com Kristusti kin ningon ngakei tungwatu nyati kin ningon nddongti kin ningon jo nyahanti.

TIMOTIUS GI NIGOM 6:11 ပူးပေါင်းရင်းမြစ်များ

2 TIMOTIUS GI NICAN 2:22

Ma ambres nanti leu mun di pilei nya ingat ingwes eisi. Ma ahuk bram angon di sren kin ade niba ningon com Kristusti kin angon ngakei tungwatu nyati kin angon jo nyahanti hagom noyam kin yo di ingon kwes di yahara Allah mem gima mpu yok.

2 TIMOTIUS GI NICAN 3:17

Allah nihyet bindei ba, Nide awak yai mun di noni suar leu binhyepo noni dem mem gima yai kep midyai di kei bibor nya hagom.

TIMOTIUS GI NIGOM 4:12

Ma asindui sut ba, hi ningwes om kep na drek dip gino anok pinjoi pilei au. Noro ma ando bindo di kei bak yo di ingon jo kep nya tug hon mun di tibim ei ahui him kin ayai munti nya cem ba, tug hon angon ngakei tungwatu nyati kin ade niba ningon com Kristusti kin angon kwesti.

IBRANI 12:14

Ma jita jibou ei ningon kwes kin tungwatu yahagomti kin jide niyaijo kwes-kwausi kin Tuhanti. Leu gino tungwatu nya ikwes-kwau bi ne bit bon ingat Tuhan bou igyai him kan bi.

KORINTUS GI NIGOM 10:14

Gima rino disut bat di dingon kieti jen e, ma jimbres jenti leu nikuk je bak kwarti nya.

PETRUS GI NIGOM 3:11

Suar noni mbres nonti leu sisar biyai kep niyai munti di kei nya lene ba ningon titut yam bibrim ningkek bibindei ba, ningon kwes kin nisut bat yo di ingon jo kep nya.

KORINTUS GI NIGOM 6:18

Ma jimbres jenti leu sisar nicut tut yamti. Lewo sisar nindigsi nya di srou tungwatu nya ket ei inghuisi bi. Noro sisar nicut tut yamti ket ei inghuisi.

MAZMUR 34:14

ma noni pijuk nidwep ser nhyema pai tungwatu nya kinei biris mun au.

TIMOTIUS GI NIGOM 5:10

ba, tungwatu nya yahagom ikan tut bipia noni ne sop di niyai munti nya kei bibor tug hon gi miep nimunggwom bat nya ingon nok mungkun kei cem cigit tungwatu nya kui ig cem ba nibou coi mem yo di ingon jo kep nya cem ngondut yo di yuhui mbum nya cem. Nirop ninda ndigsi tut rino noni ndo nijoi biborti tug hon niyai midyai di kei biborti nya.

KORINTUS GI NIGOM 14:1

Ma jita jibou ei ningon ngakei yamti. Ma juhuk bram nisindemti nya di Allah Ninnei yai binye lo, ma juhuk bram nisindemti di bindei ba, jitri tut Allah ningon kanti dor njiriek nisindemti nindigsi nya.

ROMA 14:19

Gima rino ma inai hammi igyai munti nya di biyai tungwatu nya ingon kwes kin yam bibiwin kep yam ngonti cem.

YESAYA 51:1

tuhan pai “Je di jijoi sut gima diteu je bijingwes ngun e, ma jingig jitingou mem Dihyet bijikwei ndam Da. Ma jahara Da bidimpu je. Ma jiyok ngon kep nungug tig di jintun him kin tig mma nghousi di ibei je leu cem.

MAZMUR 38:20

Ditde siceu nya imang bibor ba, isindem cem. Ingon kinei sut ditde niyai munti nya.

NIBOU NDIG NYA GI NICAN 5:20

Elisa de awak di Gehazi kan “Nggon rino siceu sindui sut Naaman bimbut leu ba, go tut mindur dima bi i? Suar siceu ce tut ba, tug ndei mun di Naaman tin ei mem yai binoni pima. Nnaba seheng bitug hon tuhan di niyaijo ninyeng bipia sidor bram Naaman leu binhyepo noni kwas mun di kei ninyeng gom tut sa.”

