TIMOTIUS GI NIGOM 5:5 - ALLAH NIHYET MEM TUNGWATU NYA

⁵ Sop kibom di nijit rino sop kibom di bon nide bat nya hi di inyohou noni bi. Noni ba ningon com Allah ba, huk nadi bak Noni tut mun di suar bikwop mmun-njap.

TIMOTIUS GI NIGOM 5:5 ပူးပေါင်းရင်းမြစ်များ

TIMOTIUS GI NIGOM 5:3

Ma aba angon di gom binyohou sop kibom di iwer kibom nijit nya.

LUKAS 2:37

lene noni wer kibom kikau ba, nogindini nide njap ug ei ari bingwam ningot muhwindaningai ba, bitai. Noni bong kep Tuhan De Ig bikwop mmun-njap ba, kuk no bak Allah tug hon nadi kin niyem njita bi mem nituti poi.

PETRUS GI NIGOM 3:5

Lewo sindig timiei pinipou di ingon kwes nya di igyok ingon mem Allah iba ide niba nibou coi mem ijjep bat nyati bimau yonti.

TIMOTIUS GI NIGOM 5:16

Ne gino sop di ningon jo kep bon nide bat sop kibom nya lene ma nyohou nide kibom nya hak ug. Ma noni hara yo di mbusyamei mem gima inyohou yok au. Lewo yo di mbusyamei inyohou sop kibom di nijit nya he.

KORINTUS GI NIGOM 7:32

Handei kon ba, mun di biyai ningon mbut-mbut nyenti ngot kep je bi. No di wak sop bi kon mun di bitut Tuhan bijo anai ei nibou ngwakti lewo noni pwoi Tuhan ningona.

LUKAS 18:1

Gima ngwig lene Yesus ba nihyet nibiti nindati bingginau yo di ibit Noni leu binhyepo yuhuk nadi kikau lene ma ingon nghen leu au.

MAZMUR 91:4

Noni nyohou na dem kep nok ha di kieng ninyehei gau nimien bat nya leu binhyepo angwes ngun ba, angon jo nyahan. Noni ba ningon gomti biya srak ko hagau na binok bor ngug mem na cem,

EFESUS 6:18

Ma jiyai mun dini yok hagom ba, jibingat nadi bak Allah leu binhyepo Noni mpu je. Ma jiba jiyai ngkiemti kin jingon cut leu bisi bingat nadi bidem nituti kin nikwesti hagom bit leu nok Allah Ninnei nibie tut jeti. Mpe dino jimut jiyai ne ma juhuk nadi mem jisut bat yo di Kresten yahagom.

LUKAS 18:7

Gi nok ne Allah cem mimbrap gau Nide limwa nya di yahara Noni bikwop mmun-njap bi e? Noni miba nikou bimpu yok e?

SRAT RUT 2:12

Handei kon ba, tuhan di nye di mben Israel nikuk nye bak miba mun di kei bibor bibirop hanyen bina tut ayai munti nya hagom lewo akwei gwam coi Noni tu!”

KORINTUS GI NIGOM 7:34

lene gima bindei ba, no dima pwoi ibou can ingon. Sop di wak pinai bi kin sop gwam nitta pilei nya ikon mun di bitut Tuhan bijo anai ei ibou ngwakti bipwoi Tuhan ningona. Noro sop di wak nijjep tu kon mun di bitut dihyeisi dini bijo anai ei nibou ngwakti bipwoi nijjep ningona.

ROMA 1:12

Dingon kanti ne ma nyeni yahagom ibiwin kep yam ngonti drek dip ide niba ningon com Yesus Kristusti.

ROMA 1:5

Allah bindei ba, Yesus Kristus singat tut da bikon dinyeng nok no di ya kui Noni bidinok awak mem Noni cem leu binhyepo dibuwak mben dihyeisi dini hagom ndam Yesus leu api iba ingon com Noni bibit nihyet.

