TIMOTIUS GI NIGOM 5:3 - ALLAH NIHYET MEM TUNGWATU NYA

³ Ma aba angon di gom binyohou sop kibom di iwer kibom nijit nya.

TIMOTIUS GI NIGOM 5:3 ပူးပေါင်းရင်းမြစ်များ

AYUB 29:13

Yo di ingon buhun bibor cem inggei sut da tut diyai munti nya. Kibom nya cem ibong kei igwam kei lewo dimpu kep yoni cem.

AYUB 31:16

Dingkek ndok tut nuhui mbum nya bidisindui sut kibom nya biba ingon di ngguk bigwam nyen ei bi sren.

MAZMUR 146:9

Noni nyohou mben ngkiai di ibong timiei bit nye nya bimpu kibom nya kin moibihi nya noro bindei ba, yo di isibut nya ingon kanti kin ide nikos tutti nya pek kep bi.

MAZMUR 68:5

Ma jipai doia bak Allah bijikon ninyeng cem. Jitin simpak mem No di krau bumbuhui bidor tut. Ninyeng rino tuhan. Ma jiyai nillei ei Noho bei!

MAZMUR 94:6

Igyai nimai bak kibom nya kin moibihi nya kin ngkiai nya di ikwei bong timiei ei minu dini cem.

NEHEI LEUSI 20:12

Ma jibou cut bak jicig bat-jipmem bat nya bijibit ighyet. Leu binhyepo mijibong kei mijigwam kei mem nijam di jei ei minu di dindo ei mem je tu.

YEREMIA 49:11

Je di mben Edom e, ma jikes jide moibihi nya biDa leu api midinyohou yok. Ma jisindui sut ba, kibom jide nya cem iba ingon com Da.

MATIUS 15:6

Lo, tut gima nyohou nicig nipmem nya lene nna ug. Nok gima lene jiba jidigup bat-jidigai bat nya ide ningginausi bico kep Allah Nihyet.

MATIUS 23:13

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jibigen ser dimbou di bie ug ei Allah Ninyeng Tak Kepti. Jenti jicoi kak dimbou hui dima bi lene jibigen ser yo di ijoi sut icoi nya. [

LUKAS 2:37

lene noni wer kibom kikau ba, nogindini nide njap ug ei ari bingwam ningot muhwindaningai ba, bitai. Noni bong kep Tuhan De Ig bikwop mmun-njap ba, kuk no bak Allah tug hon nadi kin niyem njita bi mem nituti poi.

LUKAS 7:12

Tirigi ikwei krau dimbou pmem nuhui ei minu ndig dima lene Noni ngat lo, bihi ittei lat tut nimai ngut di joti ba, tungwatu ningot ndig injei bit. No di mai nimig gom ngat ba, nipmem kibom.

YOHANES 1:47

Yesus ngat Natanael di kwei ndam Noni lene pai sut noni “Jingat i! No dini ne mben Israel ningat-ngat rin ba, niris mun bak tungwatu nya jo ei Noniti bi.”

KISAH 6:1

Jei bi lene yo di ibit Yesus imangti bikum eisi ba, ningot ndig bu. Noro mben Yahudi di imbrap nihyet Yunani ingon dindi tut timiei mben Yahudi nya. Gi hi di imbrap nihyet Yunani ilua sok bipia ide kibom nya ima mun di bahati tut yok bikwop njap-njap sur yam kin kibom nindigsi nya bi.

KISAH 9:39

Petrus kiju bibit yok hak. Tirigi noni kwei krau minu ndig Yope lene yo dima ibuwak noni ug ei nghim nsi di jo anai ei ig di jo-jo yam dip dima. Lene sop kibom nya di ingat rin ei mpia dima inggreu kep noni bipim kep nimai cem ba, indo sinsun ninda kin sinsun dut di jei di Dorkas nap di bitri tungwatu nya tirigi niyaisi jo yo bak Petrus.

KISAH 9:41

Lene Petrus mpu noni bibrim ninda bikiju biya. Leu api noni hig yo di ingon jo kep nya bitut kibom pima yok cem yahagom kwei lene kes Dorkas di niyaijo hanyen biyok.

NINDAT KEP TUHAN NICUKTI NYA 10:18

Noni hati tut moibihi nya kin sop kibom nya bibindei ba, tungwatu nya ibibon yok nok igbit. Ningon ngakei ngkiai nya di ibong srig jikieti bikwas njita kin sinsun tut yok.

NINDAT KEP TUHAN NICUKTI NYA 14:29

Njita dima mem keret Lewi lewo yoni ima dihyei hanjop nsi hi bou yok nok ide bi. Lene hi mem yo di yuhui mbum di ibong ei jide minu ndig nya kin munggwom moibihi nya kin kibom nya kin ngkiai di ibong timiei bit je cem yahagom. Ma jisindui sut yoni ba, ikwei yai mun nyeng hagom di isuar nya. Suar jibit nicuk jeti dima leu api jide tuhan Allah minjei mun di kei bak jeni tut jide midyai di jiyai nya hagom.”

NINDAT KEP TUHAN NICUKTI NYA 16:11

Suar jiyai nillei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya. Ma jibon midut dima ei jide tuhan Allah Noho bei ei mpia ttou nsi di Noni ndo ei mem je tu.

NINDAT KEP TUHAN NICUKTI NYA 16:14

Ma jingon nggei-hi-nggei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya.

NINDAT KEP TUHAN NICUKTI NYA 27:19

‘Ma tuhan sigion no di pos ngkiai kin moibihi kin kibom ide mun di inyeng tak kep nya.’ Lene ma limwa nya yahagom ibuhup ‘Igbit ri!’

TESALONIKA GI NIGOM 2:6

Nibrim ningkek leu binhyepo tungwatu nya kin jeni cem jinggei sut nye bi.

TIMOTIUS GI NIGOM 5:2

Ma abibon sindig nya cem dem kep nok apmem lene aba angon di gom bibon sop gwam nitta pilei nya dem kep nok akwohop.

YAKOBUS 1:27

Allah kan tut yo di ibit Nonti ningon kanti mem yok nya rinok gini. Inyohou moibihi nya kin sop kibom di ihwap mbum nya cem ba, ingon hek tut yonti ser nhyema mun di suwok ei dihyeisi dini rap yok bi.

PETRUS GI NIGOM 2:17

Ma jibou cut bak tungwatu nya yahagom. Ma jingon ngakei jisut bat yo di ingon jo kep nya bijittin tut Allah. Ma jibou cut bak nibou ndig Kaisar.

PETRUS GI NIGOM 3:7

Nok gima cem je di pinai nya e, ma jiba jingon bisrip huk bipia jitnem bat nya ne pung di isindem bi nya ri. Ma jibibon yok nok gi igbit lewo jeni kin yoni mijiyai niyaijo nijep di jo kikau tug hon Allah nisingat tut jeti. Ma jibit dicukti dini leu binhyepo tirigi jingat nadi lene mun nyeng hi sigi ser jingonti bi.