TIMOTIUS GI NIGOM 6:20

Na di Timotius e, ma anyohou mun di Allah ba ningon com na tut! Ma ambres nanti leu nisimbot kep biyamti di nok nihyet minyei kin tungwatu nya di iba ighyet dahat yam hyet tut mun di iba ingon kiowi bijem ninyeng “Nikan tutti.”

YEREMIA 35:4

Dibuwak yok kwei ei tuhan De Ig binicoi ug ei yo di igya kui Nabi Hanan di Yigdalya nipmot ide ninsi. Ninsi dima jo Imam Maaseya di Salum nipmot de ninsi nidip hu kwei ba, dideu yo di igya kui nibou ndig nindigsi nya ide ninsi a. Maaseya ne no di ninyeng jei di ya ser dimbou pmem nya ei tuhan De Ig ri.

NIBOHON MBEN ISRAEL GI NICAN 8:14

Salomo nyohou dimig midyai di imam nya kin Lewi nya igyai kep bikwop njap ngwa hagom ba, suar ipai kep doia nya ba, ibikon tuhan ninyeng cem impu imam nya tut gima ibindei mbut midut nikuk no bak Allah eisi nya. Salomo dimig midyai dini ba, bibit leu nicig Daud nicukti nya. Noni kwas yo di igya ser tuhan De Ig ei nimpung poi mem gima igyok igyai kep dimbou pmem gom-gom dem igbit Allah de awak di Daud nicukti.

NIBOU NDIG NYA GI NICAN 23:17

Bihig ser tungwatu nya “Tou rino itig ei hak mihyeti gom dima i?” Lene mben Betel ibuhup “Itig nabi di kwei leu minu Yehuda di tri tut mun di abindei ba, cut igkep nimbar hum dok dini ei njap di ammani tu rino itig ningut eisi a.”

NIBOU NDIG NYA GI NICAN 1:13

Leu api nibou ndig cuk nibou tentara gom kin bu leu binhyepo ya tut nide tentara ibou ningot muhwi biyuug bu. Nibou tentara dima kui ba, ug krau mbigdip pima lene ba nibiau bicom mpia ei Elia noho bei bahara mem “Na di Allah de awak e, ma akos ser nyende mun di kinei o! Angondut da kin ditde tentara di ibit da dini nahagom o! Ma ayai nimai binyeni au!

NIBOU NDIG NYA GI NICAN 1:9

Lene noni cuk nibou tentara gom bitut nide tentara ibou ningot muhwi leu binhyepo yuug kat Elia kwei. Nibou tentara dima ug ba, tau kep Elia di gwam ei mbigdip gom lene pai bak “Na di Allah de awak e, nibou ndig cuk nani bipia ajuk kwei!”

NIBOU NDIG NYA GI NIGOM 20:28

Mpe dima lene nabi gom kwei ngat Nibou Ndig Ahab bipai bak “tuhan pai ‘Tentara Siria dima ikan bipia disindem tirigi Dingat rin ei hanjop nungug him lo, tirigi Dingat rin ei briep bou him lene disindem bi. Gima rino midibindei ba, jibindei timek ide tentara di nindig bibor dima yahagom ug ri. Mijo nibreisi mem nani kin ade limwa nya cem bipia Dani ne tuhan ri.’ ”

NIBOU NDIG NYA GI NIGOM 17:18

Gima rino kibom hig ser Elia “Andigpoi di anok Allah de awak e, nggon rino abon mun di kinei bibor dini tut da i? Akwei bong bit nye leu binhyepo abindei ba, Allah yok ngon kep ditde sisar bibindei ba, dipmot mai drek dip sisar dima e?”

SAMUEL GI NIGOM 2:27

Mpe di gom bu lene nabi gom ttau kwei bisok kep Eli tut tuhan ningon kanti mem noni bipai “Tirigi po ade pung Harun kin nide bat nya inok awak mem nibou ndig mben Mesir pima lene Da di tuhan dindo Danti binoni.

