TIMOTIUS GI NIGOM 5:6 - ALLAH NIHYET MEM TUNGWATU NYA

⁶ Sop kibom di ba noho rok mun di ngat ningwes eisi lene mbro nok gino niyaijo yo lo, mai su.

TIMOTIUS GI NIGOM 5:6 ပူးပေါင်းရင်းမြစ်များ

YAKOBUS 5:5

Jibong kei jigwam kei ei dihyeisi dini ba, jiba joho rok mun di jingat jingwes eisi. Gima tereu nok jibindei mmau jenti bijimmau ndok ei mem njap dino ibui je dem kep nok ibui mikwau.

NINGAT-HI-NGAT NYA 18:7

Ma jibindei ba, ninghuisi wei nindig bibor ba, ningon ngguk bibor cem sur nide ningon jei sut nonti kin ndigban nindig bibor di noni mbus keyam ei mem nonti. Lewo noni kan a ‘Sani ne sop nibou ndig rin ba, sinyeng tak kep mun nyeng hagom. Sani ne sop kibom rin bi ba, misingon ngguk bi sren.’

NINGAT-HI-NGAT NYA 3:1

“Apas srat dini bak malaikati di buhup tut mbusyamei ei minu ndig Sardis. Nipas kepti dini kwei leu No di nyeng tut Allah ninnei muhwindacan kin ham ningat muhwindacan. Dikan tut jiyai munti nya. Mbro nok gino tungwatu nya ipai sut je bipia jiyaijo yo lo, ningat ne jimai yo!

LUKAS 15:24

Lewo dipmot dini mai su noro niyaijo hanyen bu. Nipou ne noni srawir leu da noro dingat ningat bou diyai him hanyen tu.’ Pai nok leu api yahagom ibon pesta nindig bibor.

LUKAS 15:32

Noro suar nyeni ibon pesta bingon llei bibor drek dip akinjoi di mai su lo, niyaijo hanyen bu. Noni pror leu nye noro dingat ningat bou diyai him hanyen bu tu.’ ”

EFESUS 5:14

Lewo mun hagom di tungwatu nya ingat biput kei dima ne nipigati ngat ri. Gima rino tungwatu nya itri tut a He na di abong mai e, ma ada ayai ba, akiju leu nimai eisi! Kristus ninjeng mipiga digai na ri!

EFESUS 2:1

Nipou ne mun di bitut jinnei mai su lewo jibit Allah nicukti nya bi bijibon kep sisar.

LUKAS 15:13

Njap poi kin bu lene mot nipumiap dima tri nide ndigban hagom bingwig bibipek mitiei leu api pwoi hagom bikes nitimieisi ei leu lene mbut tut bihigom. Noni mbut buug ei minu ting bibong ei ningkiaisi. Ei sirima ne noni bimangkrei nide mitiei hagom bingwig ei niyai munti di kinei di srou noni.

MATIUS 8:22

Lene Yesus buhup “Nnaba yo di imai nya mitig ide nimai nya. Noro tut nani ne ma akwei bit Da hak ug.”

KOLOSE 2:13

Nipou ne mun di bitut jinnei mai ei sisarti. Jicoi bit midut sunat di ntun Puig Yahudi niggai serti him bi. Noro tini bu ne Allah win je bijiyai niyaijo nijep bit Kristus. Allah kos ser ide sisar hagom tu ba,

EFESUS 2:5

Tirigi mun di bitut innei mai drek dip gi itunggwei sut Allah nihyet lene Noni win nye hanyen leu imai eisi ndam niyaijo nijep noyam kin Kristus. Gima rino jiyai niteu leu sisarti kin niyaijo nijepti tug hon Allah di singat tut je.

LUKAS 12:19

Leu api misipai bisanti ‘Singon nggei-hi-nggei! Sima mun nyeng hagom tu. Sinyeng tut njita bijo kikau ba, ngwig leu sa bi. Ma sibong kei sigwam kei! Siyem njita di kei bisidut ba anggur ngei cem lene ma siyai mun bit leu singon kanti hak ug!’