KISAH 26:7

Nyende pung di nintun him ibou simnaibrimigcan ikuk yok bak Allah bikwop mmun-njap ba, igyok ingon mem mun di Noni preu ei mem yok. Na di Andigpoi e, mben Yahudi ipai da kinei drek dip mun di Allah preu ei mem nye.

NIBWOS-BWOS NYENTI 1:13

Noni bindei juk hum leu mpia-bbed him kwei biyem kikau ug ei dingon bei! Noni com bon ser bei doho bei apino bon srou da di dicut o! Leu api Noni sindui sut ba, ditug ndei ninghuisi wei bidangkom ei njap jei o!

YESAYA 54:1

Minu ndig Yerusalem e, nipou ne apijet noro tini bu ne ayai nillei ba, aba angon di nggan-triot bipai doia. Lewo amunggwom bat nya imang bibor dor njiriek sop di nijjep kes ei bi nimunggwom bat nya imangti.

YESAYA 50:10

Je di jibou cut bak tuhan di jimiap kep Nide awak nihyet e, mpaba puig di jimbut kak dima dindi ba, nipigati hi di piga digai puig mem je bi. Noro ma jiba jingon com tuhan bijirok kui jide Allah.

YESAYA 49:21

Mpe dima lene akan, ‘Tou srek tut munggwom dini yok yahagom bak sa i? Lewo simunggwom bat nya ipror leu sa ba, sipijet hon tu. Ngkiai nya ikat sa bicom sa ug ei singkiaisi lene yahagom ikes sa ei ba, sibong bisangkom. Gima rino munggwom dini yok ikwei leu hantou i? Tou rinyohou yok di bindei ba, imahan tu i?’ ”

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 3:26

Tungwatu nya migwam ei dimbou pmem ei minu ndig dima nuhui bingon ngguk bipim nggruet. Minu ndig dima ningat minok sop di juk sinsun leu di nijou hangwang bigwam ei dihyeiti.

KISAH 6:1

Jei bi lene yo di ibit Yesus imangti bikum eisi ba, ningot ndig bu. Noro mben Yahudi di imbrap nihyet Yunani ingon dindi tut timiei mben Yahudi nya. Gi hi di imbrap nihyet Yunani ilua sok bipia ide kibom nya ima mun di bahati tut yok bikwop njap-njap sur yam kin kibom nindigsi nya bi.

KISAH 9:39

Petrus kiju bibit yok hak. Tirigi noni kwei krau minu ndig Yope lene yo dima ibuwak noni ug ei nghim nsi di jo anai ei ig di jo-jo yam dip dima. Lene sop kibom nya di ingat rin ei mpia dima inggreu kep noni bipim kep nimai cem ba, indo sinsun ninda kin sinsun dut di jei di Dorkas nap di bitri tungwatu nya tirigi niyaisi jo yo bak Petrus.

KISAH 9:41

Lene Petrus mpu noni bibrim ninda bikiju biya. Leu api noni hig yo di ingon jo kep nya bitut kibom pima yok cem yahagom kwei lene kes Dorkas di niyaijo hanyen biyok.

FILIPI 4:6

Ma jingon pri tut mun nyeng hi au. Tirigi jingat nadi lene ma jahara Allah tut mun di jisuar nya. Ma jiba nipai sigyo di ntun jingonti him bahara Noni tut mun nyeng hagom.

TIMOTIUS GI NIGOM 2:1

Nimbie him lene ditigtai na leu binhyepo yo di mbusyamei nya ingat nadi mem tungwatu nya yahagom ba, ijem sigyo cem bak Allah.

2 TIMOTIUS GI NICAN 1:3

Dijem sigyo bak Allah. Dinok Nide awak di ningon mien kwes kei dem kep nok didigup bat-didigai bat nya di inok awak mem Noni nipou su. Dijem sigyo bak Noni tirigi dingat nadi tindei na bikwop mmun-njap.