NIBOU NDIG NYA GI NIGOM 13:26

Tirigi nabi andig-ndau dima miap tut tu lene pai “Gima ne nabi di bit tuhan nihyet bi pima ri! Gima rino tuhan pinak singa dima di ttem noni biyai nimai bak dem igbit tuhan nipai sutti di nipou pima ri.”

NIBOU NDIG NYA GI NIGOM 13:1

Mpe dima lene nabi gom ningat rin ei minu Yehuda. tuhan cuk noni leu binhyepo ug ei minu ndig Betel. Noni ug ba, ug krau hammi tirigi Yerobeam ya kui nimbar hum dok bibon midut nindig mindhe titut kep humti.

SAMUEL GI NIGOM 9:6

Noro awak dima srep bipai “E bi! Allah de awak gom no bong ei minu dini ba, timiei nya yahagom inggei sut noni lewo mun di noni tri tut hagom dem igbit nipaisi. Suug ngat noni leu binhyepo mimbot kep bisa tut mpia dino keledai nya israwir eisi a.”

NINDAT KEP TUHAN NICUKTI NYA 33:1

Nipou tirigi noni mai bigyo lene Musa di Allah pinak bak mben Israel ngat nadi tindei mun di kei mem yoni bipai,

NINDAT KEP TUHAN NICUKTI NYA 16:20

Suar nikei dima yok ikos tut mun di igbit kikau leu binhyepo jiya timiei ba, jibong kei jigwam kei ei minu di jide tuhan Allah miyai bije.

NEHEMIA 12:36

Yo di igya abia kep Zakharia ninghim dip bu ne nimpung leu bibikwop Semaya kin Azareel kin Milalai kin Gilalai kin Maai kin Netaneel kin Yehuda kin Hanani yoni insi de nya ri. Yo dini yahagom ikrau mun di ibikek doia noyam kin gi hi po Nibou Ndig Daud po Allah de awak bikek pima ei indati. Lene Imam Ezra di ningon ki tut Allah de nikos tutti nya bie tut nibou mu.

NEHEMIA 12:24

Ikwas midyai tut Lewi nya di igyai midyai ei Hasabya kin Serebya kin Yesua kin Binui kin Kadmiel yoni inda behei bikwop nimpung nya. Ikwas nimpung nya ba, nimpung can dima ikiju ipai doia nibuhup-buhup nyen biyamti bipai doia bibinggei sut tuhan ninyeng cem bibipai sigyo biNoni cem sindam bit leu Nibou Ndig Daud di Allah de awak pima nicuk yoti.

NIBOHON MBEN ISRAEL GI NIGOM 23:14

Ba, ibindei coi Allah de awak di Musa nipmot bat nya ei keret Lewiti.)

NIBOU NDIG NYA GI NIGOM 17:24

Lene kibom dima buhup “Jo nibreisi mem da bipia na di Andigpoi anok Allah de awak. Ningat ne Noni tri tut nihyet tug hon nani!”

NIPINGOK NINGONTI 15:9

tuhan ningon mpo tut yo di yaham imbuk kep Noni igyai munti nya noro ningon ngakei yo di ibrim ingkek mem gima igyai igbit ningon kanti.

TIMOTIUS GI NIGOM 1:14

Ide Tuhan Yesus Kristus singat tut da nindig bibor bibindei ba, diba dingon com Noni ba, dingon ngakei tungwatu nya cem. Noni yai nisindemti ninyeng can dini bak yo di inok gom kin Kristus yahagom.

2 TIMOTIUS GI NICAN 2:21

Tungwatu tou rino mbres nonti leu mun di ugwai-gwai nya noyam kin mun di dia-diau kei di niceu bet ei mem njap nindig. No dima ningon gom tut Allah bipwoi ningon cem ba, tin ei mem gima yai kep midyai di kei bibor nya hagom.

2 TIMOTIUS GI NICAN 3:10

Noro tut nani ne abit ditde ningginausi kin diyai munti nya kin dingon kanti tu ba, angig ayai kep ditde niba ningon com Kristusti kin dingon di jo nyahan kin dingon ngakei tungwatu nyati kin dingon di nddong,