LUKAS 7:25

Juug ngat mindei i? No di juk sinsun di nibok kak e? Yo di ijuk sinsun di nibok kak kin yo di inyeng tut ndigban nindig bibor yahagom ibong bit nibou ndig nya!

NIBWOS-BWOS NYENTI 4:5

Yo di igyem kep njita di mmau kei nya di ibong kei igwam kei dor njiriek hiter ei nipou su pima nya tini bu ne ijei-jei nyen binggok njita ei mpia di icom kep mumpiang keyam eisi leu api ibimai inggum ei puig sinon bidem simpak nya o!

YEREMIA 6:2

Minu ndig Sion kei-kau-kei noro tuhan mibindei sar hak ug.

YESAYA 47:1

tuhan pai “Minu Babel e, ajuk kwei leu ade banggo mbrei ba, agwam ei dihyei ndung dip. Agisindem ba, anok no di ubbu ngat nok gi nipou yo bu bi.

YESAYA 22:13

Noro jigiyai gima bi. Mpe dima lene jingon llei-lau ba, jibon pesta bit yam. Jibui sapi kin domba nok mikwau bijiyem bijidut ba anggur ningei cem. Jibijem biyam “Jikwei bigyem njita bidut ndia ngei cem lewo njap ne imai ug rin o!

NIPINGOK NINGONTI 29:21

Gino asok kep awak bi noro asindui sut ba, noni yai mun nyeng hagom bibit leu nonti ningon kanti tirigi mien kikau ug bipek nimahanti apino ningkek ndok bibor.

SAMUEL GI NIGOM 25:6

leu binhyepo inggok Nabal bipai sut Daud nipigo noti bak. Daud sok nihyet bak Nabal leu api ipai bak noni “Daud pigo nani kin ade ig bei nsi bitut mun di anyeng tut nya cem hagom.

SAMUEL GI NIGOM 15:32

Lene Samuel cuk tentara nya bipia ikat Agag kwei ya ei noho bei. Lene Agag ba ninghuisi di mpig sut bikwei ya ei Samuel noho bei bikan “Misingwes ngun leu hukum ug ri.”

NINDAT KEP TUHAN NICUKTI NYA 28:56

Nok gima cem sindig di ninyeng jei di ningon singat di nyeng bibor ba, gimbun mbut nimig kan bi dima cem ningon ndei ninggum bi biyai nok gima. Ninggum mihwen sop dima mem nijam di igyon ttai minu ndig dima ser apino bui ningwoi nide di sindi srek bitut niban cem nok mikwau ba, yem niku. Lene noni mikwas mikwau dima poi mien tut nijjep di ningon ngakei kin nimunggwom bat nindigsi nya cem bi.

NINDAT KEP TUHAN NICUKTI NYA 28:54

Nok gima cem andigpoi di ninyeng jei di ningon singat cem ningon ndei ninggum bi ei nijam di igyon ttai minu ndig dima ser apino bui nonti nimunggwom bat nya nok mikwau biyem kep ninggum lewo njita hi jo bi. Lene noni mikwas mikwau dima poi mien tut nide adig-ajoi hi kin nitnem di ningon ngakei kin nimunggwom bat nindigsi nya cem bi.

LUKAS 16:19

“Mpe di gom ne tungwagom di nyeng bibor no rinaha ba, noni juk kep sinsun di nibok kak bibor nya lene yem njita ninyeng hagom bikwop njap-njap.

NITRITI 2:17

Noro harin dima apuk biei ngat di bindei tungwatu nya ingon dor niti tut gi kei nya kin gi kinei nya ba, ayem a. Leu gino ayem biei ngat dima lene amai hak mem njap dima.”

2 TIMOTIUS GI NICAN 3:6

Lewo yo dima ibou poi ihwou ningnai bibrim ingkek kep sop di ingon nddong bi nya biyahak ide mun di kinei ei yoti. Sop dini yok ingon mien mui su ba, ibit-bit nyen ingut kanti ninyeng hagom.